केंद्रीय मंत्री मुख्तार अब्बास नकवींचा राजीनामा, उपराष्ट्रपती पदासाठी भाजपकडून उमेदवारी?

आज झालेल्या मंत्रीमंडळाच्या बैठकीनंतर त्यांनी राजीनामा सुपूर्द केला. त्यांचा राज्यसभेचा कार्यकाळ लवकरच संपुष्टात येत आहे. तत्पुर्वी मंत्रीमंडळाच्या बैठकीत पंतप्रधान नरेंद्र मोदी यांनी नकवी यांच्या कार्यकाळाची तोंडभरुन प्रशंसा केली होती.

Follow Us:

Follow Us:

नवी दिल्ली – केंद्रीय अल्पसंख्याक मंत्री मुख्तार अब्बास नकवी यांनी आपल्या पदाचा राजीनामा दिला आहे. आज झालेल्या मंत्रीमंडळाच्या बैठकीनंतर त्यांनी राजीनामा सुपूर्द केला. त्यांचा राज्यसभेचा कार्यकाळ लवकरच संपुष्टात येत आहे. तत्पुर्वी मंत्रीमंडळाच्या बैठकीत पंतप्रधान नरेंद्र मोदी यांनी नकवी यांच्या कार्यकाळाची तोंडभरुन प्रशंसा केली होती. या प्रशंसेमुळे नकवींना भाजपतर्फे उपराष्ट्रपतीपदाची उमेदवारी मिळण्याची अटकळ व्यक्त केली जात आहे.

नुकत्याच झालेल्या राज्यसभेच्या निवडणुकीत भाजपने नकवी यांना उमेदवारी दिली नव्हती. तेव्हापासून पक्ष त्यांना मोठी जबाबदारी सोपवणार असल्याची चर्चा रंगली होती. सूत्रांनी दिलेल्या माहितीनुसार, एनडीएकडून त्यांना उपराष्ट्रपतीपदासाठी उमेदवारी दिली जाऊ शकते. नकवी हे आतापर्यंत केंद्र सरकारमध्ये मंत्री होते. तसेच ते राज्यसभेत भाजप संसदीय पक्षाचे उपनेतेही होते.

मंत्रिमंडळाच्या बैठकीत पंतप्रधान नरेंद्र मोदी यांनी अल्पसंख्याक व्यवहार मंत्री मुख्तार अब्बास नकवी आणि आरसीपी सिंह यांचेही कौतुक केले. सूत्रांनी दिलेल्या माहितीनुसार, पीएम मोदी म्हणाले की, तुम्ही देशाच्या विकासात योगदान दिले आहे.

Web Title: Union minister mukhtar abbas naqvis resignation bjps candidature for the post of vice president

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com