Ashadhi Ekadashi 2026 : आषढीचा उपवास करताय? हलक्या भूकेसाठी घरी बनवून ठेवा ‘साबुदाण्याचा चिवडा’

Sabudana Chivda Recipe : साबुदाण्याची खिचडीच काय तर साबुदाण्याचा चिवडाही चवीला लागतो मजेदार. एकदाच बनवून तुम्ही महिनाभर याला साठवून ठेवू शकता.

• आषाढी एकादशीनिमित्त तुमच्यासाठी खास रेसिपी.
• उपवासाचे पदार्थ खाऊन पोट भरत नसेल तर साबुदाण्याचा चिवडा बनवा.
• ही रेसिपी फार सोपी आणि झटपट आहे.

आषाढी एकादशी हा महाराष्ट्रातील सर्वात महत्त्वाच्या आणि भक्तिभावाने साजरा होणाऱ्या सणांपैकी एक आहे. या दिवशी अनेक भाविक उपवास करून भगवान विठ्ठलाची भक्ती करतात. उपवासाच्या दिवशी शरीराला ऊर्जा मिळावी आणि पोट हलके राहावे म्हणून साबुदाण्यापासून बनवलेले विविध पदार्थ आवर्जून खाल्ले जातात. साबुदाणा खिचडी, वडा आणि थालीपीठ यांच्याबरोबरच साबुदाणा चिवडा हा देखील अत्यंत चविष्ट, कुरकुरीत आणि दीर्घकाळ टिकणारा पदार्थ आहे.

Ashadhi Ekadashi 2026 : आषाढी-एकादशीच्या उपवासाला घरी बनवा मखान्यांचा कुरकुरीत डोसा, रेसिपी आहे फार क्वीक

साबुदाणा चिवडा हा एकदा करून ठेवला की अनेक दिवस सहज वापरता येतो. सकाळच्या नाश्त्यासाठी, संध्याकाळच्या फराळासाठी किंवा प्रवासात सोबत नेण्यासाठी हा उत्तम पर्याय ठरतो. अगदी कमी वेळात तयार होणारा हा पदार्थ उपवासात पोटभर आणि समाधानकारक
आनंद देतो.

साहित्य

• 2 कप साबुदाणा
• 1 कप शेंगदाणे
• 8 ते 10 बटाट्याचे पातळ काप
• 5 ते 6 हिरव्या मिरच्या (उभ्या चिरलेल्या)
• 10 ते 12 कढीपत्त्याची पाने (उपवासात वापरत असल्यास)
• 1 टीस्पून जिरे
• ½ टीस्पून साखर
• चवीनुसार सैंधव मीठ
• तळण्यासाठी तूप किंवा शेंगदाणा तेल

Recipe : व्हेज खाण्याऱ्यांसाठी पर्वणी, घरीच बनवा रेस्टाॅरंट स्टाईल ‘मलाई पनीर टिक्का’, रेसिपी नोट करा

कृती

• कढईत तूप किंवा तेल गरम करून साबुदाणा थोडा-थोडा घालून फुलून कुरकुरीत होईपर्यंत तळा. तळलेला साबुदाणा टिश्यू पेपरवर काढून ठेवा.
• त्याच तेलात शेंगदाणे सोनेरी रंग येईपर्यंत तळून घ्या. नंतर अतिरिक्त तेल निथळून बाजूला ठेवा.
• बटाट्याचे पातळ काप कुरकुरीत होईपर्यंत तळा. यामुळे चिवड्याला अधिक स्वाद आणि छान टेक्स्चर मिळते.
• थोडे तेल ठेवून त्यात जिरे, हिरव्या मिरच्या आणि कढीपत्ता हलके परतून घ्या. मिरच्यांचा कच्चेपणा जाईपर्यंत परतल्यास चव अधिक खुलते.
• मोठ्या भांड्यात तळलेला साबुदाणा, शेंगदाणे, बटाट्याचे काप, परतलेले जिरे-मिरच्या एकत्र करा.
• त्यात सैंधव मीठ आणि साखर घालून हलक्या हाताने सर्व साहित्य एकजीव करा. साबुदाणा तुटणार नाही याची काळजी घ्या.
• साबुदाणा चिवडा पूर्णपणे थंड झाल्यावर हवाबंद डब्यात भरून ठेवा. उपवासाच्या फराळात दही, ताक किंवा
• गरम चहासोबत हा कुरकुरीत चिवडा सर्व्ह करा.