‘मुख्यमंत्री योजनादूत’ उपक्रमासाठी अर्ज करण्याची उद्या शेवटची संधी, जाणून घ्या अर्जप्रक्रिया

शासनाच्या विविध योजनांची सर्वसामान्य नागरिकांना माहिती देण्यासाठी  मुख्यमंत्री योजनादूत उपक्रम सुरु करण्यात आला आहे. या उपक्रमासाठी अर्ज करण्याची शेवटची तारीख उद्या शुक्रवार दि. १३ सप्टेंबर २०२४ ही आहे. जाणून घ्या अर्जप्रक्रिया आणि पात्रता निकष

फोटो सौजन्य- iStock

Follow Us:

Follow Us:

शासनाकडून विविध योजना राबविण्यात अनेकदा त्या लोकांपर्यंत योग्य कालावधीत पोहचत नाहीत. अनेकदा त्यांच्याबद्दल योग्य माहिती नसते अथवा अर्जप्रक्रिया नेमकी कळत येत नाही यासाठीच शासन योजनादूताद्वारे लोकांपर्यंत योजना पोहचवणार आहेत. शासनाच्या विविध योजनांची सर्वसामान्य नागरिकांना माहिती देण्यासाठी  मुख्यमंत्री योजनादूत उपक्रम सुरु करण्यात आला आहे. या उपक्रमासाठी अर्ज करण्याची शेवटची तारीख शुक्रवार दि. १३ सप्टेंबर २०२४ ही आहे. इच्छुक उमेदवारांनी www.mahayojanadoot.org या संकेतस्थळावर जाऊन तात्काळ अर्ज करावा, असे आवाहन माहिती व जनसंपर्क महासंचालनालयामार्फत करण्यात आले आहे.

हे देखील वाचा- 76 लाख रुपयांच्या पॅकेजचा गेला जॉब; तरीही ‘ही’ तरुणी खुष, सांगितले हे कारण…

तब्बल ५० हजार योजनादूतांची होणार  निवड 

महाराष्ट्र शासनाच्या माहिती व जनसंपर्क महासंचालनालयामार्फत मुख्यमंत्री योजनादूत उपक्रम राबविण्यात येत आहे. प्रत्येक ग्रामपंचायत पातळीवर एक तर शहरी भागात प्रत्येक पाच हजार लोकसंख्येमागे एक अशा पद्धतीने राज्यात एकूण ५० हजार योजनादूतांची सहा महिन्यांसाठी निवड केली जाणार आहे. या योजनादूतांना दरमहा १० हजार रूपये मानधन दिले जाणार आहे. हे योजनादूत शासनाच्या लोककल्याणकारी योजनांबाबत नागरिकांना माहिती देतील. या उपक्रमासाठी आतापर्यंत १ लाख २० हजारांहून अधिक उमेदवारांनी नोंदणी केली आहे.

हे देखील वाचा- ग्रामीण क्षेत्रातील नागरिकांसाठी लाभदायक; अशा प्रकारे काढता येईल मनरेगा कार्ड

उमेदवारासाठी पात्रता निकष आणि अर्ज प्रक्रिया

• या योजनेत सहभागी होण्यासाठी इच्छुक उमेदवार १८ ते ३५ वयोगटातील असावा,
• उमेदवार कोणत्याही शाखेचा पदवीधर असणे आवश्यक आहे,
• उमेदवाराकडे महाराष्ट्राचे अधिवास प्रमाणपत्र असणे आवश्यक आहे. उमेदवारास संगणक ज्ञान असावे.
• त्याच्याकडे अद्ययावत मोबाईल (स्मार्ट फोन) आणि आधारसंलग्न बँक खाते असणे आवश्यक आहे.

मुख्यमंत्री योजनादूत उपक्रमासाठी केलेला ऑनलाईन अर्ज, आधार कार्ड, पदवी उत्तीर्ण असल्याबाबतची पुराव्यादाखल कागदपत्रे / प्रमाणपत्र इ., अधिवासाचा दाखला. (सक्षम यंत्रणेने दिलेला), उमेदवाराकडे आधार जोडणी असलेल्या बँक खात्याचा पुरावा, पासपोर्ट आकाराचा फोटो, हमीपत्र (ऑनलाईन अर्जासोबतच्या नमुन्यामधील) नियुक्तीवेळी सादर करणे आवश्यक आहे. उद्या शुक्रवार दि.१३ सप्टेंबर २०२४ पर्यंत इच्छुक उमेदवारांना www.mahayojanadoot.org या संकेतस्थळावर नोंदणी करता येईल. योजनादूत पोर्टलवर ज्या उमेदवारांनी नोंदणी केली आहे अशा उमेदवारांनी Apply बटन दाबून अर्ज Submit करायला विसरू नये. तरच नोंदणीची प्रक्रिया पूर्ण होणार आहे. अधिक माहिती शासनाने दिलेल्या www.mahayojanadoot.org या वेबसाईटवर उपलब्ध आहे.

Web Title: Tomorrow is the last chance to apply for mukhyamantri yojandoot initiative know the application process

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com