मंगळवार, 20 ऑक्टोबर 2026
संतोष चव्हाणला पोलिस कोठडी (फोटो- सोशल मिडिया)
बापट यांना अडवून त्यांच्यावर हल्ला करण्यामागे नेमका काय उद्देश होता, आरोपीने हल्ला स्वतःहून केला की त्यामागे कोणाचा कट होता, तसेच त्याचे साथीदार आहेत का, याचा तपास पोलिसांकडून करण्यात येत आहे. आरोपीला याप्रकरणात कोणाकडून माहिती किंवा सूचना मिळाल्या होत्या का, याचाही तपास केला जाणार आहे. या घटनेमुळे सामाजिक असंतोष निर्माण करण्याचा किंवा दोन समाजांत तेढ निर्माण करण्याचा प्रयत्न झाला का, याचीही चौकशी पोलिस करीत आहेत.
Vidyanand Bapat यांना मारहाण होताच Devendra Fadnavis अ‍ॅक्शन मोडमध्ये; दिले ‘हे’ तातडीचे आदेश
दरम्यान, आरोपीच्या वकिलांनी न्यायालयात पोलिसांच्या मागणीला विरोध केला. आरोपीवर लावलेल्या भारतीय न्याय संहितेतील कलम ३५३(२) च्या अनुषंगानेही वकिलांनी युक्तिवाद केला. संबंधित कलम लागू होत नसल्याचा दावा त्यांनी केला. आरोपी स्वतःहून पोलिसांसमोर हजर झाला असून, त्याच्यावर यापूर्वी २०१४ आणि २०१७ मध्ये गुन्हे दाखल असल्याचेही वकिलांनी नमूद केले. तसेच प्रकरणातील काही कलमे जामीनपात्र असल्याचा युक्तिवाद करण्यात आला.
बापट यांच्यावर हल्ला करण्यामागे नेमका ‘मोटिव्ह’ काय होता, याचा शोध घेणे हा पोलिस तपासाचा प्रमुख भाग आहे. हल्ल्याचे नियोजन केले होते का, त्यासाठी अन्य व्यक्तींची मदत घेतली का, तसेच भविष्यात कायदा-सुव्यवस्थेचा प्रश्न निर्माण करण्याचा प्रयत्न होता का, याबाबत पोलिस तपास करीत आहेत. हल्ल्यापूर्वी सुमारे आठ दिवस आरोपीने एक व्हिडिओ तयार केला होता का, त्याचा या घटनेशी संबंध आहे का, याचीही चौकशी केली जाणार आहे. आरोपीला कोणत्याही संघटनेशी संबंध आहे का, त्याने हल्ला कोणाच्या सांगण्यावरून केला का, याचीही माहिती पोलिस घेत आहेत.
