प्रत्येक माणसाला आपला खिसा भरलेला हवा असतो. मात्र लाखो प्रयत्न करूनही पैसा टिकत नाही. परिणाम असा होतो की असे लोक त्यांच्या भविष्यासाठी बचत करू शकत नाहीत आणि त्यांचे बजेट सांभाळू शकत नाहीत.
तर काही लोक पाहता पाहत गरीब होऊन जातात. या सर्व परिस्थितीमागे कुंडलीतील ग्रहांव्यतिरिक्त घरातील वास्तूही कारणीभूत असते. वास्तुशास्त्रात अनावश्यकपणे पैसे खर्च करण्याची कारणे दिली आहेत.
पैसा न टिकण्याचे कारण
कधी कधी भरपूर कमावल्यानंतरही पैसा टिकत नसेल तर त्यामागे आपले काही अज्ञान किंवा चुका कारणीभूत ठरतात. ते दुरुस्त न केल्यानेही व्यक्ती कर्जाच्या ओझ्याखाली दबू शकते.
नेहमी लक्षात ठेवा की पैसे ठेवण्यासाठी तिजोरी किंवा पेटी इत्यादीमध्ये कोणतेही छिद्र असू नये. ते पैसा थांबू देत नाही आणि वाढू देत नाही. याशिवाय तिजोरी नेहमी सुंदर रंगवून ठेवा. जीर्ण अवस्थेतील तिजोरीमुळे पैशाचे नुकसान होते.
त्याचप्रमाणे फाटलेल्या पर्समध्ये किंवा पाकिटात कधीही पैसे ठेवू नका. असे करणाऱ्यांना नेहमीच पैशाच्या विवंचनेने घेरलेले असते.
फाटलेल्या खिशांमुळे पैसे आणि महत्त्वाच्या गोष्टी पडण्याची भीती नेहमीच असते. यासोबतच ज्योतिष आणि वास्तुमध्ये गरिबीचे कारण सांगितले आहे.
दुसऱ्याच्या मालमत्तेवर लोभी होऊन चुकीच्या मार्गाने पैसा कमावणाऱ्यांजवळही पैसा टिकत नाही. ते श्रीमंत झाले तरी काही काळानंतर दिवाळखोरीच्या उंबरठ्यावर येतात.
[read_also content=”बुधाच्या राशी परिवर्तनाने उजळणार या सहा राशींच्या भाग्य; पुढचे २१ दिवस राहणार सोन्यासारखे https://www.navarashtra.com/horoscope/horoscope/budhachaya-rashi-varivartanane-ujnar-or-saha-rashinchaya-bhagya-pudche-21-days-will-be-like-golden-days-nrng-210710.html”]
मनाची गरिबी टाळा
काही लोक नेहमी पैश्यांचे रडगाणे रडतात. असे करणे योग्य नाही. याला धर्मग्रंथात मनाचे दारिद्र्य म्हटले आहे. म्हणूनच, देवी लक्ष्मीच्या कृपेसाठी नेहमी त्यांचे आभार मानत राहा आणि तुमच्या मनात सकारात्मक विचार आणा. यामुळे तुमची स्थिती निश्चितच सुधारेल.
याउलट ज्या लोकांच्या कुंडलीत बुध कमकुवत आहे, शुक्र प्राबल्य आहे, वायू तत्व बलवान आहे किंवा त्यांनी चुकीचे रत्न धारण केले असेल तर त्यांना धनहानी देखील सहन करावी लागते. या लोकांसाठी बचत करणे जवळजवळ अशक्य आहे.
