मंगळवार, 3 नोव्हेंबर 2026
संग्रहित फोटो
निवडणूक आयोगाने अद्याप राष्ट्रवादी काँग्रेस पक्षाबाबत अंतिम निर्णय दिलेला नसल्याने आमचा पक्ष राष्ट्रवादी काँग्रेस शरदचंद्र पवार हाच असल्याचं रोहित पवार यांनी स्पष्ट केलं.
अमित शाह यांच्या भेटीसाठी गेलेल्या नेत्यांबाबत बोलताना त्यांनी म्हटलं की, या सर्व नेत्यांना शरद पवार यांनीच राजकारणात संधी दिली होती. मात्र, आता पार्थ पवार आणि सुनेत्रा पवार यांना एकटं पाडलं जात असल्याचं चित्र आहे.
रोहित पवार यांनी आणखी एक महत्त्वाचा दावा केला. छगन भुजबळ आणि हसन मुश्रीफ यांचा अपवाद वगळता काही नेत्यांकडून अजितदादांना त्रास दिला जात असल्याचं त्यांनी सांगितलं होतं, असं रोहित पवार म्हणाले.
तसंच, पक्षातील काही नेत्यांना पुन्हा मंत्रिपदाची किंवा अर्थ खात्याची अपेक्षा असल्याचाही उल्लेख त्यांनी केला. पार्थ पवार आणि पक्षातील काही नेत्यांमध्ये संवाद नसल्यामुळे त्यांचं नियंत्रण कमी करण्याचे प्रयत्न होत असल्याचा आरोपही त्यांनी केला.
काका-पुतण्यांमध्ये भाजपने वाद निर्माण केला आणि आता दोन भावांमध्येही मतभेद निर्माण करण्याचा प्रयत्न सुरू असल्याचं रोहित पवार म्हणाले. जय पवार यांनी काही दिवसांपूर्वी मुख्यमंत्र्यांची भेट घेतल्याच्या पार्श्वभूमीवर त्यांनी हे विधान केलं.
दरम्यान, भाजपला सोडचिठ्ठी देऊन कोणी आमच्यासोबत येत असेल, तर त्याला विरोध करण्याचं कारण नाही, अशी भूमिका रोहित पवारांनी मांडली. मात्र, भाजपच्या धोरणांना विरोध न करता सोबत येण्याचा प्रयत्न करणाऱ्यांना आमचा विरोध असेल, असंही त्यांनी स्पष्ट केलं.
एकूणच, रोहित पवारांच्या या विधानांमुळे राष्ट्रवादी काँग्रेसमधील अंतर्गत राजकारण आणि पवार कुटुंबातील संबंध पुन्हा चर्चेत आले आहेत.
केंद्रात सत्तेत असलेल्या पक्षाचा भाजपसोबत मोठा संघर्ष; ‘ती’ बाब ठरली वादाचे कारण
Ans: पार्थ पवार आणि सुनेत्रा पवार यांना एकटं पाडण्याचा प्रयत्न होत असल्याचा आरोप रोहित पवारांनी केला. त्यांना जवळच्या नेत्यांच्या राजकीय हालचाली समजून घेण्याचा सल्लाही दिला.
Ans: छगन भुजबळ आणि हसन मुश्रीफ यांचा अपवाद वगळता काही नेत्यांकडून अजितदादांना त्रास होत असल्याचं त्यांनी स्वतः सांगितल्याचा दावा रोहित पवारांनी केला.
Ans: भाजपच्या धोरणांना विरोध करून राष्ट्रवादीसोबत येणाऱ्यांना आमचा विरोध नाही. मात्र, भाजपच्या भूमिकेला विरोध न करणाऱ्यांना आम्ही विरोध करू, असं रोहित पवारांनी म्हटलं आहे.
