Thane Crime: कुटुंब न्यायालयाच्या आवारात कारमध्ये सामूहिक अत्याचार, केकमध्ये गुंगीचे औषध दिले… ; आरोपी युट्युब पत्रकार

ठाण्यातील कुटुंब न्यायालयाच्या आवारात कारमध्ये महिलेला केकमध्ये गुंगीचे औषध देऊन दोन युट्युब पत्रकारांकडून सामूहिक अत्याचार. ब्लॅकमेलमुळे शेवटी महिलेनं तक्रार दाखल केली. एक आरोपी अटकेत, दुसरा फरार.

• ठाणे कुटुंब न्यायालय परिसरातील धक्कादायक घटना
• केकमध्ये गुंगीचे औषध देऊन कारमध्ये अत्याचार
• आरोपी दोघेही युट्युब पत्रकार

ठाणे: ठाणे जिल्ह्यातून एक धक्कादायक घटना समोर आली आहे. ठाणे कुटुंब न्यायालयाच्या आवारात एका महिलेवर सामूहिक अत्याचार झाल्याची माहिती समोर आली आहे. एवढेच नाही तर पीडित महिलेला वारंवार ब्लॅकमेल देखील करण्यात आले. आरोपी हे युट्युब पत्रकार असलयाचे समोर आले आहे. त्यातून एक आरोपी हिरालाल केदार याला अटक करण्यात आली आहे. तर रवी पवार हा फरार आहे. ही घटना गेल्यावर्षी 25 ऑगस्ट रोजी घडली होती. महिलेने ५ डिसेंबरला ठाणे नगर पोलीस ठाण्यात तक्रार दाखल केली.

Buldhana Crime: गुरु- शिष्याच्या नात्याला काळीमा! प्रॅक्टिकलचे मार्क्स वाढवतो म्हणत विद्यार्थिनीवर अत्त्याचार; रूमवर नेले…

नेमकं काय प्रकरण?

पोलिसांनी दिलेल्या माहितीनुसार, पीडित महिलेने सोशल मीडियावर कामासंदर्भातील एक जाहिरात पाहिली होती. चांगला पगार मिळेल या आशेने तिने जाहिरातीत असलेल्या नंबरवर संपर्क साधला. आरोपी हिरालाल केदार आणि रवी पवार यांनी तिचा विश्वास संपादन करत तिला ठाण्यातील एका स्पा सेंटरमध्ये नोकरी मिळवून दिली. २५ ऑगस्टला रात्री ८.३० च्या सुमारास आरोपींपैकी एकाने स्पा सेंटरमध्ये जाऊन पीडितेकडून मसाज करून घेतला. त्यानंतर आज माझा वाढदिवस आहे, केक कापायचा आहे असे सांगून त्याने पीडितेला बाहेर उभ्या असलेल्या कारमध्ये बोलावले.

त्यानंतर आरोपींनी थेट ही कार ठाणे फॅमिली कोर्टाच्या आवारात एका अंधाऱ्या पार्किंगमध्ये नेली. तिथे केक कापताना त्यांनी त्यामध्ये आधीच गुंगीचे औषध मिसळले होते. महिलेने तो केक खाल्ला आणि पीडित महिलेची शुद्ध हरपली. त्यानंतर दोन्ही आरोपींनी तिच्यावर आळीपाळीने सामूहिक बलात्कार केला. तसेच याचे व्हिडीओ रेकॉर्डिंगही केले. यानंतर रात्री ११ वाजता आरोपींनी पीडितेला रस्त्यावर सोडून दिले. तसेच याबद्दल कुठेही वाच्यता केलीस तर व्हिडीओ व्हायरल करु अशी धमकी दिली. महिला घाबरली होती, तिने घरी सांगितले नाही.

यानंतर तिला आरोपींनी तिला ब्लॅकमेल करू लागले.  शेवटी महिलेने गुन्हा दाखल केला. ही घटना 25 ऑगस्ट रोजी घडली पीडित महिलेला वारंवार ब्लॅकमेल करण्याचा प्रयत्न केल्यामुळे 5 डिसेंबरला ठाणे नगर पोलीस ठाण्यात महिलेने तक्रार दाखल केली. या घटनेतील आरोपी हे युट्यूब पत्रकार आहेत. त्यांच्यावर एक्स्टॉर्शनचे गुन्हे दाखल आहेत.

हायवेजवळ आढळलेल्या अर्धवट जळालेल्या मृतदेहाचा उलगडा; पत्नीनेच केली भावासोबत मिळून पतीची हत्या; कारण काय?

ठाणे जिल्ह्यातील शहापूर शहरातून एक धक्कादायक घटना समोर आली आहे. २५ नोव्हेंबरला मुंबई नाशिक हायवेजवळ पोलिसांना एक अर्धवट जळालेला आणि कुजलेल्या अवस्थेत मृतदेह आढळला. पोलिसांनी तपासाला सुरुवात केली. आधी मृतदेहाची ओळख पटवली. त्यानंतर कोणी केली हत्या आणि का केली? याचा तपास सुरु केला. तेव्हा धक्कदायक प्रकार समोर आला.

Nashik Crime: नाशिकमध्ये हळहळ! घरात एकटी असताना 10 वर्षीय मुलीने घेतला गळफास