रविवार, 9 ऑगस्ट 2026
Sonu Nigam: सर्जरीच्या टेबलवरही सोनू निगमचा सुरांचा जलवा (फोटो सौजन्य- सोशलमीडिया)
यावेळी सोनूने जुन्या काळातील प्रसिद्ध गीत ‘सुहानी रात ढल चुकी’ आपल्या आवाजात सादर केलं. हे गाणं १९४९ मध्ये आलेल्या ‘दुलारी’ चित्रपटातील असून, ज्येष्ठ गायक मोहम्मद रफी यांच्या आवाजात ते अजरामर झालं आहे. काळ कितीही पुढे गेला तरी या गाण्याची लोकप्रियता कमी झालेली नाही. सोनू निगमने ते पुन्हा आपल्या शैलीत गाताच जुन्या आठवणींना उजाळा मिळाला.Sonu Nigam:
या प्रसंगाबद्दल सोनूने सोशल मीडिया पोस्टमध्ये डॉक्टर निलेश सतभाई आणि त्यांच्या टीमचा उल्लेख केला आहे. सर्जरीच्या काळात अचानक केलेला हा छोटासा परफॉर्मन्स त्याने त्यांच्यासाठी खास असल्याचं सांगितलं. वेदना किंवा कठीण प्रसंग असला तरी संगीत माणसाला त्या क्षणातून थोडं बाहेर काढू शकतं, असा सुंदर संदेशही या कृतीतून दिसून आला.
सोनूचा हा व्हिडिओ समोर आल्यानंतर चाहत्यांनी त्याच्यावर प्रेमाचा वर्षाव केला. काही वेळातच हा व्हिडिओ मोठ्या प्रमाणावर शेअर होऊ लागला. अनेक चाहत्यांनी कमेंटमध्ये हार्ट इमोजी टाकत त्याच्या धाडसाचं कौतुक केलं. काही जणांनी मात्र त्याच्या तब्येतीबद्दल काळजी व्यक्त केली आणि सर्जरी नेमकी कशासाठी होती, अशी विचारणा केली.
View this post on Instagram
९०च्या दशकापासून सोनू निगमने हिंदी संगीतविश्वात आपली वेगळी ओळख निर्माण केली. रोमँटिक गाणी असोत, भावनिक गीतं असोत किंवा जोशपूर्ण ट्रॅक, त्याच्या आवाजाने प्रत्येक प्रकाराला वेगळी रंगत दिली. आजही त्याच्या जुन्या गाण्यांना तितकंच प्रेम मिळतं.
आता रुग्णालयातील या छोट्याशा व्हिडिओमुळे सोनू पुन्हा चाहत्यांच्या चर्चेत आला आहे. सर्जरीसारख्या कठीण प्रसंगीही चेहऱ्यावर सकारात्मक भाव ठेवून गाणं म्हणणाऱ्या सोनूचा हा अंदाज चाहत्यांना भावला आहे. त्याच्या आवाजाने पुन्हा एकदा लोकांच्या चेहऱ्यावर हसू आणलं असून, चाहते आता तो लवकर पूर्णपणे बरा व्हावा, अशीच प्रार्थना करत आहेत.
