Solapur Accident: झोपेची पेंग महागात! कार थेट कालव्यात; एकाच कुटुंबातील तिघांचा मृत्यू, तर…

सोलापूरच्या माळशिरसमध्ये कार कालव्यात कोसळून भीषण अपघात झाला. यात आई-वडील व विवाहित मुलीचा मृत्यू झाला, तर जावई गंभीर जखमी आहेत. या घटनेने कुटुंबावर दु:खाचा डोंगर कोसळला.

• कार कालव्यात कोसळून भीषण अपघात
• आई-वडील व मुलीचा मृत्यू
• जावई गंभीर जखमी, उपचार सुरू

सोलापूर: सोलापूर येथून एक भीषण अपघाताची घटना घडली आहे. यात नीरा उजवा कालव्यात शुक्रवारी पहाटे कार कोसळून भीषण अपघात झालाय. या दुर्घटनेत आई-वडिलांसह विवाहित मुलीचा मृत्यू झाला आहे. तर जावई गंभीर स्वरूपात जखमी झाले आहेत. सध्या त्यांच्यावर रुग्णालयात उपचार सुरु आहे.
या घटनेने हळहळ व्यक्त केली जात आहे.

Telangana Crime: विकृत मानसिकतेचा कळस! मुलगाच हवा आहे म्हणत बापानेच मुलींसह पत्नीचा जीव घेतला

काय घडलं नेमकं?

मुंबईहून माळशिरसकडे जाणारी कार शुक्रवारी पहाटे सुमारे चार ते पाचच्या दरम्यान जुन्या पालखी मार्गावरील पुलावरून जात होती. यावेळी चालकाला झोप आली आणि यामध्येच कारवरील ताबा सुटून थेट कालव्यात जाऊन पडली. हा अपघात एवढा भीषण होता कि कारमधील प्रवासी बाहेर देखील पडू शकले नाहीत. यामध्ये कारमधील तिघांचा दुर्दैवी मृत्यू झाला आहे.

दोन चिमुरड्यांवरून आईच्या मायेचं छत्र हरपलं

या अपघातात मुंबई येथील हनुमंत जठार, मंजुळा जठार आणि प्रीती टिळेकर असे मृत्यू झालेल्या व्यक्तीचे नाव आहेत. यातील जठार दाम्पत्य हे प्रीती टिळेकर यांचे आई- वडील आहेत. तर गाडी चालवणाऱ्या जावई हा देखील गंभीर जखमी झाला आहे. या दुर्घटनेमुळे टिळेकर यांच्या दोन चिमूरड्या मुलांवरही आभाळ कोसळले आहे. ही घटना शनिवारी घडली असून यानंतर पोलिसांनी तात्काळ निरा उजव्या कालव्यातून कार बाहेर काढून मृतदेह देखील बाहेर काढले आहेत. पोलीस या घटनेचा तपास करत आहेत.

Bhandara: भंडाऱ्यात वाघाचा धुमाकूळ; 15 दिवसांत 2 जणांचा बळी, वाघाच्या भीतीने मुले शाळेत जाईना; गावकऱ्यांत भीती