Rana Suryavanshi: राणा सूर्यवंशी हल्ला प्रकरणाला मोठं वळण! व्हीव्हीआयपी सुरक्षेसाठी रचला कट?

Rana Suryavanshi: राणाच्या चालकानेच तक्रारीत राणा हे पूर्वी कार्यरत असलेल्या संस्थेच्या चालकांवर संशय व्यक्त करत तक्रार दिली होती. परंतु, पोलिसांनी हल्ला करणाऱ्या एका अल्पवयीनांसह दोघांना पकडले. तेव्हा प्राथमिक तपासातच हल्ल्याचे हे प्रकरण संशयाच्या भोवऱ्यात अडकले.

• व्हीव्हीआयपीं संरक्षण मिळविण्यासाठी रचला डाव
• राणा सुर्यवंशी हल्लाप्रकरणातील धक्कादायक माहिती
  
• आत्तापर्यंत तिघांना अटक; चौकशीत प्रकार आला समोर

Rana Suryavanshi/Crime News: प्रसिद्ध उद्योगपती राणा सूर्यवंशी यांच्यावर झालेला बारामती येथील जीवघेणा हल्ला त्यांनी स्वत:नेच रचलेला डाव असल्याची धक्कादायक माहिती समोर आली असून, व्हीव्हीआयपींसारखे पोलिसांचे संरक्षण मिळावे, यासाठी हा हल्ला घडवून आणल्याची बाब स्पष्ट झाली आहे.

या प्रकरणी पुणे ग्रामीण पोलिसांनी पार्थ अवथडे तसेच स्वप्नील कांबळे यांना अटक केली आहे. तर, एका अल्पवयीन मुलाला ताब्यात घेतले आहे. सध्या या तिघांकडे चौकशी सुरू आहे. याप्रकरणी बारामती पोलिस ठाण्यात लक्ष्मीकांत महादेव सुर्यवंशी (वय ४२, रा. सणसर, ता. इंदापूर) यांनी तक्रार दिली आहे.

राणा सुर्यवंशी हे उद्योजक आहेत. लक्ष्मीकांत सुर्यवंशी हा त्यांच्याकडे वाहनचालक म्हणून काम करत होता. दरम्यान, (दि. १८) रविवारी बारामती तालुक्यातील गोजुबावी भागात सायंकाळी ते वैयक्तिक कामानिमित्त आले असता स्कूटीवरून आलेल्या अज्ञातांनी शस्त्राने उजव्या हातावर वार केले होते. या हल्ल्यात ते गंभीर जखमी झाले. या प्रकारामुळे जिल्ह्यात मोठी खळबळ उडाली होती. हल्ल्यानंतर वेगवेगळ्या शक्यता वर्तवण्यात येत होत्या.

राणा सूर्यवंशी हल्ला प्रकरणाला नवे वळण, पोलिसांना आला ‘हा’ मोठा संशय; कसून तपास सुरु

मात्र, नंतर राणाच्या चालकानेच तक्रारीत राणा हे पूर्वी कार्यरत असलेल्या संस्थेच्या चालकांवर संशय व्यक्त करत तक्रार दिली होती. परंतु, पोलिसांनी हल्ला करणाऱ्या एका अल्पवयीनांसह दोघांना पकडले. तेव्हा प्राथमिक तपासातच हल्ल्याचे हे प्रकरण संशयाच्या भोवऱ्यात अडकले. नंतर या दोघांचा करविता, तिसराच असल्याचे समोर आले. शुक्रवारी तिसऱ्या आरोपीलाही पोलिसांनी अटक केली. त्यानंतर हा हल्ला पूर्व नियोजित, तसेच स्वत: राणा यांनीच घडवून आणल्याचे समोर आल्याची माहिती एका अधिकाऱ्याने दिली.

हवी व्हीव्हीआयपीसारखी सुरक्षा

राणा सुर्यवंशी हे प्रसिद्ध उद्योजक आहेत. त्यांनी पोलिसांची पेड सुरक्षा घेतलेली आहे. त्याचे त्यांना पैसे भरावे लागतात. मात्र, राणा यांना एखाद्या मंत्र्यांना व एका व्हीव्हीआयपीना जसा कॅन्व्हाय किंवा एस्कॉर्ट असतो, अशी पद्धतीची सुरक्षा असावी, अशी तीव्र इच्छा आहे. परंतु ही सुरक्षा अतिसंवेदनशील व्यक्ती तसेच मंत्र्यांना असते. त्याला एक नियमावली आहे. एखाद्याला जीवे मारण्याचा हल्ला होण्याची शक्यता किंवा हल्ला झाला असल्यास त्याची माहिती भरून ही सुरक्षा मिळवली जाऊ शकते. त्यामुळे हा हल्ला घडवून आणल्याची माहिती समोर आली आहे.

Baramati News: उद्योजक राणा सूर्यवंशी यांच्यावर हल्ला; बारामती एमआयडीसीतील विमानतळवर नेमक काय घडलं?