कोलकाता : हिंमत असेल तर अमित शहांनी माझ्याविरोधात निवडणूक लढवून दाखवावी. जर या निवडणुकीत माझा पराभव झाला, तर मी सक्रीय राजकारणातून निवृत्ती घेईन, असे आव्हान ममता बॅनर्जी यांचे पुतणे अभिषेक बॅनर्जी (Abhishek Banerjee) यांनी दिले.
पश्चिम बंगालमधील डायमंड हार्बर लोकसभा मतदारसंघातील एका प्रचारसभेत बोलताना त्यांनी हे वक्तव्य केले. यावेळी त्यांनी अमित शाह यांच्यावर जोरदार टीकाही केली. जर भाजपाला वाटत असेल की मी सक्रीय राजकारणातून निवृत्त्व व्हावे, तर भाजपापुढे तीन पर्याय आहेत. पहिला पर्याय म्हणजे त्यांनी पश्चिम बंगालचे जीएसटीचे पैसे परत करावे, मी 24 तासांत राजकारणातून निवृत्ती घेईन. दुसरा पर्याय त्यांनी पंतप्रधान आवास योजनेचा थकीत निधी द्यावा, मी लगेच निवृत्ती घेईन आणि तिसरा पर्याय म्हणजे अमित शाह यांनी माझ्या विरोधात निवडणूक लढवावी, माझा जर पराभव झाला, तर मी सक्रीय राजकारणातून निवृत्ती घेईन, अशी प्रतिक्रिया अभिषेक बॅनर्जी यांनी दिली.
दरम्यान, पश्चिम बंगालमधील एका सभेत बोलताना ममता बॅनर्जी यांना त्यांचे पुतणे अभिषेक बॅनर्जी यांना मुख्यमंत्री बनवायचे आहे, अशी टीका अमित शाह यांनी केली होती.
शहांकडून नैतिक मूल्ये शिकण्याची गरज नाही
अमित शाह हे कधीच कोणत्या आंदोलनात सहभागी झाले नाहीत. त्यांना गुजरातमध्ये तडीपार करण्यात आले होते. ते तुरूंगातही जाऊन आले आहेत. त्यांच्याकडून आम्हाला नैतिक मूल्ये आणि विचारधारा शिकण्याची गरज नाही, अशी टीकाही अभिषेक बॅनर्जी यांनी केली.
.png "Videos"){kind=small}
