पुण्यात चोरट्यांचा धुमाकूळ; फ्लॅटचे कुलूप तोडून लाखोंचा ऐवज चोरला

हडपसर भागात चोरट्यांनी पुन्हा बंद फ्लॅटचे कुलूप तोडून ४ लाख २५ हजार रुपयांचे सोन्याचे दागिने लांबविल्याची घटना घडली आहे. याप्रकरणी चोरट्यांवर हडपसर पोलीस ठाण्यात गु्न्हा दाखल करण्यात आला आहे.

संग्रहित फोटो

Follow Us:

Follow Us:

पुणे : हडपसर भागात चोरट्यांनी पुन्हा बंद फ्लॅटचे कुलूप तोडून ४ लाख २५ हजार रुपयांचे सोन्याचे दागिने लांबविल्याची घटना घडली आहे. याप्रकरणी चोरट्यांवर हडपसर पोलीस ठाण्यात गु्न्हा दाखल करण्यात आला आहे. याबाबत ३९ वर्षीय महिलेने हडपसर पोलीस ठाण्यात तक्रार दिली आहे.

पोलिसांच्या माहितीनुसार, तक्रारदार महिला हडपसर भागातील साडेसतरा नळी परिसरात असलेल्या एका सोसायटीत राहतात. दरम्यान, त्या शुक्रवारी दुपारनंतर काही कामानिमित्त घर बंद करून बाहेर गेल्या होत्या. यादरम्यान, चोरट्यांनी त्यांच्या बंद घराचे कुलूप उचकटून आत प्रवेश केला. तसेच, बेडरूममधील कपाट उचकटून ४ लाख २५ हजार रुपयांचे सोन्याचे दागिने लांबविले. पोलीस उपनिरीक्षक मुलाणी तपास करत आहेत.

दुसरी घटना एनडीए परिसरातील खडकवाडी गावात घडली आहे. चोरट्यांनी घराचे कुलूप तोडून कपाटातील दोन हजार रुपये लांबविले आहेत. याबाबत उत्तमनगर पोलीस ठाण्यात ३० वर्षीय व्यक्तीने तक्रार दिली आहे. तक्रारदार एनडीए-खडकवासला रस्त्यावरील खडकवाडी गावात राहायला आहेत. गुरुवारी (२७ जून) तरुण, त्याचे आई-वडील घरात झोपले होते. चोरट्याने खिडकीचे गज वाकवून आत प्रवेश केला. कपाटातील दोन हजार रुपयांची रोकड चोरुन चोरटे पसार झाले. पोलीस हवालदार शेलार तपास करत आहेत.

Web Title: Thieves break the lock of a flat in pune and steal gold ornaments

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com