नवी मुंबई : पंतप्रधान नरेंद्र मोदी (Pm Narendra Modi) यांनी त्यांच्या सोशल मीडिया अकाऊंटचे (Social Media Account) ‘प्रोफाइल’ फोटो बदलून डीपीवर तिरंगा (Tiranga) लावला आहे. आकाशवाणीच्या मासिक रेडिओ कार्यक्रम ‘मन की बात’च्या (Mann Ki Baat) ९१ व्या आवृत्तीत देशवासियांशी संवाद साधताना पंतप्रधानांनी ‘हर घर तिरंगा’ (Har Ghar Tiranga) मोहिमेचा उल्लेख केला होता. तसेच, लोकांना त्यांच्या सोशल मीडिया अकाउंटचा ‘प्रोफाइल’ फोटो बदलण्यास सांगितले होते. २ ते १५ ऑगस्टदरम्यान तिरंगा लावण्याचे आवाहन केले होते.
पंतप्रधानांनी एक ट्विट केले की, आज २ ऑगस्टचा दिवस खास आहे. जेव्हा आपण आपला देशाच्या स्वातंत्र्याचा अमृत महोत्सव साजरा करत आहोत. आपला देश #HarGharTirangaसाठी तयार आहे. देशाचा अमृत महोत्सव साजरा करण्यासाठी ही एक सामूहिक चळवळ आहे. मी माझ्या सोशल मीडिया पेजेसवर डीपी बदलला आहे आणि तुम्हा सर्वांनीही असे फोटो ठेवा, असे मी आवाहन करतो.
It is a special 2nd August today! At a time when we are marking Azadi Ka Amrit Mahotsav, our nation is all set for #HarGharTiranga, a collective movement to celebrate our Tricolour. I have changed the DP on my social media pages and urge you all to do the same. pic.twitter.com/y9ljGmtZMk — Narendra Modi (@narendramodi) August 2, 2022
केंद्रीय गृहमंत्री अमित शहा यांनी रविवारी आपल्या सोशल मीडिया अकाउंटवर तिरंग्याचा ‘प्रोफाइल’ पिक्चर म्हणून वापर करण्याचे आवाहन केले होते. यासोबतच त्यांनी लोकांना ‘हर घर तिरंगा’ मोहिमेत सहभागी होण्याचेही आवाहन केले होते.
