मंगळवार, 13 ऑक्टोबर 2026
Today's Maharashtra Breaking News Updates in marathi 13.10.2026
Maharashtra to World Breaking News : ठाण्यातील मानपाडा भागात शिवसेना ठाकरे गटाचे विभाग प्रमुख प्रदीप पूर्णेकर यांच्यावर गोळीबार झाल्याची धक्कादायक घटना घडली असून परिसरात तणाव निर्माण झाला आहे. आशियाई खेळ २०२६ मध्ये भारतीय महिला कंपाउंड तिरंदाजी संघाने विश्वविक्रमाशी बरोबरी करत देशाला सातवे सुवर्णपदक मिळवून दिले.
अरबी समुद्रात आणि उपसागरात तयार झालेल्या कमी दाबाच्या क्षेत्रामुळे मुंबई, ठाणे आणि कोकणात मुसळधार पावसाचा यलो अलर्ट जारी करण्यात आला आहे. एमपीएससीने (MPSC) राज्यसेवा मुख्य परीक्षा २०२६ सह तीन प्रमुख परीक्षा तूर्तास पुढे ढकलण्याचा आणि मागील परीक्षांच्या गुणपत्रिकांची फेरतपासणी करण्याचा निर्णय घेतला आहे.
अमेरिकन सैन्याने इराक मधील आपल्या सर्व लष्करी तळांवरून पूर्णपणे बाहेर पडण्याचा निर्णय घेतला असून २ दशकांनंतर तेथील लष्करी मोहिमेचा शेवट झाला आहे. अमेरिकेने दुर्मिळ आजारांवरील औषधांच्या आयातीवर भारतासह १९ देशांना शून्य-शुल्क (Zero-Tariff Waiver) सूट देण्याची घोषणा केली.
30 Sep 2026 06:30 PM (IST)
Inflation Price Rate : जसा सणासुदीचा हंगाम सुरु झाला तसा महागाईने हळूच डोकं वर करायला सुरुवात केली. जागतिक स्तरावरील परिस्थिती देखील या सगळ्यास कारणीभूत आहे. गणेशोत्सवाच्या सुरुवातीला अगदी साखर आणि कांद्याने बराच भाव खाल्ला होता. सरकारने देखील याचे दर आटोक्यात आणण्यासाठी बरेच प्रयत्न केले. पण आता काही महागाई थोपण्याचं नाव घेत नाही. दसरा दिवाळी जसजशी जवळ येत आहे. तसतशी बाजारातील वस्तूंच्या किमती बऱ्याच वाढत आहेत. पेट्रोलपासून कांद्यांपर्यंत अगदी सोन्यापासून स्मार्टफोनपर्यंत इतकंच नाही तर खाण्यापिण्याच्या वस्तूंचे दर कडाडत आहेत. त्यामुळे सामान्यांनी सण साजरे करायचे की नाही असा प्रश्न उभा राहतो आहे. नेमकी काय आहे परिस्थिती सविस्तर जाणून घेऊयात.
30 Sep 2026 06:20 PM (IST)
केंद्र सरकारने रब्बी हंगामा (MSP For Rabi) च्या 2027-28 साठी गहूसमवेत सहा पिकांच्या किमान आधारभूत किमत (MSP) वाढवण्याला मान्यता दिली आहे. सरकारच्या मते, याचा उद्देश शेतकऱ्यांना त्यांच्या पिकाला चांगला आणि योग्य भाव मिळवून देणे हा आहे. या सहा पिकांमध्ये गहू, जव, हरभरा, मसूर, मोहरी-राई आणि करडई यांचा समावेश आहे.
30 Sep 2026 06:14 PM (IST)
Airplane Fight : दुबई वरून इस्रायलच्या तेल अवीव मध्ये जाणाऱ्या Flydubai FZ1073 विमानात अचानक दोन पायलट मध्ये हाणामारी सुरु झाली हाणामारीचे रूपांतर चाकू हल्ल्यात झाले . दोघांच्या हाणामारीत विमान चालवायचे बाजूला राहिल्याने विमानाची उंची झपाट्याने कमी होऊ लागली . तेव्हा विमानातील प्रवाशांनी दंगा करायला सुरवात केली . आरडाओरडा करायला सुरवात केली . कॉकपीट मध्ये सुरु असलेल्या मारामारी दरम्यान विमानातून जमिनीवर विमान हायजॅक केल्याचा संदेश गेला . सगळे प्रशासन पटकन कामाला लागले .
30 Sep 2026 06:06 PM (IST)
No UPI Day Called : UPI ट्रान्सजेक्शनवर लागणाऱ्या MDR विरोधात व्यापारी आक्रमक होते. त्यामुळे त्यांनी 2 ऑक्टोबरला आंदोलनाचा पवित्रा वापरला होता. मात्र या आंदोलनाबाबत एक मोठी अपडेट समोर आली आहे. २ ऑक्टोबर, २०२६ रोजी प्रस्तावित ‘No UPI Day’ची घोषणा मागे घेण्यात आली आहे. व्यापाऱ्यांच्या एका शिष्टमंडळाने केंद्रीय अर्थमंत्री निर्मला सीतारामन यांची भेट घेतल्यानंतर हा निर्णय घेण्यात आला. नेमकं काय घडलं या बैठकीत?
30 Sep 2026 05:59 PM (IST)
आंतरराष्ट्रीय क्रिकेट परिषद (ICC) २०२७ च्या एकदिवसीय विश्वचषकाची तयारी करत आहे. स्पर्धेचे वेळापत्रक १ ऑक्टोबर रोजी जाहीर होण्याची शक्यता आहे. परिणामी, सर्व संघ विश्वचषकासाठी सज्ज होत आहेत. भारतीय संघ स्वतःची चाचणी घेण्यासाठी आणि आपली तयारी अधिक मजबूत करण्यासाठी मायदेशात वेस्ट इंडिजविरुद्ध एकदिवसीय मालिका खेळत आहे. पहिल्या सामन्यात दणदणीत विजय मिळवल्यानंतर, मालिका जिंकण्यावरही टीम इंडियाचे लक्ष असेल. २०२७ च्या विश्वचषकापूर्वी भारतीय संघ किती आणि कोणाविरुद्ध एकदिवसीय सामने खेळणार आहे जाणून घेऊयात.
