पिंपरी गोळीबार प्रकरणातील अंडरवर्ल्डशी कनेक्शन असलेल्या कुख्यात गुन्हेगाराला ठोकल्या बेड्या
पिंपरी : राज्यात फसवणुकीच्या घटना प्रचंड वाढत आहेत. चोरटे वेगवेगळे आमिष दाखवून नागरिकांची लाखो रुपयांची लूट करत आहेत. अशातच आता फसवणुकीसंदर्भात एक मोठी बातमी समोर आली आहे. पिंपरी-चिंचवडच्या सायबर गुन्हे शाखेने एक मोठी कारवाई केली आहे. चायनीज नागरिकाच्या संपर्कात राहून सायबर फसवणुकीसाठी आपले बँक खाते पुरवणाऱ्या चित्रपट निर्मात्याला पिंपरी-चिंचवडच्या सायबर गुन्हे शाखेने बेड्या ठोकल्या आहेत. या प्रकरणात ८६ लाखांपेक्षा अधिक रुपयांची फसवणूक झाल्याचे उघडकीस आले आहे. तसेच आणखी अनेकांची फसवणूक झाली असल्याची शक्यता आहे. त्यानुसार पोलीस तपास करत आहेत.
फिर्यादी यांनी युट्युबवर शेअर केलेल्या स्टॉक मार्केट संदर्भातील व्हिडीओखालील व्हॉट्सअॅप लिंकवरून गुंतवणुकीचे आमिष दाखवणाऱ्या अॅबॉट वेल्थ नावाच्या अॅपवर नोंदणी केली होती. सुरुवातीला ५०० रुपयांची गुंतवणूक करून त्यांना काही दिवसांत ५ कोटी १५ लाखांचे प्रॉफिट असल्याचे दाखवण्यात आले. पण पैसे काढण्याचा प्रयत्न करताच विविध चार्जेसच्या नावाखाली पैशांची मागणी होऊ लागली. त्यावरून संशय बळावल्यानंतर त्यांनी सायबर पोलीस ठाण्यात ५७,७०,६७० रुपयांची फसवणूक झाल्याची तक्रार दाखल केली.
बँक खात्याचा तपास आणि आरोपीचा शोध
तपासादरम्यान आरोपीने वापरलेले आईडीएफसी बँकेतील खाते हे “बालाजी इंटरप्रायझेस” या नावाने सुरू करण्यात आले होते. पोलीस उपनिरीक्षक सागर गोमन आणि त्यांच्या पथकाने डेक्कन पोलीस ठाण्याच्या मदतीने आरोपीचा शोध घेतला. सुरुवातीला तो “मी चित्रपट निर्माता आहे, अशा गोष्टी कशा करीन?” असे उत्तर देत होता. मात्र पोलीस निरीक्षक प्रविण स्वामी यांनी विश्वासात घेऊन केलेल्या सखोल तपासात त्याने चायनीज आरोपींच्या सांगण्यानुसार खाते उघडले व फसवणुकीसाठी वापरले, हे कबूल केले.
हे सुद्धा वाचा : पुण्यात चोरट्यांचा सुळसुळाट; ‘या’ भागात घरे फोडून लाखो रुपयांवर मारला डल्ला
खात्यासंदर्भात 15 पेक्षा जास्त तक्रारी
आरोपीच्या खात्यावर एकूण ८६,४३,१११ रुपये जमा झाले होते आणि त्या खात्यावर १५ पेक्षा जास्त फसवणुकीच्या तक्रारी प्राप्त झाल्या आहेत. आरोपीच्या मोबाईलमध्ये आणखी दोन बँक खाती फसवणुकीसाठी तयार केल्याचे पुरावे मिळाले आहेत. वेळीच अटक केल्यामुळे इतर अनेक लोकांची फसवणूक टळली, असे पोलीसांनी सांगितले. आरोपीकडून 2 मोबाईल फोन जप्त करण्यात आले असून, बँक खात्याची माहिती तपासणीसाठी घेतली आहे. तसेच चायनीज नागरिक बाम्बिनी आणि इतर सहआरोपींचा शोध सुरू आहे. पुढील तपास पोलीस निरीक्षक रविकिरण नाळे हे करत आहेत.
.png "Videos"){kind=small}
