भोपाळ : मध्य प्रदेश काँग्रेसच्या शिस्तपालन समितीच्या बैठकीत सुमारे 150 स्थानिक नेत्यांना कारणे दाखवा नोटीस बजावण्यात आली. नोव्हेंबर 2023 च्या विधानसभा निवडणुकीदरम्यान पक्षविरोधी कारवाया केल्याचा ठपका ठेवत त्यांना ही नोटीस बजावण्यात आली आहे. त्या नेत्यांना 10 दिवसांत या नोटीशीवर उत्तर द्यावे लागेल.
काँग्रेसने बजावलेल्या या नोटीशीवर समाधानकारक उत्तर नसल्यास त्यांना पक्षातून बाहेर काढले जाईल, असे एका पदाधिकाऱ्याने सांगितले. मध्य प्रदेश काँग्रेसच्या शिस्तपालन समितीची नुकतीच बैठक झाली. यामध्ये शिस्तपालन समितीचे प्रमुख आणि एमपीसीसीचे खजिनदार अशोक सिंग यांनी असा इशारा दिला की पक्ष पक्षविरोधी कारवायांमध्ये गुंतलेल्या आणि निर्धारित वेळेत समाधानकारक उत्तरे देण्यात अयशस्वी ठरलेल्यांवर पक्ष कारवाई करण्याचा विचार करेल.
काँग्रेसने हे पाऊल विधानसभा निवडणुकीच्या निकालानंतर सुमारे 2 महिन्यानंतर उचलण्यात आले आहे. विधानसभा निवडणुकीत पराभूत झालेल्या 164 उमेदवारांपैकी बहुतांश उमेदवारांकडून आलेल्या तक्रारी आणि त्यांच्या पराभवासाठी अंतर्गत कलह कारणीभूत असल्याचा ठपका ठेवण्यात आला आहे.
.png "Videos"){kind=small}