30 Sep 2026 05:45 PM (IST)
शेतकऱ्यांना खत खरेदीची प्रक्रिया अधिक सुलभ, पारदर्शक आणि नियोजनबद्ध करण्यासाठी महाराष्ट्र शासनाच्या कृषी विभागाने FFS (Framework for Fertilizer Sale) ॲप आधारित प्रणाली लागू केली आहे. ३० सप्टेंबरपासून FFS ॲपवर ऑनलाइन बुकिंग केल्यानंतरच शेतकऱ्यांना खत खरेदी करता येणार आहे.त्यामुळे जुन्नर तालुक्यातील शेतकऱ्यांनी वेळेत ॲप डाउनलोड करून आवश्यक खताची आगाऊ नोंदणी व बुकिंग करून घ्यावे,असे आवाहन कृषी विभागाच्या वतीने करण्यात आले आहे.
30 Sep 2026 05:30 PM (IST)
अंबरनाथ नगरपरिषदेच्या अजेंड्यावरील विषय क्रमांक ५८ अंतर्गत, प्रस्तावित ‘ग्रीन एकात्मिक डेटा सेंटर पार्क’ ला वडोलगाव आणि चिखलोली येथील सांडपाणी प्रक्रिया प्रकल्पामधील प्रक्रिया केलेले पाणी देण्यास महाराष्ट्र नवनिर्माण सेनेने विरोध दर्शवला आहे. याबाबत मनसेचे कल्याण लोकसभा जिल्हा अध्यक्ष बंडू देशमुख यांनी अंबरनाथ नगरपरिषदेच्या नगराध्यक्षांना पत्र लिहून आपली भूमिका स्पष्ट केली.
30 Sep 2026 05:15 PM (IST)
गुवाहाटी येथे भारत आणि वेस्ट इंडिज यांच्यात दुसरा सामना खेळवला जात आहे. भारतीय कर्णधार शुभमन गिलने टॉस जिंकून प्रथम गोलंदाजी करण्याचा निर्णय घेतला आहे. दरम्यान वेस्ट इंडिजच्या संघाने शानदार सुरुवात केल्याचे दिसून येत आहे. वेस्ट इंडिजचा सलामीवीर जॉन कॅम्पबेलने खणखणीत शतकी खेळी केली आहे.
आजचा वनडे सामना हा या सिरिजमधला दूसरा वनडे सामना आहे. गुवाहाटीच्या स्टेडियमवर हा सामना खेळवला जात आहे. कर्णधार शुभमन गिलने टॉस जिंकत प्रथम गोलंदाजी करण्याचा निर्णय घेतला होता. दरम्यान हा निर्णय काहीसा चुकला असल्याचे सध्या पाहायला मिळत आहे.
30 Sep 2026 05:00 PM (IST)
महिन्याच्या पहिल्या तारखेला बरेच नियम बदलतात. परिस्थितीनुसार नव्या गोष्टी जोडल्या जातात आणि त्यानुसार नियमांमध्ये दरांमध्ये बदल होतो. आता सप्टेंबर संपून ऑक्टोबर सुरु होणार आहे. या बदलत्या महिन्यात बरे नियम बदलणार आहे. त्यातील महत्त्वाचा घटक म्हणजे RBI. 1 ऑक्टोबरपासून RBI आपल्या काही नियमांमध्ये बदल करणार आहे. त्याचा थेट परिणाम तुमच्या खिशावर होण्याची शक्यता आहे.सविस्तर वाचा
30 Sep 2026 04:50 PM (IST)
दिल्ली पोलिसांनी नारायणा इंडस्ट्रियल परिसरात एका बनावट अॅप्पल/आओएस टेक्निकल सपोर्ट कॉल सेंटर (fake call center) चा भांडाफोड केला आहे. येथून फसवणूकीचे कॉल आणि गिफ्ट कार्ड स्कॅमच्या माध्यमातून अमेरिकन नागरिकांना लक्ष्य केले जात होते. याप्रकरणी पोलिसांनी सात जणांना अटक केली आहे. सविस्तर वाचा
30 Sep 2026 04:40 PM (IST)
आधुनिक जगात जिथे माणूस एका क्षणासाठीही स्मार्टफोन, इंटरनेट आणि सोशल मीडियापासून दूर राहू शकत नाही, तिथे जपानमधून आध्यात्मिक साधनेचे एक अत्यंत अद्भूत आणि तितकेच थरारक उदाहरण समोर आले आहे. जपानमधील ३१ वर्षीय बौद्ध भिक्षू सोगाकु तागुची यांनी पुढील १२ वर्षांसाठी जगाशी असलेला सर्व संपर्क तोडून एकांतवासात जाण्याचा कठोर निर्णय घेतला आहे.सविस्तर वाचा
30 Sep 2026 04:30 PM (IST)
प्रत्येकजण आयुष्यात कधी ना कधी प्रेमात पडतो. काही नाती आयुष्यभर टिकतात, तर काही २-४ वर्षांत किंवा त्याहूनही लवकर तुटतात. खरं तर, कोणत्याही नात्याची सुरुवात डेटिंगनेच होते. तुम्ही पुढे जायला हवे की नाही, हे डेटिंगचा काळच ठरवतो. जर तुम्ही कोणासोबत डेट करत असाल, तर केवळ प्रेमाकडेच नव्हे, तर काही विशिष्ट संकेतांकडेही लक्ष देणे महत्त्वाचे आहे. नात्याच्या सुरुवातीच्या काळात धोक्याच्या सूचनांकडे अनेकदा दुर्लक्ष केले जाते, परंतु यामुळे पुढे जाऊन मन दुखावले जाऊ शकते आणि मानसिक ताण येऊ शकतो.सविस्तर वाचा
30 Sep 2026 04:20 PM (IST)
पितृपक्षात पूर्वजांसाठी श्राद्ध आणि तर्पण केले जाते. श्राद्धासाठी अन्न तयार करून ब्राह्मणांना अर्पण केले जाते. या अन्नाचे पाच भाग वेगवेगळ्या जीवांना आणि देवतांना अर्पण केले जातात. याला पंचबली श्राद्ध म्हणतात.
