Pimpri Crime : काळेवाडीत सात जणांच्या टोळक्याचा राडा; आधी दोघांवर कोयत्याने वार केले अन् नंतर... (संग्रहित फोटो)
सातारा : शिवथर येथील खून प्रकरणाचा उलगडा सातारा तालुका पोलिसांनी अवघ्या बारा तासात केला आहे. विवाहितेचा खून गावातील अक्षय रामचंद्र साबळे (वय २८) याने केल्याचे स्पष्ट झाले आहे. पोलिसांनी त्याला रात्री पुणे येथील स्वारगेट मध्यवर्ती बसस्थानक परिसरातून ताब्यात घेतले. चौकशीत त्याने आपण हा खून केल्याची कबुली दिली. सातारा तालुका पोलिसांनी मोबाईल लोकेशनवरून संशयिताला ताब्यात घेतले. अनैतिक संबंधातून हा प्रकार घडल्याचे समोर आले आहे.
शिवथर (ता. सातारा) येथे सोमवारी (दि. ७) दुपारच्या दरम्यान अज्ञात व्यक्तींने एका महिलेचा दिवसाढवळ्या गळा चिरून खून केला होता. याबाबत सातारा तालुका पोलिस स्टेशनला ही बातमी समजल्यानंतर तातडीने अतिरिक्त पोलिस अधीक्षक वैशाली कडूकर, उपअधीक्षक राजीव नवले, सातारा तालुका पोलिस स्टेशनचे पोलिस निरीक्षक निलेश तांबे, पोलिस उपनिरीक्षक नेवसे यांनी तातडीने घटनास्थळी भेट घेऊन अवघ्या बारा तासाच्या आत खून करणाऱ्या व्यक्तीला ताब्यात घेतले आहे.
पूजा जाधव हिचे घर शिवथर गावापासून मालगाव रस्त्याला एक किलोमीटर अंतरावर होते. सासू-सासरे शेतामध्ये कामासाठी गेले हाेते. पती प्रथमेश लहान मुलगा शाळेमध्ये सोडून कामाला निघून गेला होता. याचाच फायदा घेऊन दुपारच्या वेळी घरामध्ये कोणी नसताना अक्षय रामचंद्र साबळे याने घरामध्ये घुसून पूजा जाधव हिचा कटरच्या साह्याने गळा चिरुन खून केला व तो तेथून पसार झाला होता.
अतिरिक्त पोलिस अधीक्षक वैशाली कडुकर, उपअधीक्षक राजीव नवले, पोलिस निरीक्षक नीलेश तांबे, पोलिस उपनिरीक्षक नेवसे, पोलीस उपनिरीक्षक मोर्डे, पीएसआय गुरव, हवालदार ‘ मालोजी चव्हाण, ए. एस. माने, आर. जी. गोरे, कुमठेकर यांनी खूनाचा तपास करून जलद गतीने यंत्रणा राबवून खुनी ताब्यात घेतला.
पळून जाण्यासाठी टाकत होता दबाव
सातारा तालुका पोलिस स्टेशनने दोन टीम (डिबी पथक) तयार करून मोबाईलच्या लोकेशनवरून संशयीतास पुणे येथील स्वारगेट एसटी स्टँडवरून रात्री साडे अकराच्या दरम्यान ताब्यात घेतले. पाेलिस त्याला सातारा तालुका पोलिस स्टेशनला घेऊन आले. खुनाबाबत त्याला माहिती विचारली असता त्याने खून केल्याची कबुली दिली. अक्षय संबंधित विवाहितेच्या मागे पळून जाण्यासाठी सातत्याने दबाव टाकत होता. तिने नकार दिल्याने त्याने तिचा गळा चिरून खून केल्याचे पोलिस चौकशीत सांगितले.
