बुधवार, 21 ऑक्टोबर 2026
A320 विमानांमध्ये सॉफ्टवेअर बिघाड: इंडिगो आणि एअर इंडियाच्या 350 हून अधिक उड्डाणे रद्द
एअरबसच्या या इशाऱ्यानंतर इंडिगो, एअर इंडिया आणि एअर इंडिया एक्सप्रेस यांनी निवेदन जारी करून सांगितले की त्यांच्या ताफ्यातील A320 मालिकेतील विमानांची सेवा तात्पुरती प्रभावित होऊ शकते. सूत्रांच्या माहितीनुसार, भारतात अशा 200 ते 250 विमानांना त्वरित सॉफ्टवेअर अपडेट किंवा आवश्यकतेनुसार हार्डवेअर बदलाची गरज भासणार आहे.
वृत्तसंस्था पीटीआयनुसार, या सुधारणा करण्यासाठी विमान कंपन्यांना संबंधित विमाने काही काळासाठी ग्राउंड करावी लागतील. यामुळे लवकरच उड्डाण वेळापत्रके उशिराने जारी होऊ शकतात किंवा काही रद्दही होण्याच्या शक्यता कंपनीकडून व्यक्त करण्यात आली आहे. उड्डाण सुरक्षेच्या दृष्टीने हा बदल अत्यावश्यक मानला जात असून, विमान कंपन्यांकडून तयारी जोरात सुरू आहे. (Air India)
एअरबस A320 मालिकेतील विमानांमध्ये आवश्यक सॉफ्टवेअर आणि हार्डवेअर अपग्रेडमुळे देशात अनेक उड्डाणांना विलंब किंवा रद्द होण्याची शक्यता व्यक्त केली जात आहे. विशेषतः आठवड्याच्या शेवटी आणि सोमवारपर्यंत ही अडचण अधिक जाणवू शकते.
एअर इंडियाने त्यांच्या X हँडलवर माहिती देताना सांगितले की, एअरबसने जारी केलेल्या निर्देशांनुसार ताफ्यातील काही विमानांना सॉफ्टवेअर आणि हार्डवेअर रिकॅलिब्रेशन आवश्यक आहे. या प्रक्रियेमुळे उड्डाण वेळ वाढू शकतो तसेच काही उड्डाणांना विलंब होण्याची शक्यता आहे. प्रवाशांना होणाऱ्या गैरसोयीबद्दल एअर इंडियाने दिलगीरी व्यक्त केली आहे.
विलंबाच्या शक्यतेदरम्यान, इंडिगो आणि एअर इंडिया दोन्ही कंपन्यांनी निवेदन जारी केलं आहे. यानुसार, अपग्रेड प्रक्रिया २ ते ३ दिवसांत पूर्ण होईल. सोमवार किंवा मंगळवारपासून उड्डाणे नियमितपणे सुरू होऊ शकतात, असे आश्वासन दिले आहे. (Indian Airlines)
अमेरिकन कमी किमतीच्या एअरलाइन जेटब्लूच्या A320 विमानाशी संबंधित गंभीर घटनेनंतर एअरबस A320 मालिकेतील विमानांचे व्यापक ग्राउंडिंग करण्यात आले आहे. ३० ऑक्टोबर २०२५ रोजी कॅनकुन-नेवार्क या जेटब्लू फ्लाइटदरम्यान विमान पायलटच्या कोणत्याही इनपुटशिवाय अचानक खाली घसरले. सुरक्षेच्या दृष्टीने विमानाचे टाम्पा येथे आपत्कालीन लँडिंग करण्यात आले असून काही प्रवाशांना रुग्णालयात दाखल करावे लागले. प्राथमिक तपासणीत ही बिघाड ELAC (इलेक्ट्रिक लिफ्ट आयलरॉन कॉम्प्युटर) स्विच दरम्यान झाल्याचे समोर आले.
एअरबसने जारी केलेल्या निवेदनात या तांत्रिक असुरक्षिततेचे प्रमुख कारण स्पष्ट करण्यात आले आहे. अलीकडील तपासणीत काही चिंताजनक गोष्टी आढळून आल्या आहेत. तीव्र सौर किरणोत्सर्गामुळे उड्डाण नियंत्रणाशी संबंधित महत्त्वपूर्ण डेटा खराब होऊ शकतो. या जोखमीपासून संरक्षण मिळवण्यासाठी A320 कुटुंबातील मोठ्या प्रमाणातील विमानांवर सॉफ्टवेअर आणि हार्डवेअर अपग्रेड करण्याचे निर्देश देण्यात आले आहेत. जागतिक स्तरावर 6,000 पर्यंत A320 फॅमिली विमानांवर या निर्देशांचा परिणाम होणार असून, ऑपरेशनल व्यत्ययाबद्दल एअरबसने दिलगिरी व्यक्त केली आहे.