पंचबली श्राद्ध गाय, कुत्रा, कावळा, देवता आणि मुंगी यांना अर्पण केले जाते. पंचबली भोजनांमध्ये कावळ्याला खाऊ घालणे विशेष महत्त्वाचे मानले जाते. धार्मिक श्रद्धेनुसार, कावळ्याला खाऊ घातल्याशिवाय श्राद्ध पूर्ण मानले जात नाही.सविस्तर वाचा
30 Sep 2026 04:10 PM (IST)
यंदाच्या पावसाळ्यात पावसाने ओढ दिल्याने जिल्ह्यातील जलस्थिती चिंताजनक बनली आहे. पावसात पडलेल्या दीर्घ खंडामुळे जिल्ह्यातील सर्व १४ तालुके दुष्काळाच्या छायेत आले आहेत. महाराष्ट्राच्या दुष्काळ व्यवस्थापन संहितेतील ‘ट्रिगर-१’ नुसार या सर्व तालुक्यांना दुष्काळग्रस्त घोषित केले आहे.सविस्तर वाचा
30 Sep 2026 04:00 PM (IST)
कोकण म्हंटल की सुंदर अशी समुद्राची किनार पट्टी ? त्यात कोकणी माणूस म्हंटल तर मासे आलेचं; नुकताच कोकणातील गणेश उत्सव आणि श्रावण महिना सुद्धा संपला आहे. कोकणातल्या बाजार पेठेत मासे खरेदी करण्यासीठी कोकणकरांनी आणि खवय्यांनी मोठी गर्दी केली आहे.सविस्तर वाचा
30 Sep 2026 03:50 PM (IST)
सरकारी जमिनीवर अतिक्रमण झाल्यानंतर राज्य सरकार आणि संबंधित प्राधिकरणांनी मूक प्रेक्षकाची भूमिका घेणे अपेक्षित नाही. सार्वजनिक मालमत्तेचे संरक्षण करण्यासोबतच तिचा पुनर्विकास सार्वजनिक हितासाठी पुढे नेण्याची जबाबदारी सरकारची आहे, अशा शब्दांत उच्च न्यायालयाने झोपडपट्टी पुनर्वसन योजनेच्या (झोपु) रखडलेल्या प्रकल्पांवर ताशेरे ओढले. सरकारने 'निर्षक्रय जमीनमालका'ची भूमिका न घेता प्रकल्प कालबद्ध पद्धतीने पूर्ण करावेत. गरज भासल्यास पात्र झोपडीधारकांचे अन्यत्र पुनर्वसन करून जमीन सार्वजनिक कारणासाठी वापरण्याचाही विचार करावा, असे निर्देश न्यायालयाने दिले.
30 Sep 2026 03:40 PM (IST)
बारामतीच्या सहकार क्षेत्रात सोमेश्वर सहकारी साखर कारखान्याच्या निवडणुकीच्या निमित्ताने नव्या राजकीय घडामोडींना वेग आला आहे. कारखान्याचे विद्यमान अध्यक्ष पुरुषोत्तम जगताप यांनी राष्ट्रवादी काँग्रेसच्या भूमिकेपासून वेगळी वाट स्वीकारत ‘लोकनेते अजितदादा सोमेश्वर विकास पॅनल’ या स्वतंत्र पॅनेल उभारण्याची घोषणा केली आहे.
30 Sep 2026 03:30 PM (IST)
पुणे शहरातील अनेक दाट लोकवस्तीच्या आणि झोपडपट्टी परिसरात पिण्याच्या पाण्याच्या लाईन थेट ड्रेनेज लाईनमधून टाकण्यात आल्याने नागरिकांच्या आरोग्याचा गंभीर प्रश्न निर्माण झाल्याचा दावा करण्यात आला आहे. या पाण्याच्या लाईन तातडीने बदलून स्वतंत्र आणि आधुनिक HDPE पाईपलाईन टाकण्यात यावी, अशी मागणी नगरसेवक रवींद्र साळेगावकर यांनी पुणे महापालिका आयुक्तांकडे केली आहे.
30 Sep 2026 03:20 PM (IST)
एशियन गेम्स 2026 (Asian Games 2026) मध्ये भारतीय पुरुष बॉक्सर कपिल पोखरियाला कांस्य पदकावर समाधान मानावे लागले. कपिलला 90 किलो वजनी गटातील सेमिफायनलमध्ये उज्बेकिस्तानच्या तुरबेक खबीबुल्लावविरुद्ध 1-4 असा पराभवाचा सामना करावा लागला.सेमिफायनल सामन्यात कपिल तुरबेकसमोर कपिल संघर्ष करताना दिसला. अशाप्रकारे फायनल गाठण्याचे त्याचे स्वप्न अपुरे राहिले. तसे असले तरी एशियन गेम्समधील पदार्पणातच त्याने कांस्य पदकाची कमाई केली. तुरबेकने सुरुवातीपासूनच या सामन्यात पकड निर्माण केली होती व पहिल्या राउंडमध्ये तो 0-5 असा आघाडीवर होता.
30 Sep 2026 03:10 PM (IST)
ल्ह्यातील १५ पैकी १२ तालुक्यांत दुष्काळ जाहीर झाल्याच्या पार्श्वभूमीवर दुष्काळ निवारणाच्या उपाययोजनांना गती देण्याच्या दृष्टीने जिल्हाधिकारी वसुमना पंत यांनी सोमवारी विविध विभागांची आढावा बैठक घेतली. दुष्काळग्रस्त भागातील नागरिक, शेतकरी व पशुधनाला आवश्यक मदत वेळेत मिळावी, यासाठी संबंधित यंत्रणांनी समन्वयाने काम करण्याच्या सूचना त्यांनी दिल्या. बैठकीला जिल्हा परिषदेचे मुख्य कार्यकारी अधिकारी पुलकित सिंह उपस्थित होते.
