Kriti Sanon Raksha Bandhan Ad: “लाज कशी वाटत नाही?”, कृती सेननच्या रक्षाबंधन जाहिरातीवर नेटकऱ्यांचा संताप; नेमकं काय घडलं?

Kriti Sanon Raksha Bandhan Ad: रक्षाबंधनाच्या ज्वेलरी जाहिरातीमुळे कृती सेनन ट्रोल झाली आहे. श्वानाला राखी बांधणे आणि अभिनेत्रीच्या लूकवरून नेटकऱ्यांनी सवाल उपस्थित केले.

• रक्षाबंधन जाहिरातीवरून वाद
• कृती सेननच्या रक्षाबंधन जाहिरातीवर नेटकरी भडकले
• कपडे अन् श्वानाला राखी बांधल्यावरून नेटकरी संतप्त

Kriti Sanon Raksha Bandhan Ad: बॉलिवूड अभिनेत्री कृती सेनन सध्या रक्षाबंधनानिमित्त केलेल्या एका ज्वेलरी ब्रँडच्या जाहिरातीमुळे चर्चेत आली आहे. या जाहिरातीचा व्हिडिओ सोशल मीडियावर व्हायरल झाल्यानंतर काही नेटकऱ्यांनी जाहिरातीतील सादरीकरणावर आक्षेप घेतला आहे. जाहिरातीच्या माध्यमातून हिंदू सणाचा अनादर केला जात असल्याचा आरोपही काही युजर्सनी केला आहे.

नेमकं प्रकरण काय?

रक्षाबंधनानिमित्त कृती सेननचा एक व्हिडिओ सोशल मीडियावर व्हायरल झाला आहे. या जाहिरातीमध्ये अभिनेत्रीचा वेगळा इंडो-वेस्टर्न लूक पाहायला मिळतो. मात्र, तिच्या कपड्यांपासून ते रक्षाबंधन साजरे करण्याच्या पद्धतीपर्यंत अनेक गोष्टींवर नेटकऱ्यांनी प्रश्न उपस्थित केले आहेत.

जाहिरातीमध्ये कृती पांढऱ्या रंगाचा ब्रालेट-स्टाइल ब्लाऊज, त्यावर केप आणि ड्रेप केलेला स्कर्ट अशा पोशाखात दिसत आहे. रक्षाबंधनासारख्या पारंपरिक सणाच्या पार्श्वभूमीवर तिचा हा लूक काही सोशल मीडिया युजर्सना पसंत पडलेला नाही.

याशिवाय जाहिरातीत पारंपरिक रक्षाबंधनाप्रमाणे आरतीचं ताट किंवा पूजेची तयारी दिसत नसल्याचं काही नेटकऱ्यांनी म्हटलं आहे. त्यामुळे “रक्षाबंधनाचा पारंपरिक सण अशा पद्धतीने का दाखवला?” असा सवाल सोशल मीडियावर उपस्थित केला जात आहे.

Drishyam The Conclusion: विजय साळगावकर पुन्हा येतोय! ‘दृश्यम: द कन्क्लूजन’ची रिलीज डेट जाहीर; ‘या’ दिवशी होणार प्रदर्शित

See more

भावाआधी श्वानाला बांधली राखी

या जाहिरातीतील आणखी एका दृश्यावरून मोठी चर्चा रंगली आहे. जाहिरातीत एका पाळीव श्वानाला कुटुंबातील सदस्य म्हणून दाखवण्यात आलं असून, कृती सेनन त्याला राखी बांधताना दिसते. विशेष म्हणजे, भावाला राखी बांधण्यापूर्वी ती श्वानाला राखी बांधत असल्याचं दाखवण्यात आलं आहे.

या दृश्यावर काही नेटकऱ्यांनी तीव्र नाराजी व्यक्त केली आहे. श्वान हा कुटुंबाचा भाग असू शकतो, मात्र रक्षाबंधनाच्या जाहिरातीत त्याला राखी बांधण्याची कल्पना योग्य वाटत नसल्याचं काही युजर्सनी म्हटलं आहे.

What nonsense is this Inko Hindu festivals hi milte hain apna WOKE agenda chalane? 🙄🙄 Here, Kriti Sanon is “celebrating” #RakshaBandhan wearing this skimpy outfit (perhaps left over from Cocktail 2) Kriti is not just a brand ambassador, but also a strategic investor so she… https://t.co/uk2zOLEUWp pic.twitter.com/rZrAHUDMBk — PallaviCT (@pallavict) August 23, 2026

“अश्लील कपडे, भारतीय परंपरेचा लवलेशही नाही…”

जाहिरात व्हायरल झाल्यानंतर काही नेटकऱ्यांनी कृती सेनन आणि जाहिरात निर्मात्यांवर टीका केली. एका युजरने जाहिरातीला आक्षेपार्ह म्हणत “अश्लील कपडे, यामध्ये भारतीय परंपरेचा लवलेशही नाही आणि चक्क श्वानाला राखी?” असा सवाल केला. तसेच या जाहिरातीविरोधात तक्रार करण्याचा इशाराही संबंधित युजरने दिला.

दुसऱ्या युजरने “आरतीचं ताट कुठं आहे? हे कसले कपडे घातले आहेत? हा तर सणाचा अनादर केलाय,” अशी प्रतिक्रिया दिली.

तर आणखी एका नेटकऱ्याने संताप व्यक्त करत “फक्त काही पैशांसाठी आमच्या हिंदू धर्माचा सण खराब करण्याचा अधिकार तुम्हाला कोणी दिला?” असा सवाल केला. तसेच जाहिरातीतील कपड्यांवरूनही या युजरने नाराजी व्यक्त केली.

दरम्यान, सोशल मीडियावर या जाहिरातीवर टीका होत असली तरी, जाहिरात ही सणाच्या पारंपरिक पद्धतीऐवजी आधुनिक आणि वेगळ्या पद्धतीने सादर करण्याचा प्रयत्न असल्याचंही मानलं जाऊ शकतं. मात्र, सध्या कृती सेननची ही रक्षाबंधन जाहिरात सोशल मीडियावर चर्चेचा विषय ठरली आहे.

Mahakali Teaser: ‘महाकाली’चा टीझर रिलीज; अक्षय खन्नाच्या खतरनाक लूकने उडवली चाहत्यांची झोप, रिलीज डेटही जाहीर