महाराष्ट्र, गुजरातसह अनेक राज्यांत मुसळधार पावसाचा इशारा; हवामान विभागाकडून अलर्ट जारी

29 ऑगस्टपर्यंत पूर्व आणि दक्षिण राजस्थान, सौराष्ट्र आणि गुजरातच्या कच्छमध्ये मुसळधार ते अत्यंत मुसळधार पावसाची शक्यता आहे. कोकण, गोवा, मध्य महाराष्ट्र, ओडिशा, बंगालच्या गंगा मैदान आणि झारखंडमध्येही मुसळधार ते अत्यंत मुसळधार पावसाचा अंदाज आहे.

(फोटो- istockphoto)

Follow Us:

Follow Us:

नवी दिल्ली : देशातील काही राज्यांत मुसळधार तर काही राज्यांत तुरळक पाऊस होत आहे. असे असताना आता भारतीय हवामान विभागाने राजस्थान, मध्य प्रदेश गुजरात आणि महाराष्ट्रात मुसळधार पावसाचा इशारा दिला आहे. मध्य प्रदेश आणि लगतच्या पूर्व राजस्थानमधील दाबाचे क्षेत्र गेले आहे. त्यामुळे पुढील 2-3 दिवसांत मुसळधार पाऊस पडेल, असा अंदाज व्यक्त केला जात आहे.

हेदेखील वाचा : पुणे, मुंबईसह राज्यातील अनेक भागांना मुसळधार पावसाने झोडपले; हवामान विभागाकडून ‘रेड अलर्ट’ जारी

29 ऑगस्टपर्यंत पूर्व आणि दक्षिण राजस्थान, सौराष्ट्र आणि गुजरातच्या कच्छमध्ये मुसळधार ते अत्यंत मुसळधार पावसाची शक्यता आहे. कोकण, गोवा, मध्य महाराष्ट्र, ओडिशा, बंगालच्या गंगा मैदान आणि झारखंडमध्येही मुसळधार ते अत्यंत मुसळधार पावसाचा अंदाज आहे. गुजरात, पाकिस्तान आणि उत्तर महाराष्ट्राच्या किनारी भागात 30 ऑगस्टपर्यंत समुद्राची स्थिती अत्यंत खडबडीत राहण्याची शक्यता आहे.

दरम्यान, मध्य प्रदेश आणि लगतच्या पूर्व राजस्थानमधील दाबाचे क्षेत्र गेले आहे. हा दाब पश्चिम-नैऋत्य दिशेकडे सरकून दक्षिणेकडील राजस्थान आणि गुजरातला प्रभावित करेल आणि 29 ऑगस्टपर्यंत सौराष्ट्र, कच्छ आणि पाकिस्तानच्या काही भागात पोहोचेल.

शहरी भागांनाही इशारा

शहरी भागात पूर, रस्ते बंद आणि पाणी साचण्याचा इशारा दिला आहे. तसेच भूस्खलन होऊन बागायती पिकांचे नुकसान होण्याचा धोका आहे. राजस्थानमध्ये ताशी 60 किलोमीटर वेगाने वाऱ्याचा इशारा दिला आहे. बांगलादेश आणि लगतच्या बंगालच्या गंगा मैदानावरही कमी दाबाचे क्षेत्र आहे. पुढील दोन दिवसांत ते आणखी तीव्र होऊन बंगाल, उत्तर ओडिशा आणि झारखंडच्या गंगा किनारी प्रदेशाकडे सरकण्याची शक्यता आहे.

हेदेखील वाचा : Maharashtra Rain News: पुढील दोन दिवस राज्यात पावसाचा जोर वाढणार; २६ ते ३० तारखेदरम्यान कसे असणार वातावरण?

Web Title: Heavy rain warning in many states including maharashtra gujarat nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com