30 Sep 2026 02:59 PM (IST)
सिंधुदुर्ग जिल्ह्यात वनविभागाच्या कर्मचाऱ्यांकडून ओंकार हत्तीवर चक्क आगीच्या मशाली फेकल्या गेल्याचा गंभीर प्रकार समोर आला आहे. या घटनेचा व्हिडिओ आता सोशल मीडियावर जोरदार व्हायरल होत असून, प्राणीप्रेमी आणि नागरिकांमधून तीव्र संताप व्यक्त केला जातोय. नागरिकांमधून संताप व्यक्त केला जात आहे. या दोषी वनकर्मचाऱ्यांवर तात्काळ कठोर कारवाई करण्याची प्राणीप्रेमी मागणी करत आहेत.
30 Sep 2026 02:51 PM (IST)
सोमेश्वर सहकारी साखर कारखाच्या निवडणुकीच्या पार्श्वभूमीवर दिवंगत उपमुख्यमंत्री अजित पवार यांच्या नावाचा किंवा छायाचित्राचा वापर करण्याबाबत त्यांच्या कुटुंबीयांची परवानगी घेण्याचे आवाहन करण्यात आले आहे. राष्ट्रवादी काँग्रेस पक्षाचे बारामती तालुकाध्यक्ष संदिप कृष्णराव बांदल यांच्या लेटरहेडवर 30 सप्टेंबर 2026 रोजी प्रसिद्ध करण्यात आलेल्या पत्रकात हे आवाहन करण्यात आले आहे. पत्रकात म्हटले आहे की, लोकनेते अजितदादा पवार यांच्या फोटोचा किंवा नावाचा वापर त्यांच्या कुटुंबीयांची परवानगी घेतल्याशिवाय करू नये, अशी सर्व संबंधितांनी नोंद घ्यावी.
30 Sep 2026 02:40 PM (IST)
दुग्ध व्यवसाय आणि पशुपालन व्यवसायाला चालना देण्यासाठी महाराष्ट्र वैरण विकास धोरण लागू करण्यात येणार आहे. या धोरणामुळे राज्यातील पशुधनासाठी आवश्यक चाऱ्याची उपलब्धता निश्चित होणार आहे. अशा रितीने राज्यात प्रथमच वैरण विकास धोरण लागू करण्यात येत आहे. या धोरणामध्ये जिल्हानिहाय चारा उत्पादन, लागवडीयोग्य गवतांची यादी, वैरणउपयुक्त वृक्षांची यादी, सुधारित चारा पिके, पारंपरिक व आपारंपरिक चारा स्रोत यांचा साकल्याने विचार करण्यात आला आहे.
30 Sep 2026 02:30 PM (IST)
सर्वच शाळांमधील शिक्षकांना टीईटी पात्रता असणे बंधनकारक आहे. त्यामुळे आता राज्यातील खासगी विनाअनुदानित, स्वयंअर्थसहाय्यित शाळांतील शिक्षकांच्या टीईटी पात्रतेबाबतची तपासणी केली जाणार आहे. खासगी विनाअनुदानित, स्वयंअर्थसहाय्यित शाळांतील शिक्षकांनाही टीईटी उत्तीर्ण होण्यासाठी ऑगस्ट २०२८ पर्यंतची मुदत असणार आहे. त्यामुळे यूडायस प्रणालीद्वारे शिक्षण संस्था, शिक्षकांकडून टीईटी पात्रतेबाबतची माहिती संकलित करण्यात येईल, अशी माहिती शिक्षण आयुक्त सचिंद्र प्रताप सिंह यांनी दिली आहे.
30 Sep 2026 02:21 PM (IST)
राज्य सरकारने ट्रिगर-1 लागू करत 265 तालुक्यात दुष्काळ जाहीर केला होता. पण यानंतर अनेक तालुक्यात भिषण संकट असतानाही त्यांचा समावेश झाला नव्हता. यावरून आमदार-खासदारांना शेतकऱ्यांच्या रोषाला तोंड द्यावे लागत होते. दरम्यान त्या तालुक्यांचाही समावेश दुष्काळग्रस्त यादीत करावेत अशी मागणी केली जात होती. दरम्यान "पिके करपलेल्या, मात्र 'ट्रिगर-१'च्या पहिल्या निकषात न बसलेल्या तालुक्यांच्या ठिकाणी प्रत्यक्ष पाहणी करून त्यांचा दुष्काळग्रस्त तालुक्यांच्या दुसऱ्या यादीत समावेश केला जाईल, असे निर्देश उपसमितीला देण्यात आले आहेत," अशी ग्वाही मुख्यमंत्री देवेंद्र फडणवीस यांनी दिलीय.
30 Sep 2026 02:10 PM (IST)
अहिल्यानगर जिल्हा बँकेच्या 21 जागांसाठी निवडणूक होणार असून सर्वसाधारण मतदारसंघातील 14 जागांसाठी 1360 ठराव झाले प्राप्त झाले आहे. एकीकडे ही निवडणूक दुष्काळाच्या पार्श्वभूमीवर बिनविरोध करण्यासाठी हालचाली सुरू आहेत. तोच बँकेच्या निवडणुकीत राम शिंदेंची एन्ट्री झाली आहे. त्यांनी कर्जत-जामखेड मतदारसंघातून उमेदवारी अर्ज घेतला आहे. तसेच त्यांनी राधाकृष्ण विखे यांना सुजय विखे-बाळासाहेब थोरातांच्या बैठकीची माहिती नसेल तर बिनविरोध निवडणूक कशी होणार?' असा सवाल देखील उपस्थित केला आहे.
