Jethalal Babita Wedding: ‘तारक मेहता’त अखेर जेठालाल-बबिताचं लग्न? सोशलमीडियावर जोरदार चर्चा

Jethalal Babita Wedding: सोशल मीडियावर ‘तारक मेहता का उल्टा चश्मा’शी संबंधित एक मजेशीर व्हिडीओ मोठ्या प्रमाणावर व्हायरल होत आहे. या व्हिडीओमध्ये जेठालाल आणि बबीताजी चक्क लग्नाच्या मंडपात दिसत असून, दोघेही एकमेकांना वरमाला घालताना दिसतात.

• जेठालाल-बबिताचा लग्नाचा व्हिडीओ सोशल मीडियावर व्हायरल
• दोघेही साऊथ इंडियन पद्धतीने वरमाला घालताना दिसले
• दयाबेनसह गोकुळधाममधील सर्व पात्रांचा लग्नाच्या तयारीत सहभाग

Jethalal-Babita Wedding Video Goes Viral News: सोशल मीडियावर सध्या ‘तारक मेहता का उल्टा चश्मा’शी संबंधित एक मजेशीर व्हिडीओ मोठ्या प्रमाणावर फिरत आहे. या क्लिपमध्ये जेठालाल आणि बबीताजी चक्क लग्नाच्या मंडपात दिसत आहेत. विशेष म्हणजे त्यांचा विवाह अगदी साऊथ इंडियन पद्धतीने दाखवण्यात आला आहे. दोघेही एकमेकांच्या गळ्यात वरमाला घालताना दिसतात. त्यामुळे हा व्हिडीओ पाहून अनेक चाहत्यांना काही क्षणांसाठी हे खरं आहे की काय, असा प्रश्न पडला.

गोकुळधाममध्ये लग्नाचा माहोल

या व्हिडीओची खासियत फक्त जेठालाल-बबीताजींच्या लग्नापुरती मर्यादित नाही. संपूर्ण गोकुळधाम सोसायटीला लग्नाच्या तयारीत सहभागी झालेलं दाखवलं आहे. दयाबेन स्वयंपाकघरात जेवण बनवताना दिसते, तर चंपकलाल टोमॅटो चिरण्याच्या कामात व्यस्त आहेत. बापूजी, डॉक्टर हाथी आणि सोढी एकत्र बसून निवांत गप्पा मारताना दिसतात. त्यामुळे नेहमीच्या मालिकेतील पात्रांना एका वेगळ्याच भूमिकेत पाहून चाहत्यांची उत्सुकता वाढली.लग्नाच्या निमित्ताने गोकुळधाममधील जवळपास सगळेच जण एकाच ठिकाणी दिसतात.

दयाबेननेही सांभाळली बबीताची तयारी

व्हिडीओमधील आणखी एक मजेदार भाग म्हणजे दयाबेन बबीताजींची साडी व्यवस्थित करताना दिसते. लग्नाच्या घरात मोठी बहीण किंवा जवळची मैत्रीण जशी नवरीची तयारी करून देते, तसाच हा प्रसंग तयार करण्यात आला आहे. त्यानंतर सगळे जण एकत्र जेवताना दिसतात. जेठालाल आणि बबीताजीही इतरांसोबत जेवणाचा आनंद घेताना दिसतात. त्यामुळे संपूर्ण क्लिप अगदी मालिकेतील एखाद्या मोठ्या लग्नाच्या भागासारखी वाटते. Jethalal Babita Wedding

चाहत्यांनी कमेंट्सचा पाऊस पाडला

व्हिडीओ व्हायरल झाल्यानंतर चाहत्यांनी त्यावर भन्नाट प्रतिक्रिया दिल्या. काहींनी जेठालालच्या नशिबावर मजेशीर कमेंट्स केल्या, तर काहींनी थेट AIच्या वाढत्या वापरावर भाष्य केलं. एका चाहत्याने जेठालालचं आयुष्य आता सुखी झाल्याचं म्हटलं. तर दुसऱ्या युजरने भारतात AIचा वापर कुठपर्यंत पोहोचला आहे, यावर मिश्कील टिप्पणी केली.या सगळ्या चर्चेत नेहमीप्रमाणे पोपटलालचं लग्न मात्र चाहत्यांच्या निशाण्यावर राहिलं. काहींनी मजेत म्हटलं की AIलाही पोपटलालचं लग्न लावता आलं नाही.

AI will take everyone’s jobs 😭 Meanwhile, AI in India: pic.twitter.com/8ApGolDER8 — Relatable Guru (@Relatable_Guru) August 13, 2026

पण हा व्हिडीओ खरा आहे का?

इथेच या व्हिडीओमधला सर्वात महत्त्वाचा मुद्दा समोर येतो. सोशल मीडियावर फिरणारी ही क्लिप मालिकेतील खऱ्या भागाची नसून AIच्या मदतीने तयार करण्यात आलेली आहे. त्यामुळे जेठालाल आणि बबीताजी खरंच विवाहबंधनात अडकले आहेत, असा समज करून घेण्याचं कारण नाही. AIमुळे आता प्रसिद्ध मालिकांमधील पात्रांना घेऊन अगदी विश्वासार्ह दिसणारे प्रसंग तयार केले जात आहेत.

Independence Day 2026: स्वातंत्र्यदिनाच्या उत्साहात ‘फौजी’चा देशभक्तीचा हुंकार, विशेष चर्चेत

मालिकेत सध्या माधवी भिडेंची नवी अडचण

दरम्यान, ‘तारक मेहता का उल्टा चश्मा’च्या सध्याच्या कथानकात माधवी भिडेंसमोर वेगळीच समस्या उभी राहिली आहे. घरगुती पद्धतीने लोणचं आणि पापड तयार करून विकणाऱ्या माधवी यांच्या उत्पादनांची तपासणी केली जाते. याच तपासणीनंतर त्यांना अधिकाऱ्यांकडून नोटीस मिळते. त्यामुळे भिडे कुटुंबाच्या अडचणी वाढताना दिसत आहेत.

Dwidha: ‘द्विधा’ चित्रपटाच्या ट्रेलरचे दिमाखदार अनावरण, बाप-लेकीच्या नात्यातील भावनिक द्वंद्वाची हृदयस्पर्शी झलक

परवाना रद्द होण्याची वेळ

प्रीकॅपमध्ये दोन अधिकारी आत्माराम आणि माधवी भिडे यांच्याशी चर्चा करताना दिसतात. लोणच्यात काचेचा तुकडा सापडल्यामुळे त्यांचा परवाना रद्द करण्यात आल्याचं त्यांना सांगितलं जातं. या प्रकरणाबाबत काही स्पष्टीकरण द्यायचं असल्यास कार्यालयात येण्यासही सांगितलं जातं. त्यामुळे पुढच्या भागात भिडे कुटुंब या संकटातून कसं बाहेर पडणार, याकडे चाहत्यांचं लक्ष लागलं आहे.