Jui Gadkari post: ‘आमची म्हातारी आज ७०ची झाली असती…’ (फोटो सौजन्य- सोशलमीडिया)
गेल्या वर्षी त्यांचं अचानक जाणं ही सगळ्यांसाठी खूप मोठी धक्कादायक बातमी होती.शेवटच्या दिवसांमध्ये त्या स्टार प्रवाहच्या ‘ठरलं तर मग’ या मालिकेत दिसत होत्या. त्यात त्यांनी पूर्णा आजी पात्र केले होते. ती भूमिका लोकांना खूप आवडली होती. करारी पण आतून खूप मायाळू असं ते पात्र होतं. सगळं छान चालू होतं आणि अचानक त्यांच्या जाण्याची बातमी आली. तेव्हा सगळ्यांनाच खूप वाईट वाटलं होतं.या मालिकेत सायलीचं काम करणारी अभिनेत्री जुई गडकरी आणि ज्योती ताईंचं एक वेगळंच नातं तयार झालं होतं. सायली त्यांना अगदी आईसारखं मानायची. त्यांची खूप काळजी घ्यायची. जुईने बऱ्याच वेळा याबद्दल पोस्ट पण टाकल्या होत्या. आज त्यांच्या वाढदिवशी सुद्धा जुईने एक भावुक पोस्ट शेअर केली आहे. तिने लिहिलंय की पूर्णा आजीची खूप आठवण येते. Jui Gadkari post:
आज आमची म्हातारी ७०रीची झाली असती… सॅारी, म्हातारी म्हणतेय तुला!! तु नेहेमी स्वतःला “मी अशी मुलगीए” असं म्हणायचीस ना! 😅
पण खरच एनर्जीच्या बाबतीत मुलींनाही लाजवशील अशीच होतीस!!
तु खऱ्याअर्थाने “झिंदादिल” होतीस!!
Happy birthday Ajji!!! आज खा तुला हवं तितकं गोड! मी नाही ओरडणार!
ज्योती चांदेकर यांचा जन्म ३१ ऑगस्ट रोजी झाला होता. त्यांनी सुरुवात रंगभूमीपासून केली होती. नाटकातून हळूहळू त्या सिनेमात आणि नंतर टीव्हीवर आल्या. त्यांचा प्रवास खूप मोठा होता. ‘मी सिंधुताई सपकाळ’ या गाजलेल्या सिनेमात त्यांनी केलेलं काम लोक आजही विसरले नाहीत. त्याचबरोबर ‘तिचा उंबरठा’, ‘गुरू’, ‘ढोलकी’, ‘सांजपर्व’, ‘पाऊलवाट’ सारख्या अनेक चित्रपटात त्यांनी वेगवेगळ्या भूमिका केल्या. प्रत्येक भूमिका त्या जिवंत करायच्या.आणि आता त्यांची मुलगी तेजस्विनी पंडित हिने पण एक पोस्ट टाकली आहे. तेजस्विनी स्वतः एक मोठी अभिनेत्री आहे.
तिने लिहिलंय, “आज आईचा ७० वा वाढदिवस असता. आम्ही तो खूप मोठ्या उत्साहात साजरा करणार होतो. पण ती आज नाहीये.” तिच्या या शब्दांमधून तिचं दुःख स्पष्ट दिसतंय.ज्योती ताई फक्त एक चांगल्या अभिनेत्री नव्हत्या, तर त्या खूप चांगल्या माणूस होत्या. सेटवर सगळ्यांशी आपुलकीने वागायच्या. नवीन कलाकारांना समजून घ्यायच्या. म्हणूनच आज त्या नसल्या तरी त्यांची जागा कोणीच घेऊ शकत नाही. त्यांनी केलेल्या भूमिका आणि त्यांच्या आठवणी नेहमीच आपल्यासोबत राहतील.
.png "Videos"){kind=small}
