४५ अंशांचे हाड कापले अन् पाठ सरळ! अँकायलोझिंग स्पॉन्डिलायटिसने वाकलेल्या तरुणाला नवजीवन
गेल्या सहा वर्षांपासून पाठदुखी आणि वाढत्या ताठरपणामुळे अक्षरशः धनुष्याप्रमाणे पुढे वाकलेल्या ३२ वर्षीय तरुणाची पाठ जे.जे. रुग्णालयातील डॉक्टरांनी पुन्हा सरळ केली. अँकायलोझिंग स्पॉन्डिलायटिसमुळे मणक्यांची हालचाल पूर्णपणे बंद झालेल्या या तरुणाच्या कंबरेच्या मणक्यातून तब्बल ४५ अंशांचा त्रिकोणी हाडाचा तुकडा काढून मणका सरळ करण्यात आला. सुमारे सात ते आठ तासांच्या गुंतागुंतीच्या शस्त्रक्रियेनंतर तो पुन्हा ताठ उभा राहून चालू लागला आहे.(फोटो सौजन्य – istock)
हिंगोली येथील शिवराज महादेव जवने याला २०२० पासून पाठदुखीचा त्रास सुरू झाला. सुरुवातीला त्याने त्याकडे दुर्लक्ष केले. मात्र, वेदना आणि ताठरपणा वाढत गेल्याने २०२१ मध्ये अँकायलोझिंग स्पॉन्डिलायटिसचे निदान झाले. मणका हळूहळू पुढे वाकत गेल्याने २०२२ मध्ये त्याला बँकेतील नोकरी सोडावी लागली. पुढे कमरेखालील सांध्यावरही ताण आल्याने २०२५ मध्ये त्याच्यावर हिप रिप्लेसमेंट करण्यात आले.
यानंतर मणक्याच्या विकृतीवर उपचारासाठी तो जे. जे. रुग्णालयात दाखल झाला. १५ जुलैला दाखल झाल्यानंतर १७ जुलैला शस्त्रक्रिया करण्यात आली. गंभीर वक्रतेमुळे रुग्णाला ऑपरेशन टेबलवर झोपवणेही आव्हानात्मक होते. विशेष पद्धतीने त्याला झोपवल्यानंतर कंबरेच्या मणक्यातून ४५ अंशांचा हाडाचा तुकडा काढण्यात आला.
त्यानंतर मणका सरळ करून रॉड आणि स्क्रूच्या साहाय्याने स्थिर करण्यात आला. डॉ. धीरज सोनवणे यांच्या नेतृत्वाखालील पथकाने ही शस्त्रक्रिया केली. २३ जुलैला शिवराजला डिस्वार्ज देण्यात आला असून फिजिओथेरपी सुरू आहे. ॲकायलोझिंग 66 स्पॉन्डिलायटिसचे वेळेत निदान आणि उपचार न झाल्यास मणका पुढे वाकत जातो. विकृती वाढल्यास शस्त्रक्रियेतील जोखीमही वाढते, अशी माहिती डॉ. धीरज सोनवणे, अस्थिरोग व स्पाइन तज्ज्ञ, जे. जे. रुग्णालय यांनी दिली आहे.
Ans: अँकायलोझिंग स्पॉन्डिलायटिस हा मणक्यांवर परिणाम करणारा दीर्घकालीन दाहक आजार आहे. यामुळे पाठदुखी, कडकपणा आणि काही रुग्णांमध्ये मणका वाकण्यासारखी समस्या होऊ शकते.
Ans: दीर्घकाळ दाह राहिल्यास मणक्यांमधील सांधे आणि अस्थिबंधने कडक होऊन मणके एकमेकांशी जोडले जाऊ शकतात. त्यामुळे मणक्याची लवचिकता कमी होऊन पुढे वाकलेली स्थिती निर्माण होऊ शकते.
Ans: हा दीर्घकालीन आजार आहे. औषधे, फिजिओथेरपी, व्यायाम आणि आवश्यकतेनुसार शस्त्रक्रिया यामुळे लक्षणे आणि गुंतागुंत नियंत्रित करण्यास मदत होऊ शकते.
.png "Videos"){kind=small}