30 Sep 2026 02:00 PM (IST)
मध्यपूर्वेत तणावपूर्ण वातावरण असतानाच आंतरराष्ट्रीय हवाई क्षेत्रातून एक अत्यंत थरारक आणि गंभीर बातमी समोर आली आहे. संयुक्त अरब अमिरातीतील (UAE) दुबई शहरातून इस्रायलची राजधानी तेल अवीवकडे उड्डाण केलेल्या एका प्रवासी विमानात अचानक अपहरणाचा (Hijack) इशारा मिळाल्याने संपूर्ण आंतरराष्ट्रीय सुरक्षा यंत्रणांची झोप उडाली. सुमारे १५० हून अधिक प्रवाशांना घेऊन जाणाऱ्या फ्लायदुबईच्या (Flydubai) या बोईंग ७३७ विमानाचा अचानक संपर्क तुटल्याने आणि आपत्कालीन संकेत मिळाल्याने इस्रायलसह आशियाई देशांत प्रचंड खळबळ उडाली आहे.
30 Sep 2026 01:55 PM (IST)
सौदी अरेबिया आणि येमेनच्या हुथी बंडखोरांमधील लष्करी तणाव गेल्या काही दिवसांत अत्यंत गंभीर वळणावर पोहोचला आहे. मध्य पूर्वेतील या भडकलेल्या संघर्षाच्या पार्श्वभूमीवर एका प्रख्यात पाकिस्तानी धर्मगुरूच्या विधानाने आंतरराष्ट्रीय राजकारणात आणि धार्मिक वर्तुळात नवा वाद निर्माण केला आहे. पाकिस्तान उलेमा परिषदेचे अध्यक्ष हाफिज मुहम्मद ताहिर अशरफी यांनी हुथींना उघडपणे ‘दहशतवादी’ संबोधले असून, या बंडखोरांचा आणि त्यांच्या हिंसक कारवायांचा इस्लाम धर्माशी दूरवरचाही संबंध नाही, असा घणाघाती आरोप केला आहे.
30 Sep 2026 01:55 PM (IST)
आज गुवाहाटी येथे भारत अन् वेस्ट इंडिज यांच्यात सुरू असलेल्या सिरिजमधील दुसरा वनडे सामना खेळवला जाणार आहे. पहिला सामना भारताने आरामात जिंकला होता.. कर्णधार शुभमन गिल आणि विराट कोहलीच्या शतकी खेळीच्या जोरावर भारताने वेस्ट इंडिजचा पराभव केला आहे. नुकताच या सामन्याचा टॉस पार पडला. टॉस जिंकून संघाने प्रथम करण्याचा निर्णय घेतला आहे.
30 Sep 2026 01:45 PM (IST)
शहरात सोमवारी पावसाने हजेरी लावल्यानंतर मंगळवारी पुन्हा पावसाने विश्रांती घेतली. सकाळी अंशतः ढगाळ वातावरण होते; मात्र दुपारनंतर उन्हाचा चटका वाढल्याने उकाड्यातही वाढ झाली. शहरातील कमाल तापमान ३३ अंश सेल्सिअस, तर किमान तापमान २०.२ अंश सेल्सिअस नोंदवण्यात आले. त्यातच बुधवारी (दि.30) तापमानाचा पारा 31 अंशांवर पोहोचला असून, पुन्हा उकाडा जाणवत आहे.
30 Sep 2026 01:35 PM (IST)
मराठी बालरंगभूमीवर आपल्या अनोख्या जादूने गेली पाच दशके प्रेक्षकांच्या मनावर अधिराज्य गाजवणारे अद्वैत थिएटर निर्मित ‘अलबत्या-गलबत्या’ हे लोकप्रिय बालनाट्य आता आणखी एका शिखर विश्वविक्रमाच्या दिशेने झेपावले आहे. येत्या १५ ऑक्टोबर रोजी पुण्यातील बालगंधर्व रंगमंदिरात या नाटकाचे सलग ७ प्रयोग रंगणार असून, या अनोख्या उपक्रमातून पुणे महानगरपालिकेच्या शाळांमधील हजारो मुलांना आनंदाची अविस्मरणीय सफर घडणार आहे.
30 Sep 2026 01:25 PM (IST)
मानपाडा परिसरात ठाकरे गटाच्या शिवसेनेचे विभागप्रमुख प्रदीप पूर्णेकर यांची सोमवारी (२९ सप्टेंबर) गोळ्या झाडून आणि धारदार शस्त्राने वार करून हत्या करण्यात आली. पूर्णेकर यांच्या मानपाडा येथील कार्यालयाबाहेर हा हल्ला झाला. हल्ल्यानंतर त्यांना कापूरबावडी परिसरातील इन्फिनिटी रुग्णालयात उपचारासाठी दाखल करण्यात आले; मात्र उपचार सुरू करण्यापूर्वीच त्यांचा मृत्यू झाला. या प्रकरणात पोलिसांनी पप्या शिंदे आणि आकाश निमसे या दोन संशयितांना ताब्यात घेतले आहे.
30 Sep 2026 01:15 PM (IST)
कर्जत तालुक्यात होऊ घातलेल्या शिलार धरणाला स्थानिकांचा प्रचंड विरोध आहे. स्थानिकांनी आता कर्जत तालुक्यातील नेत्यांच्या गाठीभेटी घेण्याचा निर्णय घेतला आहे. स्थानिक शेतकऱ्यांना धरण का नको हे सांगण्यासाठी शेतकरी मोहीम सुरू करीत असून या मोहिमेचा शेवट राज्याचे मुख्यमंत्री देवेंद्र फडणवीस यांची भेट घेऊन धरण नको हे सांगणार असल्याचा निर्धार शिलार धरणात जमीन जाणाऱ्या २४ गावे आणि आदिवासी वाड्या मधील शेतकरी तसेच ग्रामस्थ यांच्याकडून केला आहे.
30 Sep 2026 01:05 PM (IST)
छत्रपती संभाजीनगर पोलिसांनी एनडीपीएस कायद्यांतर्गत जप्त केलेले ३४३ किलो ५७३ ग्रॅम गांजा आणि कोडीन सिरपच्या ४९९ बाटल्या कायदेशीररित्या नष्ट केल्या. नष्ट केलेल्या अमली पदार्थांचे एकूण मूल्य अंदाजे ₹४९ लाख (४.९ दशलक्ष) आणि ₹८९ लाख (४.९ दशलक्ष) आहे.
