हरयाणात कोणचा विजय होणार?; निवडणूक तज्ज्ञ योगेंद्र यादवांनी सांगितल्या तीन शक्यता

विधानसभा निवडणुकीच्या वेळी हरियाणा काँग्रेसमध्ये झालेल्या कलहानंतर पक्षाच्या हायकमांडला सक्रिय व्हावे लागले. कुमारी सैलजा या पक्षावर नाराज असल्याचा   अनेक राजकीय विश्लेषकांचा अंदाज होता. याबाबत योगेंद्र यादव म्हणाले, "काँग्रेसमध्ये भांडण सुरू आहे, असे काही जमिनीवर दिसत नाही.

PhotoCredit- Social Media (हरयाणा विधानसभा निवडणूक निकाल)

Follow Us:

Follow Us:

भाजप-काँग्रेसच्या नेत्यांनी हरयाणा विधानसभा निवडणूक प्रतिष्ठेची बनवली आहे. दोन्ही पक्षांचे दिग्गज रॅली काढताना आणि सरकार स्थापनेचा दावा करताना दिसत आहेत. या सगळ्यात स्वराज पक्षाचे नेते आणि निवडणूक विश्लेषक योगेंद्र यादव यांनी हरियाणा विधानसभा निवडणुकीबाबत मोठे भाकित  केले आहे. यापूर्वी त्यांनी 2024 च्या लोकसभा निवडणुकीच्या निकालाचे भाकीत केले होते, जे जवळपास अचूक ठरले होते.

हरियाणा निवडणुकीबाबत योगेंद्र यादव यांचे भाकीत

हरियाणा विधानसभा निवडणुकीसंदर्भात योगेंद्र यादव यांनी तीन शक्यता सांगितल्या आहेत. हरियाणात काँग्रेसची लाट सुरू असल्याचे त्यांचे मत आहे. योगेंद्र यादव म्हणाले, मी स्थानिक पातळीवर फिरून आलो आहे आणि त्यानंतरच बोलत आहे. हरयाणा निवडणुकीबाबत तीन शक्यता आहेत. पहिली शक्यता म्हणजे काँग्रेसच्या बाजूने वारे वाहत आहेत. दुसरी शक्यता म्हणजे काँग्रेसच्या बाजूने वादळी वारे वाहत आहे. तिसरी शक्यता म्हणजे काँग्रेसच्या बाजूने सुनामीची लाट  आहे.

हेही वाचा:  महाविकास आघाडीचे उमेदवार ठरवण्याचे अधिकार फक्त या तीन नेत्यांकडेच

योगेंद्र यादव म्हणाले, “हरयाणातील निवडणुका काँग्रेसच्या बाजूने आणि भाजपच्या विरोधात गेल्या आहेत आणि त्याचे कारण काँग्रेस नाही. ही निवडणूक सुरू होण्यापूर्वी तीन पक्षांनी ही निवडणूक हातात घेतली. ते तीन म्हणजे जवान, शेतकरी आणि कुस्तीगीर, या  तीन लोकांनी आधीच निर्णय घेतला आहे.”

काँग्रेसमधील कलहावर योगेंद्र यादव काय म्हणाले?

विधानसभा निवडणुकीच्या वेळी हरियाणा काँग्रेसमध्ये झालेल्या कलहानंतर पक्षाच्या हायकमांडला सक्रिय व्हावे लागले. कुमारी सैलजा या पक्षावर नाराज असल्याचा   अनेक राजकीय विश्लेषकांचा अंदाज होता. याबाबत योगेंद्र यादव म्हणाले, “काँग्रेसमध्ये भांडण सुरू आहे, असे काही जमिनीवर दिसत नाही. काँग्रेसमध्ये ही कुरघोड्या होतात, यात शंका नाही, पण कोणत्या पक्षात अशी कुरघोड्या होत नाहीत.  भाजपमध्ये तर यापेक्षा जास्त कुरघोड्या होत असतात.”

हेही वाचा: राज ठाकरेंची तिरपी चाल; देवेंद्र फडणवीसांच्या विरोधात मनसेचा उमेदवार मैदानात

Web Title: Yogendra yadav said who will win in haryana nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com