महिंद्रा कंपनीत कामगारांमध्ये मारहाण, कोयत्यानेही हल्ला; नेमकं काय घडलं?

महिंद्रा कंपनीत किरकोळ कारणावरून झालेल्या वादातून कामगारांमध्ये मारहाण झाल्याचा प्रकार घडला आहे. यावेळी कोयत्यानेही हल्ला केला आहे. ही घटना शनिवारी सायंकाळी घडली आहे.

संग्रहित फोटो

Follow Us:

Follow Us:

पिंपरी : राज्यात गुन्हेगारीसंदर्भातल्या घटना दिवसेंदिवस वाढत आहेत. खून, हाणामाऱ्या, खुनाचा प्रयत्न, लुटमार यासारख्या घटना दररोज राज्यासह देशातील वेगवेगळ्या भागात घडत आहेत. अशातच आता पुणे जिल्ह्यातून एक घटना समोर आली आहे. महिंद्रा कंपनीत किरकोळ कारणावरून झालेल्या वादातून कामगारांमध्ये मारहाण झाल्याचा प्रकार घडला आहे. यावेळी कोयत्यानेही हल्ला केला आहे. ही घटना शनिवारी सायंकाळी घडली आहे.

या प्रकरणी निगडी पोलिस ठाण्यात चौघांविरुद्ध गुन्हा दाखल करण्यात आला आहे. फिर्यादी सोहेल चुन्ना खान (३७, रा. आकुर्डी) यांच्या तक्रारीवरून सुरज सरोदे (२५), प्रतीक उबाळे (२३), अंशु रोकडे (२२) आणि प्रथमेश (२५, सर्व रा. घरकुल, चिखली) यांच्यावर गुन्हा दाखल केला आहे.

पोलिसांकडून मिळालेल्या माहितीनुसार, फिर्यादी पेंटिंगचे तर आरोपी वॉशिंगचे काम करतात. शनिवारी कंपनीतील लाईट गेल्यानंतर परत आल्यावर फिर्यादीने कॉम्प्रेसर सुरू केला. त्यावर आरोपी सुरज सरोदे याने “कॉम्प्रेसर सुरू कर” अशी सूचना केली. मात्र, “मी आधीच सुरू केला आहे” असे फिर्यादीने सांगितल्याने त्यांच्यात वाद झाला. वादातून सुरज सरोदेसह इतर तिघांनी मिळून सोहेल खान यांना मारहाण केली. दरम्यान, प्रथमेश याने सोबत आणलेल्या कोयत्याने भांडण सोडविण्यास आलेल्या गाझी शेख व चांद शेख या फिर्यादीच्या मित्रांवर हल्ला करून जखमी केले. तसेच आरोपींनी “ठार मारू” अशी धमकीही दिली. निगडी पोलिसांनी या प्रकरणी गुन्हा दाखल करून पुढील तपास सुरू केला आहे.

लोहगाव भागात टोळक्याकडून एकावर जीवघेणा हल्ला

पुण्यातील लोहगाव भागातून एक घटना समोर आली आहे. लोहगाव भागात वैमनस्यातून टोळक्याने एकावर तीक्ष्ण शस्त्राने वार करून खुनाचा प्रयत्न केल्याची घटना घडली आहे. या घटनेमुळे परिसरात मोठी खळबळ उडाली आहे. भाऊसाहेब गोपीनाथ राखपसरे (वय ४८, रा. मोझे आळी, लोहगाव) असे गंभीर जखमी झालेल्याचे नाव आहे. या प्रकरणी सहा जणांविरुद्ध गुन्हा दाखल केला आहे. खुनाचा प्र्रयत्न केल्याप्रकरणी नितीन सकट, निकेश पाटील, गणेश सखाराम राखपसरे, ओंकार उर्फ खंड्या खांडे यांच्यासह सहा जणांविरुद्ध गुन्हा दाखल करण्यात आला आहे. पुणे शहरात किरकोळ वादातून खुनाचा प्रयत्न, खून अशा घटना वाढत आहेत. किरकोळ वादातून कात्रज भागात एका तरुणाचा खून झाल्याची घटना नुकतीच घडली होती.

Web Title: There has been an incident of beating after an argument between workers at mahindra company

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com