Mumbai News : मुंबईतील ताज हाॅटेलला उडवण्याची धमकी नक्की कुणी दिली? दाऊद इब्राहिमशी जोडलं जातंय नाव…

Taj Mahal Bomb Blast Threat : मुंबईतील प्रतिष्ठीत ताज हाॅटेलला बाॅम्बने उडवण्याची धमकी मिळाल्यानंतर सुरक्षा यंत्रणा सतर्क झाल्या. फोन करणाऱ्या व्यक्तीने दाऊद इब्राहिमचे नाव घेतल्याने पोलिसांकडून प्रकरणाचा सखोल तपास सुरू आहे.

• सुरक्षा यंत्रणांनी तातडीने संपूर्ण परिसरात सखोल तपासणी मोहीम राबवली.
• प्राथमिक तपासानंतर प्रकरणात महत्त्वाची तांत्रिक माहिती समोर आली.
• संबंधित व्यक्तीचा शोध सुरू असून पोलिसांनी पुढील कायदेशीर कारवाईची तयारी केली आहे.

ताज हाॅटेलला बाॅम्बने उडवण्याची धमकी मिळताच मुंबई पोलिस आणि सुरक्षा यंत्रणांमध्ये एकच खळबळ उडाली. सूचना मिळताच हाॅटेलची सुरक्षा व्यवस्था तत्काळ वाढवण्यात आली आणि परिसरात मोठी शोधमोहिम सुरु करण्यात आली. अनेक तास तपास केल्यानंतरही हाॅटेलमध्ये कोणतीही संशयास्पद वस्तू किंवा स्फोटके आढळून आली नाहीत. प्राथमिक तपासात ही धमकी खोटी असल्याचे निष्पन्न झाले असून धमकी करणाऱ्याने याचे कनेक्शन दाऊद इब्राहिमसोबत असल्याचे स्पष्ट केले आहे.

Ulhasnagar Crime: धडक दिली… कार मागे घेतली… आणि जखमीच्या अंगावरून पुन्हा घातली; उल्हासनगरातील घटना हादरवणारी

मिळालेल्या माहितीनुसार, शनिवार-रविवारच्या रात्री साधारण १२.१३ वाजताच्या सुमारास नवी मुंबईतील पोलिस कंट्रोल रुममध्ये एक फोन काॅल आला. या काॅलनुसार दाऊदने ताज हाॅटेलमध्ये बाॅम्ब ठेवल्याची माहिती देण्यात आली. घटनेची गंभीरता लक्षात घेत नवी मुंबई पोलिसांनी तत्काळ ही माहिती मुंबई पोलिसांच्या मुख्य नियंत्रण कक्षाला कळवली. सूचना मिळताच, कुलाबा पोलीस, गुन्हे शाखा आणि बॉम्ब शोधक व निवारण पथकाची (बीडीडीएस) पथके लगेचच ताज हाॅटेलमध्ये दाखल झाले. सुरक्षा यंत्रणांनी हाॅटेलची मुख्य लाॅबी, स्विमिंग पूल, विभिन्न हाॅल, रेस्टाॅरंट, पार्किंग, बाहेरील परिसर आणि हाॅटेलमधील संवेदनशील ठिकाणी बारकाईने तपासणी केली.

सर्च ऑपरेशनमध्ये काहीही हाती लागले नाही

दिर्घ काळापर्यंत सखोल तपास केल्यानंतरही मुंबई पोलिस आणि तपास यंत्रणांना ताजमहालमधून कोणतीही संशयास्पद गोष्ट किंवा स्फोटके सापडली नाहीत. यानंतर पोलिसांनी सुरुवातील ही धमकी खोटी आहे असे सांगितले. मुंबई पोलिसांच्या म्हणण्यानुसार, तांत्रिक तपासात हे स्पष्ट झालं आहे की, धमकीचा फोन काॅल हा नवी मुंबईतील तुर्भे इथून आला होता. पोलिसांनी ज्या मोबाईल नंबरवरुन काॅल आला होता त्या नंबरला ट्रेस केलं असून फोन काॅल करणाऱ्याला अटक करण्यासाठी शोधमोहिम सुरु आहे.

Jalgaon Crime: लग्नाला अवघे 6 दिवस… हातावरची मेहंदी अजूनही तशीच होती; माहेरी निघालेल्या नववधूला काळाने गाठलं!

फोन करणाऱ्या व्यक्तीचा शोध सुरु

मुंबई पोलिसांनी सांगितले की, खोटा फोन करणाऱ्या आरोपीला शोधण्यासाठी शोधमोहिम सुरु असून यासाठी तुर्भे पोलिसांची मदत घेतली जात आहे. प्रकरणाचा तपास सुरु आहे आणि काॅल करणाऱ्या व्यक्तीवर लवकरच कायदेशीर कारवाई देखील होणार आहे. अशा धमकीच्या फोन काॅल्समुळे पोलिस तत्काळ सतर्क होतात आणि लोकांच्या सुरक्षेसाठी लगेचच पोलिस पथक तैनात करुन त्यावर वेळीच कारवाई केली जाते. आरोपीला अटक झाल्यानंतर त्याच्यावर भारतीय न्याय संहिता (BNS) तसेच इतर संबंधित कायद्यांतील लागू तरतुदींनुसार गुन्हा दाखल करून पुढील कायदेशीर कारवाई केली जाईल.