30 Sep 2026 01:00 PM (IST)
WhatsApp Update: व्हॉट्सॲप बिझनेस प्लॅटफॉर्म वापरणाऱ्या कंपन्यांसाठी अतिशय महत्त्वाची बातमी आहे. मेटाने एक मोठा निर्णय घेतला आहे. हा निर्णय 1 ऑक्टोबरपासून लागू केला जाणार आहे. उद्यापासून म्हणजेच 1 ऑक्टोबरपासून मेटा त्यांच्या व्हॉट्सॲप बिझनेस प्लॅटफॉर्मच्या प्राईझिंगमध्ये बदल करणार आहे. याचा अर्थ असा आहे की, बिझनेस प्लॅटफॉर्म वापरणाऱ्या कंपन्यांना आता असे मेसेज करण्यासाठी देखील पेमेंट करावे लागणार आहे, जे यापूर्वी फ्री होते.
30 Sep 2026 12:50 PM (IST)
Health Update: वजन कमी करण्याची बाजारपेठ आता केवळ मोठ्या महानगरांपुरती मर्यादित राहिलेली नाही. परवडणारे जीएलपी-१ पर्याय आणि डिजिटल आरोग्य सेवांच्या वाढत्या उपलब्धतेमुळे टियर-२ आणि टियर-३ शहरांमध्ये मेडिकल वेट मॅनेजमेंटची मागणीत मोठी वाढ झाली आहे. अहवालानुसार, महिलांमध्ये वजन, मधुमेह आणि मेटाबॉलिक समस्यांसाठी डॉक्टरांच्या देखरेखीखालील उपचारांची मागणी वाढत असल्याचे दिसून येते. फार्मास्युटिकल्सच्या आकडेवारीनुसार, भारतातील जीएलपी-१ अॅगोनिस्ट बाजारपेठ मे २०२६ मध्ये अंदाजे १,९०६ कोटीपर्यंत पोहोचली, जी मागील वर्षी अंदाजे ५६५ कोटी होती. या जलद बाजारपेठेतील वाढीला प्रामुख्याने सेमाग्लुटाइडच्या कमी किमतीच्या जेनेरिक पर्यायांच्या प्रवेशामुळे चालना मिळाली.
30 Sep 2026 12:45 PM (IST)
GATE Exam Best Colleges 2026: ग्रॅजुएट एप्टीट्यूड टेस्ट इन इंजीनियरिंग (GATE) परीक्षा ही प्रामुख्याने अभियांत्रिकी (इंजिनिअरिंग) आणि विज्ञान शाखेच्या विद्यार्थ्यांसाठी घेतली जाते. या परीक्षेच्या आधारे विद्यार्थ्यांना देशातील सर्वोच्च शिक्षण संस्थांमध्ये एम.टेक (M.Tech) किंवा एम.ई (M.E) मध्ये प्रवेश मिळतो.
30 Sep 2026 12:40 PM (IST)
Asian Games 2026: बुधवारी झालेल्या आशियाई क्रीडा स्पर्धेत, भारताच्या चिकिता तनिपार्थी आणि साहिल जाधव या कंपाऊंड मिश्र तिरंदाजी जोडीने दक्षिण कोरियाला एका रोमांचक शूट-ऑफमध्ये पराभूत करून सुवर्णपदक जिंकले आणि २०२८ ऑलिम्पिक कोटा निश्चित केला, तर भारतीय महिला संघानेही याच स्पर्धेत अव्वल स्थान पटकावले. दोन्ही भारतीय संघांनी २०२३ च्या हांगझू आशियाई क्रीडा स्पर्धेत जिंकलेल्या आपल्या विजेतेपदांचे यशस्वीपणे रक्षण केले.
30 Sep 2026 12:35 PM (IST)
Indian Coast Guard: भारतीय तटरक्षक दल (Indian Coast Guard) आणि गुजरातच्या दहशतवादविरोधी पथकाने (ATS) संयुक्त कारवाई करत समुद्रमार्गे सुरू असलेली अमली पदार्थांची मोठी तस्करी उधळून लावली आहे. लक्षद्वीपच्या पश्चिमेकडील अरबी समुद्रात ही कारवाई करण्यात आली. संशयित इराणी ‘धो’ बोटीतून सुमारे 526 किलो उच्च दर्जाचे हेरॉईन आणि मेथामफेटामाइन जप्त करण्यात आले. या अमली पदार्थांची आंतरराष्ट्रीय बाजारातील अंदाजित किंमत 3 हजार कोटी रुपयांपेक्षा अधिक असल्याची माहिती समोर आली.
30 Sep 2026 12:30 PM (IST)
पुणे : राज्यातील दुष्काळग्रस्त 265 तालुक्यांतील दहावी आणि बारावीच्या विद्यार्थ्यांना मोठा दिलासा मिळाला आहे. फेब्रुवारी-मार्च २०२७ मध्ये महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणाऱ्या दहावी (एसएससी) आणि बारावी (एचएससी) परीक्षेसाठी या तालुक्यांतील विद्यार्थ्यांकडून पुढील आदेशापर्यंत परीक्षा शुल्क आकारू नये, असे निर्देश राज्य मंडळाचे सचिव डॉ. दीपक माळी दिले आहेत.
30 Sep 2026 12:25 PM (IST)
मेरठ : उत्तर प्रदेशातील मेरठच्या ब्रह्मपुरी परिसरात गाजलेल्या ‘ब्लू ड्रम’ हत्याकांडाचा निकाल आज, ३० सप्टेंबर रोजी जिल्हा न्यायालयात सुनावला जाणार आहे. मर्चंट नेव्ही अधिकारी सौरभ राजपूत यांच्या हत्येप्रकरणी आरोपी मुस्कान रस्तोगी आणि साहिल शुक्ला दोषी आहेत की नाही, याचा निर्णय न्यायालय घेणार आहे. दोघे दोषी आढळल्यास त्यानंतर शिक्षेच्या मुद्द्यावर स्वतंत्र सुनावणी होणार आहे. त्यामुळे या बहुचर्चित प्रकरणाच्या निकालाकडे सर्वांचे लक्ष लागले आहे.
