मंगळवार, 3 नोव्हेंबर 2026
( फोटो सौजन्य- सोशल मिडिया)
CBFC New Board: भारत सरकारने बुधवारी केंद्रीय चित्रपट प्रमाणन मंडळ अर्थात CBFC (सेन्सॉर बोर्ड) ची पुनर्रचना केली. नव्या कार्यकारिणीत एकूण १८ सदस्यांचा समावेश करण्यात आला आहे. अभिनेता पंकज त्रिपाठी, सुनील शेट्टी, मनोज जोशी, अभिनेत्री प्रीती झिंटा, रूपाली गांगुली आणि पल्लवी जोशी यांच्यासह सिनेमा, संगीत, साहित्य आणि कला क्षेत्रातील विविध मान्यवरांना या बोर्डात स्थान देण्यात आलं आहे.
पुनर्गठित CBFCमध्ये विनोद अनुपम, मनोज जोशी, अभिषेक जैन, रिकी केज, प्रियदर्शन, सुनील शेट्टी, हंसराज हंस, सुप्रिया यार्लगड्डा, यतींद्र मिश्रा, रूपाली गांगुली, प्रीती झिंटा, नीला माधब पांडा, पंकज त्रिपाठी, प्रोसेंजीत चटर्जी, पल्लवी जोशी, निशिगंधा वाड, वामन केंद्रे आणि रमेश पतांगे यांचा समावेश करण्यात आला आहे.
नव्या यादीत मनोरंजन क्षेत्रासोबतच संगीत, साहित्य, कला आणि इतर क्षेत्रांतील व्यक्तींनाही प्रतिनिधित्व देण्यात आलं आहे. त्यामुळे विविध क्षेत्रांचा अनुभव असलेल्या सदस्यांचा समावेश या नव्या बोर्डात पाहायला मिळतो.
केंद्रीय चित्रपट प्रमाणन मंडळाचं प्रमुख काम चित्रपटांना प्रमाणपत्र देण्याशी संबंधित आहे. चित्रपटाच्या प्रदर्शनापूर्वी त्याचं प्रमाणन करण्याची जबाबदारी CBFCची असते. बोर्डाच्या निर्णयांचा चित्रपटांच्या प्रदर्शनावर थेट परिणाम होऊ शकतो.
नव्या कार्यकारिणीच्या स्थापनेनंतर या १८ सदस्यांची चित्रपट प्रमाणनाशी संबंधित विविध प्रकरणांमध्ये महत्त्वाची भूमिका असेल.
Flight Turbulence: फ्लाइटमध्ये नेमकं काय घडलं? थरथर कापू लागली ‘अभिनेत्री’; देवाचा जप करत म्हणाली,…
CBFCच्या पुनर्रचनेनंतर मुख्यतः बोर्डाच्या सदस्यांमध्ये बदल करण्यात आला आहे. मंडळाची कायदेशीर भूमिका आणि कार्यपद्धती पूर्वीप्रमाणेच राहणार आहे.
CBFC Cinematograph Act आणि 2024 च्या Film Certification Rules अंतर्गत काम करतं. नव्या सदस्यांचा कार्यकाळ कमाल तीन वर्षांचा असेल.
दरम्यान, पंकज त्रिपाठी, प्रीती झिंटा, सुनील शेट्टी, पल्लवी जोशी यांसारख्या लोकप्रिय कलाकारांसह विविध क्षेत्रांतील मान्यवरांचा समावेश झाल्याने नव्या CBFC बोर्डाची रचना चर्चेत आली आहे.
