रविवार, 25 ऑक्टोबर 2026
नवीन कार घेण्याचा विचार करत असाल तर येत्या सप्टेंबरमध्ये अनेक कार लॉंच होत आहेत. विशेषत: SUV मध्ये येणाऱ्या कार या ग्राहकांसाठी आकर्षक ठरु शकणार आहेत. त्यामुळे आणखी काही दिवस वाट पाहिल्यास या कार तुमच्या करिता उत्तम पर्याय ठरु शकतात. सप्टेंबरमध्ये लॉंच होणाऱ्या SUV मध्ये बहुप्रतिक्षित Hyundai Alcazar आणि Tata Curvv यांचा समावेश आहे. Tata Curvv ही ICE coupe SUV असेल तर Hyundai Alcazar ही फेसलिफ्ट आवृत्ती असणार आहे. जाणून घेऊया या दोन्ही कारबद्दल
Tata Curvv ICE
फोटो सौजन्य- Official Website
Tata Curvv ची ICE एडिशन पुढील आठवड्यात 2 सप्टेंबर 2024 मध्ये लाँच होणार आहे. या कारची रचना ही EV मॉडेलसारखीच असणार आहे. Curvv ICE कारला ATLAS प्लॅटफॉर्म मिळतो जो त्यानंतर Nexon तसेच Sierra ICE मॉडेल्समध्ये असणार आहे.
या कारमध्ये 3 इंजिन पर्याय मिळणार आहे. यातील पहिला इंजिन पर्याय 1.2L 3-सिलेंडर टर्बो पेट्रोल युनिट आहे तर इतर दोन प्रकार 1.5L Kryotec डिझेल आणि 1.2L डायरेक्ट-इंजेक्शन टर्बो पेट्रोल इंजिन आहेत. कारमध्ये ADAS (Advanced Driver Assistance Systems) फीचर्स देखील उपलब्ध असणार आहे. ज्यामुळे वाहनचालकाला ड्रायव्हिंग करण्यास मदत होणार आहे.
2024 Hyundai Alcazar Facelift
फोटो सौजन्य- Official Website
2024 Hyundai Alcazar Facelift या कारमध्ये अनेक नवी वैशिष्ट्ये असणार आहेत. फेसलिफ्ट अल्काझारला Exter सारखीच एच-आकाराचे एलईडी डीआरएल देखील असणार असून ते थोडे मोठ्या स्वरुपाचे असणार आहेत. पुढील बाजूस, अल्काझार फेसलिफ्टला आडव्या स्लॅट्ससह मोठे लोखंडी ग्रिल मिळते. दुसरीकडे, अल्काझारच्या मागील मॉडेलमध्ये स्टडेड ग्रिल डिझाइन मिळते.
अल्काझर फेसलिफ्टच्या इंजिनच्या बाबतीत, SUV 1.5-लीटर पेट्रोल टर्बो GDi इंजिन तसेच 1.5-लीटर डिझेल CRDi इंजिन ऑफर केले जाणार आहे. बाहेरील बाजूस नवीन अलॉय व्हील आणि नवीन बॉडी क्लेडिंग मिळते. पारंपारिक दरवाजाचे हँडल तसेच काळे-आऊट खांब ही काही वैशिष्ट्ये पुढे देण्यात आली आहेत. टेल-लाइटला पुन्हा डिझाइन केलेले स्वरूप मिळते. कॉकपिटचा विचार केल्यास त्याला ड्युअल 10.25-इंच स्क्रीन, ड्युअल-झोन ऑटोमॅटिक क्लायमेट कंट्रोल आणि 2024 क्रेटा फेसलिफ्टमधून डॅशबोर्ड लेआउट मिळतो. अल्काझर कार ही एक्झिक्युटिव्ह, प्रेस्टिज, प्लॅटिनम आणि सिग्नेचर व्हेरियंटमध्ये सादर केली जाईल.
