बाळ जन्मले, पण पुरुष आहे की स्त्री स्पष्ट होईना! मुंबई पालिका क्षेत्रातील रुग्णालयांमध्ये आठ वर्षांत ६८ अंतर्लिंगी नवजात जन्म

मुंबई महापालिकेच्या आरोग्य विभागातील नोंदींनुसार गेल्या काही वर्षांमध्ये अंतर्लिंगी नवजात बाळांच्या जन्माची नोंद झाली आहे. माहिती अधिकारातून मिळालेल्या आकडेवारीनुसार २०१९ ते २०२५ या कालावधीत एकूण ६८ अशा नवजात बाळांच्या जन्माची नोंद करण्यात आली आहे.

मुंबई महापालिकेच्या आरोग्य विभागाच्या नोंदीनुसार, महापालिका क्षेत्रातील रुग्णालयांमध्ये गेल्या काही वर्षांत इंटरसेक्स म्हणजे अंतर्लिंगी नवजात बाळांच्या जन्माची नोंद झाली आहे. माहिती अधिकारातून मिळालेल्या आकडेवारीनुसार २०१९ ते २०२५ या कालावधीत एकूण ६८ अशा नवजात बाळांच्या जन्माची नोंद करण्यात आली आहे. मात्र, या नोंदींचे २४ वॉर्डनिहाय किंवा धर्मनिहाय वर्गीकरण उपलब्ध नसल्याचेही या उत्तरातून समोर आले आहे.(फोटो सौजन्य – istock)

Health Update: तपासण्या वाढूनही स्तन कर्करोगाचा धोका कमी होईना! कामा रुग्णालयात तीन वर्षांत रुग्णसंख्येत ६८ टक्के वाढ

आरटीआय कार्यकर्ते चेतन कोठारी यांनी बीएमसीच्या एफ/दक्षिण विभागाकडे २०२१ ते २०२६ या कालावधीतील अंतर्लिंगी नवजात बाळांच्या जन्माची वर्षनिहाय, २४ वॉर्डनिहाय आणि धर्मनिहाय माहिती मागितली होती. त्यावर महापालिकेच्या सार्वजनिक आरोग्य विभागाने उपलब्ध नोंदीनुसार आकडेवारी दिली आहे. त्यानुसार २०१९ मध्ये २१, २०२० मध्ये १९ आणि २०२१ मध्ये ६ अशा एकूण ४६ जन्मांची नोंद झाली होती. त्यानंतर २०२२ आणि २०२३ मध्ये एकही नोंद नसल्याचे उत्तरात नमूद आहे. मात्र, २०२४ मध्ये १५ आणि २०२५ मध्ये ७, असे आणखी २२ जन्म नोंदविण्यात आले आहेत. त्यामुळे २०१९ ते २०२५ या कालावधीतील एकूण संख्या ६८ वर पोहोचते.

विशेष म्हणजे, अर्जात २४ वॉर्डनिहाय आणि धर्मनिहाय तपशील मागण्यात आला असतानाही महापालिकेच्या उत्तरात केवळ वर्षनिहाय आकडे देण्यात आले आहेत. त्यामुळे अंतर्लिंगी नवजात बाळांच्या जन्माची नोंद महापालिका नेमकी कोणत्या पद्धतीने ठेवते आणि २४ वॉर्डांमध्ये त्याचे वितरण किती आहे, याबाबत प्रश्नचिन्ह निर्माण झाले आहे.

अंतर्लिंगी नवजात जन्म : आकडेवारी

• २०१९: २१
• २०२०: १९
• २०२१: ६
• २०२२: ०
• २०२३: ०
• २०२४: १५
• २०२५: ७

पॉइंटर्स :

• सर्वाधिक नोंद : २०१९ मध्ये २१ जन्म
• २०२२-२३ : एकही जन्म नोंद नाही
• २०२४-२५ : एकूण २२ जन्मांची नोंद

Breastfeeding: C Section नंतर स्तनपान, सुरुवात सोपी होण्यासाठी सोप्या टिप्स

‘गर्भाची वाढ होत असताना लैंगिक विकासाच्या प्रक्रियेत काही जैविक बदल किंवा कमतरता राहिल्यास बाळाच्या जननेंद्रियांची अथवा लैंगिक वैशिष्ट्यांची रचना नेहमीच्या पुरुष किंवा स्त्री वर्गीकरणापेक्षा वेगळी होऊ शकते. अशा स्थितीला इंटरसेक्स असे म्हटले जाते. मात्र, यामागे नेमके एकच कारण नसते. गुणसूत्रे, हार्मोन्स आणि गर्भातील लैंगिक विकासाची प्रक्रिया यांसारख्या विविध घटकांचा त्यात सहभाग असू शकतो. त्यामुळे इंटरसेक्स असणे ही कोणाचीही चूक नसून, ही जन्मजात जैविक स्थिती आहे, अशी माहिती डॉ. रजत कपूर, प्लास्टिक सर्जरी विभाग, जे. जे. रुग्णालय यांनी दिली आहे.