गुरुवार, 5 नोव्हेंबर 2026
( फोटो सौजन्य- सोशल मिडिया)
Flight Turbulence : अभिनेत्री आणि गायिका शहनाज गिल सोशल मीडियावर कायम सक्रिय असते. आपल्या आयुष्यातील खास क्षण ती अनेकदा चाहत्यांसोबत शेअर करताना दिसते. मात्र, यावेळी शहनाजने शेअर केलेला एक व्हिडीओ पाहून तिचे चाहतेही काही क्षण चिंतेत पडले. शहनाज ज्या विमानातून प्रवास करत होती, त्या फ्लाइटला हवेत अचानक जोरदार टर्ब्युलन्सचा सामना करावा लागला. विमान हलू लागताच शहनाज घाबरल्याचं व्हिडीओमध्ये दिसत असून, ती सतत ‘वाहेगुरू’चा जप करताना ऐकू येत आहे.
शहनाज गिलने तिच्या इन्स्टाग्राम अकाउंटवर विमान प्रवासाचा एक व्हिडीओ शेअर केला आहे. या क्लिपमध्ये फ्लाइटमध्ये टर्ब्युलन्सदरम्यानची परिस्थिती पाहायला मिळते. विमानात अचानक हालचाल सुरू झाल्यानंतर शहनाज ‘वाहेगुरू-वाहेगुरू’चा जप करताना दिसते.
व्हिडीओ शेअर करताना शहनाजने लिहिलं, ‘आज खूप मुश्किलने बचलो… आम्ही सुरक्षित लँड करू शकलो, यासाठी मी खूप आभारी आहे. शुक्रिया वाहेगुरू.’ तिच्या या कॅप्शनवरून या प्रसंगामुळे ती काहीशी घाबरल्याचं स्पष्ट होतं. सुरक्षित लँडिंगनंतर तिने देवाचे आभार मानले.
शहनाज ज्या फ्लाइटमधून प्रवास करत होती, त्यात तिचा भाऊ शहबाज बदेशा देखील तिच्यासोबत होता. शहनाजने शेअर केलेल्या व्हिडीओमध्ये दोघेही विमानाच्या आत दिसत आहेत. टर्ब्युलन्समुळे काही काळ प्रवास अस्वस्थ झाला असला तरी अखेर विमानाने मुंबई विमानतळावर सुरक्षित लँडिंग केलं.
टर्ब्युलन्स ही विमान प्रवासादरम्यान घडणारी असामान्य नसलेली घटना आहे. हवेच्या प्रवाहात अचानक बदल किंवा अस्थिरता निर्माण झाल्यास विमानाला झटके जाणवू शकतात. अशा परिस्थितीत प्रवाशांना सीट बेल्ट बांधून ठेवण्याच्या सूचना केल्या जातात.
व्हिडीओ पाहून चाहतेही झाले चिंतेत
शहनाज घाबरल्याचं पाहून तिच्या चाहत्यांनीही चिंता व्यक्त केली. मात्र, विमान सुरक्षितपणे मुंबईत पोहोचल्यानंतर तिने सुटकेचा नि:श्वास सोडला. हा अनुभव लपवून न ठेवता शहनाजने तो सोशल मीडियाच्या माध्यमातून चाहत्यांसोबत शेअर केला.
दरम्यान, या घटनेत कोणतीही जीवितहानी किंवा नुकसान झाल्याची माहिती समोर आलेली नाही.
Prajakta Mali: ‘लग्न करण्याची इच्छा…’; प्राजक्ता माळीची ‘ती’ पोस्ट चर्चेत, म्हणाली- ‘तुझ्या…’
‘बिग बॉस 13’मुळे मिळाली मोठी लोकप्रियता
शहनाज गिलला देशभरात मोठी लोकप्रियता ‘बिग बॉस 13’ या रिअॅलिटी शोमुळे मिळाली. तिच्या बिनधास्त आणि चुलबुल्या अंदाजाने तिने प्रेक्षकांच्या मनात विशेष स्थान निर्माण केलं. त्यानंतर तिने अभिनयासोबतच गायन क्षेत्रातही काम केलं असून हिंदी आणि पंजाबी मनोरंजनसृष्टीत ती सक्रिय आहे.
पंजाबी चित्रपटांमध्येही शहनाजची जोरदार वाटचाल
वर्कफ्रंटबद्दल बोलायचं झालं तर शहनाज गिल नुकतीच ‘इश्कनामा’मध्ये दिसली होती. याशिवाय तिने गिप्पी ग्रेवालसोबत पंजाबी चित्रपट **‘सिंह वर्सेस कौर 2’**मध्येही काम केलं आहे. अभिनयासोबतच प्रोडक्शनशी संबंधित कामांमध्येही ती सक्रिय आहे.
