भाजपच्या प्रचारातच शेतकऱ्याचा मृत्यू; आंदोलकांनी अडवली उमेदवाराची गाडी

पंजाबमध्ये लोकसभा निवडणुकीच्या सातव्या टप्प्यात एक जून रोजी मतदान होणार आहे. राजकीय पक्षांच्या प्रचारामुळे सध्या राज्यात राजकीय तापमान वाढले आहे. शेतकरी आंदोलनाचा परिणाम पंजाबमधील निवडणूक प्रचारावरही दिसून येत आहे.

File Photo : Death

Follow Us:

Follow Us:

पतियाळा : पंजाबमध्ये लोकसभा निवडणुकीच्या सातव्या टप्प्यात एक जून रोजी मतदान होणार आहे. राजकीय पक्षांच्या प्रचारामुळे सध्या राज्यात राजकीय तापमान वाढले आहे. शेतकरी आंदोलनाचा परिणाम पंजाबमधील निवडणूक प्रचारावरही दिसून येत आहे. अनेक ठिकाणी राजकीय पक्षांच्या उमेदवारांना शेतकरी आंदोलकांच्या रोषाला सामोरे जावे लागले आहे.

पतियाळा येथे अशीच एक घटना घडली. जेव्हा एका शेतकरी संघटनेशी संबंधित काही लोकांनी प्रचारासाठी राजपुराच्या सेहरा भागात पोहोचलेल्या भाजप उमेदवार प्रनीत कौर यांच्या विरोधात आंदोलन करण्यास सुरुवात केली.

दरम्यान, सुरिंदर पाल सिंग नावाचा ४५ वर्षीय शेतकरी बेशुद्ध पडला आणि जमिनीवर पडला. शेतकरी नेते तेजवीर सिंह यांनी सांगितले की, घटनेच्या वेळी पोलीस घटनास्थळी उपस्थित होते. त्यांनी सोशल मीडिया प्लॅटफॉर्मवर पोस्ट केली.

कौरच्या टीमने व्हिडिओ केला जारी 

तथापि, नंतर प्रनीत कौरच्या टीमने एक व्हिडिओ जारी केला. ज्यामध्ये शेतकरी विरोध स्थळाजवळ उभा असलेला दिसत आहे. प्रनीत कौर यांची गाडी थांबवली असून, आंदोलकांसोबत सुरिदर पाल सिंहही आंदोलन करत असल्याचे व्हिडिओमध्ये दिसत आहे.

Web Title: Farmers death during bjps campaign nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com