30 Sep 2026 12:20 PM (IST)
परळी : जिल्ह्यातील कायदा आणि सुव्यवस्थेच्या परिस्थितीवर चिंता व्यक्त होत असतानाच परळीत भरवस्तीत झालेल्या प्राणघातक हल्ल्याने खळबळ उडाली आहे. परळी नगरपरिषदेतील भाजपचे गटनेते तथा सभापती पवन मुंडे यांचे पुतणे कृष्णा मुंडे यांच्यावर १५ ते १६ जणांच्या टोळक्याने धारदार शस्त्रांनी हल्ला केल्याची घटना समोर आली आहे. जुन्या वादातून हा हल्ला झाल्याची प्राथमिक माहिती असून, या हल्ल्यात कृष्णा मुंडे जखमी झाले आहेत. त्यांच्यावर रुग्णालयात उपचार सुरू आहेत. भरवस्तीत घडलेल्या या घटनेमुळे परिसरातील नागरिकांमध्ये भीतीचे वातावरण निर्माण झाले असून, शहरातील कायदा-सुव्यवस्थेवर पुन्हा प्रश्नचिन्ह निर्माण झाले आहे.
30 Sep 2026 12:15 PM (IST)
Vadhvan Port Development : पालघर जिल्ह्यातील बहुचर्चित आणि महत्त्वाकांक्षी वाढवण ग्रीनफिल्ड डीप ड्राफ्ट प्रमुख बंदराच्या विकासकामांचा वेग वाढवण्यासाठी केंद्रीय पात‌ळीवरून थेट हालचाली सुरू भारत सरकारच्या बंदरे, जहाज वाहतूक व जलमार्ग मंत्रालयाचे सचिव विजय कुमार यांनी वाढवण प्रकल्पाला प्रत्यक्ष भेट देऊन मैदानावर सुरू असलेल्या विविध कामांची सविस्तर पाहणी केली आणि विकासकामांच्या सद्यस्थितीचा प्रत्यक्ष आढावा घेतला. वाढवण पोर्ट प्रोजेक्ट लिमिटेड मार्फत आकारास येत असलेल्या या बंदराच्या प्राथमिक कामांनी आता वेग घेतला आहे.
30 Sep 2026 12:10 PM (IST)
IIM Mumbai Recruitment 2026: भारतीय व्यवस्थापन संस्था (IIM) मुंबईने विविध शैक्षणिक विभाग आणि कार्यक्रमांसाठी ‘ॲकॅडेमिक असोसिएट’ पदांवर कंत्राटी पद्धतीने भरती जाहीर केली आहे. इच्छुक आणि पात्र उमेदवारांकडून ऑनलाइन अर्ज मागविण्यात आले असून अर्ज करण्याची अंतिम तारीख १३ ऑक्टोबर २०२६ आहे.
30 Sep 2026 11:59 AM (IST)
धुळे जिल्ह्यात दुष्काळाची तीव्रता दिवसेंदिवस वाढत असून, भीषण परिस्थिती निर्माण झाल्याचा दावा शेतकऱ्यांकडून केला जात आहे. पावसाने ओढ दिल्याने विहिरी आटू लागल्या आहेत, तर जगवलेली पिकं वीजपुरवठा सुरळीत नसल्याने पिकांना पाणी देण्यासाठी अडचणी निर्माण होत असल्याने पीक करपू लागली आहेत. एकीकडे पाऊस पडला नसल्याने विहिरींनी तळ गाठण्यास सुरुवात केली आहे आणि दुसरीकडे वीजपुरवठाही सुरळीत होत नसल्याने शेतकरी दुहेरी संकटात सापडला आहे. वीज वितरण कंपनीकडून आश्वासन मिळूनही पुरेसा वीजपुरवठा होत नसल्याचा शेतकऱ्यांचा आरोप आहे, अशा परिस्थितीत शासनाने जाहीर केलेल्या दुष्काळी मदतीत प्रति एकर 50 हजार रुपयांची नुकसानभरपाई द्यावी अशी मागणी शेतकऱ्यांनी केली आहे,
30 Sep 2026 11:47 AM (IST)
रस्ते, पाणी, वीज आणि कचरा व्यवस्थापन यांसारख्या मूलभूत सुविधा मिळत नसल्याने, येथील अनेक मोठे उद्योग स्थलांतराच्या मार्गावर असल्याची धक्कादायक माहिती समोर येत आहे. राज्य सरकारने या समस्येची दखल घेत 1400 कोटी रुपयांचा नवीन विकास आराखडा मंजूर केला आहे. मात्र, शासनाने दिलेल्या 10 महिन्यांच्या मुदतीत ही कामे पूर्ण न झाल्यास उद्योग राज्याबाहेर जाण्याचा विचार करतील, असा थेट इशारा 'चाकण फेडरेशन ऑफ इंडस्ट्रीज'ने दिला आहे. उद्योगमंत्र्यांची नियोजित बैठकही अचानक रद्द झाल्याने संभ्रम निर्माण झाला आहे. येथील वीज गळती, पाण्याची टंचाई आणि ट्रॅफिकच्या समस्येवर प्रशासनाने तातडीने तोडगा काढावा, अशी मागणी उद्योजकांनी केली आहे.
30 Sep 2026 11:36 AM (IST)
मध्यवर्ती पोलीस ठाण्याच्या हद्दीत विठ्ठलवाडी रेल्वे स्थानक परिसरातील हनुमान मंदिर, शांतीनगर भागातून आंध्र प्रदेशातून गांजा घेऊन आलेल्या दोन आरोपींना पोलिसांनी अटक केली. त्यांच्या ताब्यातून 7 किलो 400 ग्रॅम गांजा जप्त करण्यात आला असून, त्याची अंदाजे किंमत 3 लाख 70 हजार रुपये आहे. अटक करण्यात आलेल्या आरोपींची नावे राजू नीलकंठम समरडी (35) आणि वीरास्वामी चीनालिंगा गुल्लोरी (30) अशी आहेत. दोघेही आंध्र प्रदेशातील विशाखापट्टणम जिल्ह्यातील आरकू व्हॅली परिसरातील रहिवासी आहेत. पोलिसांनी केलेल्या कारवाईनंतर मध्यवर्ती पोलीस ठाण्यात एनडीपीएस कायद्यान्वये गुन्हा दाखल करण्यात आला आहे. दोन्ही आरोपींना अटक करून त्यांची चौकशी सुरू आहे.
