टी २० विश्वचषकासाठी पाकिस्तनाच्या संघाची घोषणा

Follow Us:

Follow Us:

मुंबई : १६ ऑक्टोबरपासून ऑस्ट्रेलियात (Australia) आयसीसी टी २० विश्वचषक स्पर्धा (World Cup 2022) खेळवली जाणार आहे. या स्पर्धेसाठी सध्या सर्वच देशातील क्रिकेट संघानी कंबर कसली असून शुक्रवारी विश्वचषकस्पर्धा खेळण्यासाठी पाकिस्तानच्या (Pakistan)  संघाची घोषणा करण्यात आली आहे. पाकिस्तानने या विश्वचषकासाठी १५ खेळाडूंची निवड केली असून त्याचबरोबर तीन राखीव खेळाडूंचीही निवड करण्यात आली आहे.

आशिया कप (Asia Cup) स्पर्धेत बॅटिंगसह फिल्डिंगदरम्यान फखर जमान याचे कौशल्य दिसले नाही. सोशल मीडियावर त्याच्या फिल्डिंगवर आणि एकूणच कामगिरीवर प्रश्नचिन्ह उपस्थितीत करण्यात आले होते. अश्यातच यंदाच्या विश्वचषकात फखर जमानला १५ जणांच्या संघात स्थान मिळाले नाही. मात्र तो राखीव खेळाडू म्हणून संघाशी जोडला जाणार आहे. याशिवाय मोहम्मद हरीश (Mohammad Harish) आणि शाहनवाज दहानी (Sahahnavaz Dahani) हेही राखीव खेळाडू म्हणून संघात सहभागी होणार आहेत.
आशिया कपमधून दुखापतीमुळे बाहेर असलेला पाकिस्तानचा स्टार वेगवान गोलंदाज शाहीन आफ्रिदीने (Shahin Afridi) वर्ल्डकप संघात पुनरागमन केले आहे. याशिवाय त्याचा इंग्लंड कसोटीमध्ये चांगली कामगिरी करणाऱ्या शाम मसाडूचाही १५ सदस्यीय संघात समावेश करण्यात आला आहे. त्याचवेळी आसिफ अली, हैदर अली आणि इफ्तिखार अहमद यांनाही टी-२० विश्वचषकासाठी १५ जणांच्या संघात स्थान देण्यात आले आहे.

असा आहे पाकिस्तानचा संघ :
बाबर आजम ( कर्णधार), शादाब खान (उपकर्णधार), आसीफ अली, हैदर अली, हॅरीस रौफ, इफ्तिखार अहमद, खुशदील शाह, मोहम्मद हस्नैन, मोहम्मद नवाज, मोहम्मद रिझवान, मोहम्मद वासीम, नसीम शाह, शाहीन शाह आफ्रिदी, शान मसूद, उस्मान कादीर.

Web Title: Pakistan squad announced for t20 world cup

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com