Apple Kheer Recipe: नवरात्रीच्या उपवासासाठी घरीच बनवा मलाईदार सफरचंदाची खीर! जाणून घ्या सोपी आणि चविष्ट रेसिपी

Apple Kheer Recipe: देवीच्या नैवेद्यासाठी कायमच तेच ठरावीक पदार्थ बनवण्याऐवजी सोप्या पद्धतीमध्ये तयार होणारी मलाईदार सफरचंदाची खीर बनवावी. हा पदार्थ कमीत कमी साहित्यात झटपट तयार होतो.

Apple Kheer Recipe: नवरात्री उत्सवाला सुरुवात झाल्यानंतर सगळीकडे आनंद आणि उत्साहाचे वातावरण असते. आनंदाच्या दिवसांमध्ये घरात गोडाचे विविध पदार्थ बनवले जातात. शेवयांची खीर, तांदळाची खीर तर कधी पुरणपोळी सुद्धा बनवली जाते. पण देवीच्या नैवेद्यात तेच ठराविक पदार्थ बनवण्याऐवजी सोप्या पद्धतीमध्ये सफरचंद खीर बनवावी. बाजारात कायमच सफरचंद उपलब्ध असतात. कमीत कमी साहित्यात झटपट तयार होणारा पदार्थ बनवायला सगळ्यांचं आवडत. त्यामुळे नवरात्रीच्या नऊ दिवसांमध्ये देवीच्या नैवेद्यासाठी सफरचंद खीर नक्कीच बनवून पहा. बऱ्याचदा दुधात सफरचंद टाकल्यास ते दूध लगेच फुटून जाते. त्यामुळे खीर बनवताना सगळ्यात शेवटी मिश्रणात सफरचंद टाकावे. चला तर जाणून घेऊया सफरचंद खीर बनवण्याची सोपी रेसिपी.(फोटो सौजन्य – pinterest)

Navratri 2026: तेलकट पदार्थ खाऊन लगेच ॲसिडीटी होते? मग झटपट बनवा उपवासाचे खंमग थालीपीठ, दिवसभर पोट राहील भरलेले

साहित्य:

• सफरचंद
• दूध
• वेलची पावडर
• काजू, बदाम
• साखर
• तूप
• केशर
• पिस्ता

Navratri 2026: नवरात्रीच्या उपवासासाठी सोप्या पद्धतीमध्ये घरी बनवा पौष्टिक राजगिरा लाडू! नोट करा कमी साहित्यात तयार होणारी रेसिपी

कृती:

• दाटसर स्वादिष्ट सफरचंद खीर बनवण्यासाठी सर्वप्रथम, सफरचंदची साल काढून बारीक किसून घ्या.
• कढईमध्ये १ लिटर दूध गरम करण्यासाठी ठेवा. दुधाला उकळी आल्यानंतर गॅस मंद आचेवर करून ठेवावा.
• त्यानंतर चमच्याने दूध सतत मिक्स करत राहा. जेणेकरून दूध कढईला चिकटणार नाही.
• दूध आटल्यानंतर तयार वेलची पावडर, केशर काड्या घालून व्यवस्थित मिक्स करा.
• दुसऱ्या कढईमध्ये तूप गरम करून त्यात किसून घेतलेले सफरचंद आणि साखर घालून मिक्स करा. साखर पूर्णपणे विरघळल्यानंतर शिजवलेले मिश्रण थंड होण्यासाठी ठेवा.
• सफरचंदामधील पाणी पूर्णपणे आटवून टाकावे. तयार केलेल्या घट्टसर दुधात सफरचंदाचे मिश्रण घालून व्यवस्थित मिक्स करा.
• त्यानंतर वरून बारीक चिरून घेतलेले काजू, बदाम, पिस्त्याचे तुकडे घाला आणि मिक्स करा.
• तयार आहे झटपट बनवलेली चविष्ट सफरचंद खीर. लहान मुलांसह सगळेच आवडीने खातील.