हे आरोपी उल्हासनगरमध्ये गांजा नेमका कोणाला विक्री करण्यासाठी घेऊन आले होते, तसेच या तस्करीच्या नेटवर्कमध्ये आणखी कोणाचा सहभाग आहे, याचा पोलीस तपास करत आहेत. आरोपींच्या चौकशीतून गांजा पुरवठा करणारे तसेच खरेदीदार यांच्याबाबत महत्त्वाची माहिती समोर येण्याची शक्यता आहे. ही कारवाई वरिष्ठ पोलीस निरीक्षक अशोक कोळी यांच्या मार्गदर्शनाखाली पीआय शीतल बामणे, एपीआय योगेश माळी तसेच पोलीस कर्मचारी प्रमोद जाधव, सुजित भोजने, चंदू शिंदे, कृपाल शेकड, भूषण गावडे आणि अतुल वाघमोडे यांच्या पथकाने केली. या प्रकरणाचा पुढील तपास मध्यवर्ती पोलीस ठाण्याचे पोलीस करत आहेत.
30 Sep 2026 11:22 AM (IST)
कर्जत तालुक्यात होऊ घातलेल्या शिलार धरणाला स्थानिकांचा प्रचंड विरोध आहे.स्थानिकांनी आता कर्जत तालुक्यातील नेत्यांच्या गाठीभेटी घेण्याचा निर्णय घेतला आहे.स्थानक शेतकऱ्यांना धरण का नको हे सांगण्यासाठी शेतकरी मोहीम सुरू करीत असून या मोहिमेचा शेवट राज्याचे मुख्यमंत्री देवेंद्र फडणवीस यांची भेट घेऊन धरण नको हे सांगणार असल्याचा निर्धार शिलार धरणात जमीन जाणाऱ्या २४ गावे आणि आदिवासी वाड्या मधील शेतकरी तसेच ग्रामस्थ यांच्याकडून केला आहे.
कर्जत तालुक्यातील प्रस्तावित शिलार धरण प्रकल्प हा कायमचा हद्दपार करण्यासाठी हा धरण मंजूर झाल्यापासून टोकाचा विरोध केला.धरण होणार असलेल्या गावे आणि आदिवासी वाड्या मधील शेतकऱ्यांनी शिलार धरण विरोधातील आंदोलन केली आहेत.त्याचवेळी मोठा मोर्चा कर्जत तहसील कार्यालयावर काढला आहे.तरीदेखील जमीन मोजणीची कामे हाती घेण्यात आली आहेत.त्यामुळे आता शेतकऱ्यांनी गाव बैठका घेऊन आपली शेती आणि जंगल वाचवण्यासाठी चिल्हार नदीवर होऊ घातलेले शिलार धरण हद्दपार करण्यासाठी पुढाकार घेतला आहे.त्यासाठी कर्जत तालुक्यातील सर्व राजकीय पक्षांचे नेत्यांच्या गाठीभेटी घेऊन धरण नको म्हणून भूमिका स्पष्ट केली जाणार आहे.
30 Sep 2026 11:15 AM (IST)
पोलादपूर बस स्थानकातून दररोज हजारो प्रवासी एसटी बसने प्रवास करतात. प्रवाशांच्या सोयीसाठी बस स्थानकाची नवीन इमारत उभारण्यात आली असून, या इमारतीचे लोकार्पण रायगड जिल्ह्याचे पालकमंत्री भरतशेठ गोगावले यांच्या हस्ते करण्यात आले. नवीन इमारतीमध्ये सुसज्ज शौचालय, स्तनपान माता कक्ष, हिरकणी कक्ष, उपहारगृह, मेडिकल कक्ष आदी विविध सुविधा उपलब्ध करून देण्यात आल्या आहेत.
मात्र, बस स्थानकातील मुतारीचे सांडपाणी उघड्यावर वाहत असल्याने प्रवाशांना दुर्गंधीचा सामना करावा लागत आहे. सांडपाण्याचा योग्य निचरा होत नसल्याने बस स्थानक परिसरातील स्वच्छतेचा प्रश्न निर्माण झाला आहे. विशेषतः प्रवाशांची मोठी वर्दळ असलेल्या ठिकाणी सांडपाणी उघड्यावर जाणे आरोग्याच्या दृष्टीनेही चिंतेचे ठरत आहे.
30 Sep 2026 10:55 AM (IST)
महाराष्ट्र सरकारने २०२६-२७ या आर्थिक वर्षात पुणे मेट्रोच्या तीन विस्तार प्रकल्पांसाठी १८० कोटी रुपयांचा निधी मंजूर केला आहे. स्वारगेट-कात्रज, वनाज-चांदणी चौक आणि रामवाडी-वाघोली या मार्गांसाठी हा निधी देण्यात येणार आहे. यामुळे या प्रकल्पांच्या बांधकामाला गती मिळण्यासह पुणे आणि पिंपरी-चिंचवड परिसरातील सार्वजनिक वाहतूक व्यवस्था अधिक सक्षम होण्यास मदत होणार आहे. स्वारगेट-कात्रज या पूर्णपणे भूमिगत मार्गासाठी १०० कोटी रुपये भागभांडवल आणि ८० कोटी रुपये बिनव्याजी गौण कर्जाच्या स्वरूपात देण्यात येणार आहे. महामेट्रोमार्फत उभारण्यात येणाऱ्या या मार्गाचा मंजूर प्रकल्प खर्च २,९५५ कोटी रुपये आहे.
