ICU वॉर्डमध्येच राडा; एका पेशंटकडून दुसऱ्या पेशंटवर काचेने हल्ला
पिंपरी : औंध जिल्हा रुग्णालयातील आयसीयू वॉर्डचा दरवाजा बंद केल्याच्या रागातून एका पेशंटने वृद्ध महिला पेशंटवर काचेने वार करून तिला जखमी केले. ही घटना सोमवारी (दि.१३) दुपारी १२ वाजण्याच्या सुमारास औंध जिल्हा रुग्णालय, पुणे येथे घडली.
याप्रकरणात कांता मारुती जाधव (वय ६९, लक्ष्मीबाई कॉलनी, ताथवडे) यांनी सांगवी पोलीस ठाण्यात फिर्याद दिली आहे. त्यानुसार, बाबासाहेब शंकर डोंगरे (वय ४२, औंधगाव, पुणे) याच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी कांता जाधव या औंध रुग्णालयातील आयसीयू वार्डमध्ये उपचार घेत होत्या. त्यांच्या बेडशेजार आरोपी बाबासाहेब डोंगरे हा रुग्ण दाखल होता.
दरम्यान, पेशंट बाबासाहेब याने फिर्यादीने दरवाजा बंद केल्याचा राग मनात धरला. त्याने रागाच्या भरात दरवाजाची काच फोडली आणि त्या तुटलेल्या काचेने फिर्यादीच्या उजव्या हाताच्या कोपऱ्याजवळ मारून त्यांना जखमी केले. सांगवी पोलीस तपास करत आहेत.
पत्नीसमोरच पतीला बेदम मारहाण करत हत्या
मुंबई येथून एक धक्कादायक घटना समोर आली आहे. एका तरुणाची पूर्ववैमनस्यातून पत्नीच्या देखत बेदम मारहाण करण्यात आल्याचे समोर आले आहे. यात तरुणाचा मृत्यू झाला. या घटनेने परिसरात खळबळ उडाली आहे. ही घटना मुंबईतील दादर परिसरात रविवारी रात्री नऊच्या सुमारास घडली. मृत्यू झालेल्या व्यक्तीचे नाव अंकुश आंबोरकर (वय ४०) असे आहे. पोलिसांनी याप्रकरणी आतापर्यंत सहा जणांना अटक करण्यात आली आहे.
पुण्यात गळफास घेऊन विवाहितेची आत्महत्या
सध्या आत्महत्येच्या घटनांमध्ये प्रचंड वाढ झाली आहे. वेगवेगळ्या कारणावरुन अनेकजण टोकाचा निर्णय घेत असल्याचे दिसून येत आहे. अशातच आता पुण्यातून एक मोठी बातमी समोर आली आहे. पती आणि सासू-सासरे व इतरांकडून सतत होणाऱ्या शिवीगाळ तसेच मारहाण व जाचाला कंटाळून ३३ वर्षीय विवाहितेने गळफास घेऊन आत्महत्या केल्याचा प्रकार समोर आला आहे. याप्रकरणी पोलिसांनी पतीसह सात जणांना अटक केली आहे. ही घटना अप्पर बिबवेवाडी परिसरात घडली आहे. सुवर्णा सर्जेराव जाधव (वय ३३, रा. शेळके वस्ती, बिबवेवाडी) असे आत्महत्या केलेल्या विवाहितेचे नाव आहे.
.png "Videos"){kind=small}
