पुणे शहरात चोरट्यांचा धुमाकूळ; ‘या’ परिसरातून तीन मोबाईल हिसकावले

पुणे शहरात दुचाकीस्वार चोरट्यांनी चांगलाच धुमाकूळ घातला असून, येरवड्यात या चोरट्यांनी तीन मोबाईल हिसकावून नेले आहेत.

संग्रहित फोटो

Follow Us:

Follow Us:

पुणे : पुणे शहरात दुचाकीस्वार चोरट्यांनी चांगलाच धुमाकूळ घातला असून, येरवड्यात या चोरट्यांनी तीन मोबाईल हिसकावून नेले आहेत. सायबेज कंपनी ते एलिफंटा पबच्या बाहेर बुधवारी (दि.११) रात्री या घटना घडल्या आहेत. याप्रकरणी येरवडा पोलीस ठाण्यात गुन्हा दाखल करण्यात आला आहे. याबाबत बिजल अंकुर जुवेकर (४७, रा. धानोरी) यांनी तक्रार दिली आहे. त्यानूसार पोलिसांनी दुचाकीवरील चोरट्यांवर गुन्हा दाखल केला आहे.

पोलिसांच्या माहितीनूसार, गुरुवारी (दि.११) रात्री साडेदहाच्या सुमारास तक्रारदार आणि अन्य दोघे हे सायबेज कंपनीच्या बाहेर, सेंट्रल अव्हेन्यू रोड कल्याणीनगर येथून जात होते. त्यावेळी दुचाकीवरून आरोपी त्यांच्याजवळ आला. काही कळायच्या आत त्यांच्याकडील पर्स हिसकावून नेली. त्यामध्ये तीन मोबाईल होते. चोरट्यांने मोबाईल चोरी केल्यानंतर तातडीने येरवडा पोलीस ठाण्यात धाव घेतली. त्यानूसार पोलिसांनी गुन्हा दाखल केला असून, आरोपींचा शोध घेण्यात येत आहे. दरम्यान, या भागात सातत्याने पादचार्‍यांचे मोबाईल हिसकाविणे, अडवणूक करून लुटमार, मारहाण यांसारख्या घटना समोर आल्या आहेत.

महिलांकडील मोबाइल लंपास

पुणे शहर परिसरात गेल्या काही महिन्यांपासून पादचारी नागरिकांकडील मोबाइल तसेच दागिने चोरुन नेण्याच्या घटना वाढल्या आहेत. शहरात मोबाइल चोरीच्या दररोज दोन ते तीन घटना उघडकीस येत घडतात. मोबाइल चोरट्यांना पकडण्यात पोलिसांना अपयश आले आहे. मोबाइल चोरीसह पीएमपी प्रवासी महिलांकडील दागिने चोरीच्या घटना वाढत आहेत. मोबाइल चोरल्यानंतर ते परत मिळण्याची शाश्वती नसते. चोरलेल्या मोबाइलमध्ये तांत्रिफ फेरफार करुन त्याची परराज्यात विक्री केली जाते.

गेल्या काही दिवसाखाली प्रभात रस्त्यावरील हिरवाई उद्यान येथे दुचाकीस्वार चोरट्यांनी पादचारी महिलेकडील मोबाइल चोरून नेल्याची घटना घडली. नगर रस्त्यावरील वाघोली भागात दुचाकीस्वार महिलेच्या गळ्यातील साडेतीन लाखांचे मंगळसूत्र चोरट्यांनी चोरून नेले, तर हडपसरमध्ये ज्येष्ठ महिलेचे मंगळसूत्र चोरण्याचा प्रयत्न झाला. सातत्याने या घटना घडत असताना पोलिसांना मात्र या चोरट्यांचा थांगपत्ता लागत नसल्याचे वास्तव आहे. याप्रकरणी ५२ वर्षीय महिलेने डेक्कन पोलीस ठाण्यात तक्रार दिली आहे. तक्रारदार महिला प्रभात रस्त्यावरील गल्ली क्रमांक १५ परिसरातील सोसायटीत राहायला आहेत. त्या बुधवारी सायंकाळी प्रभात रस्ता परिसरातील हिरवाई उद्यान परिसरात चालायला गेल्या होत्या. तेथून त्या घरी निघाल्या होत्या. त्यावेळी त्यांच्या मोबाइलवर वहिनीचा फोन आला. त्यामुळे त्या मोबाइलवर बोलत पायी चालत असताना गल्ली क्रमांक १५ परिसरातील सिंबायोसिस शाळेसमोर महिलेच्या हातातील २० हजारांचा मोबाइल चोरून दुचाकीस्वार चोरटे पसार झाले. चोरट्यांनी हेल्मेट परिधान केले होते. सहायक पोलीस फौजदार राजेंद्र मारणे तपास करत आहेत.

Web Title: Thieves have stolen 3 mobile phones from pune nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com