Marathi Serial: ‘मी जिंकून घेईन सारं’ वेगळ्याच वळणावर, छवीसमोर उभं ठाकणार ‘शांभवी’ नावाचं मोठं आव्हान!

शांभवी आता छवीच्या मार्गात मोठं आव्हान आणणार आहे. मी जिंकून घेईन सारं या मालिकेत आता एक वेगळंच वळण आलं आहे. साकेत आणि शांभवीचं लग्न होणार की छवी शांभवीचं खरं बाहेर आणणार?

• कलर्स मराठीवरील ‘मी जिंकून घेईन सारं’ मालिकेत नवा ट्विस्ट 

• साकेत शांभवीचा निर्णय 

• छवी सत्य समोर आणणार का?

कलर्स मराठीवरील ‘मी जिंकून घेईन सारं’ या मालिकेत साकेत आणि शांभवीच्या लग्नाच्या निर्णयाने कथानकाला जबरदस्त वळण मिळालं आहे. सुरुवातीला शांभवीने लग्नाला नकार दिल्यामुळे छवी आनंदी होते, पण अनिकेतला छवीचं नाटक लक्षात येताच दोघांमध्ये तणाव निर्माण होतो. दरम्यान, साकेतला शांभवीबद्दल भावना निर्माण होऊ लागतात, आणि छवी- अनिकेत मिळून शांभवीचं खरं रूप बाहेर आणण्याचा प्रयत्न करतात. मात्र शांभवीही तितक्याच चतुराईने पलटवार करताना दिसणार आहे. तिचा राजगुरू कुटुंबाला त्रास देण्याचा hidden agenda आणि तिची सत्य यामुळे रहस्य अधिकच गडद होतं. तरीही पत्रिका जुळतात त्यामुळे छवीला हे नातं मान्य करावं लागतं आणि साकेत-शांभवीचं लग्न ठरतं. 

लग्न निर्विघ्नपणे पार पडणार का ? अनिकेत – छवी काय उघड करण्याचा प्रयत्न करणार ? शांभवी त्याला कशी सामोरे जाणार ? आणि असं काय घडणार कि ज्यामुळे छवीला शांभवीची माफी मागावी लागणार आहे ? घरात पाऊल ठेवताच शांभवीने छवीला अडचणीत टाकायला सुरुवात केली आहे हे दिसून येत आहे. पण, घराबाहेर असलेल्या वादळाचा सामना घरात आल्यावर छवी कसा करणार? छवी शांभवीपासून राजगुरू परिवाराचे कसं रक्षण करणार ? कसे शांभवीचे खरे रूप घरासमोर आणणार?  हे जाणून घेण्यासाठी प्रेक्षकांना आता मालिका पहावीच लागणार आहे. 

छवी आणि ‘बाई-आजी’च्या अतूट नात्याची कथा; ‘मी जिंकून घेईन सारं’ मालिकेची चाहत्यांना उत्सुकता

घडणार नाट्य  

लग्नाच्या तयारीदरम्यान अनेक नाट्यमय घडामोडी घडताना दिसणार आहेत. शांभवीचा अचानक राजीनामा देणे आणि साकेतला प्रेमासाठी लढायला मिळालेलं motivation, आणि बाईआजींकडून पुन्हा लग्नाचे प्रोपोसल येणं या सगळ्यामुळे वातावरण तापतं. छवी सतत शांभवीवर संशय घेताना दिसणार आहे, कुंडली तपासण्याचा प्रयत्न करते, पण घरात कोणीच तिच्यावर विश्वास ठेवत नाही. याचदरम्यान राजनाथ शांभवीचा पाठलाग करताना दिसतो, आणि तिच्या आयुष्यात काहीतरी मोठं गूढ दडलं असल्याचे संकेत मिळतात. छवी आणि वात्सलामधील भावनिक संघर्ष टोकाला जातो, इतकं की वात्सला तिला “आजपासून मी तुझी आई नाही” असं म्हणते आणि छवी पूर्णपणे कोसळते.

नक्की काय घडणार?

सगळंच उलथापालथ होतं. छवी आणि अनिकेत दोघं मिळून लग्नमंडपात पोहोचून हे लग्न थांबवण्याचा प्रयत्न करतात. मात्र बाईआजी ठामपणे सांगतात हे लग्न होणारच! बाईआजी असं का म्हणतात ? इतकंच नाही, तर छवीलाच शांभवीची माफी मागायला लावली जाते. आता प्रश्न उरतो शांभवीचं खरं सत्य कधी उघड होणार? आणि छवी या सगळ्या भावनिक आणि मानसिक संघर्षातून कशी बाहेर पडणार?

Colors marathi serial:‘आई तुळजाभवानी’ मालिकेत नवं वळण, शिवाचं सत्य दूर करेल का जगदंबेचा गैरसमज?