काखेत कायमच वेदना होतात? ब्रेस्ट कॅन्सरच्या 'या' लक्षणांकडे अजिबात करू नका दुर्लक्ष
स्तनांच्या कॅन्सरची लक्षणे?
स्तनांचा कॅन्सर कशामुळे होतो?
कॅन्सर होऊ नये म्हणून कोणती काळजी घ्यावी?
जगभरात कॅन्सरच्या रुग्णांची संख्या झपाट्याने वाढत आहे. जेवढ्या लवकर या आजाराचे निदान होईल तितक्याच लवकर उपचार करून आजार बरा करण्यास मदत होते. शरीराला कॅन्सरसारख्या गंभीर आजाराची लागण झाल्यानंतर शारीरिक आणि मानसिक आरोग्य पूर्णपणे बिघडून जाते. कॅन्सर झाल्यानंतर सुरुवातीच्या दिवसांमध्ये अतिशय सामान्य लक्षणे दिसून येतात. या लक्षणांकडे दुर्लक्ष केल्यामुळे हा आजार आणखीनच गंभीर स्वरूप घेतो. शरीरात कॅन्सरच्या पेशी वाढल्यामुळे उपचार करणे काहीवेळा कठीण होऊन जाते. वेळीच उपचार न झाल्यास रुग्णांचा मृत्यू होण्याची शक्यता असते. त्यामुळे शरीराला कोणत्याही गंभीर आजाराची लागण झाल्यास तातडीने उपचार करावेत.(फोटो सौजन्य – istock)
स्तनाचा कॅन्सर झाल्यानंतर सुरुवातीला अतिशय सामान्य वाटणारी लक्षणे दिसू लागतात. ही गाठ अजिबात जाणवत सुद्धा नाही. पण कालातंराने गाठ हळूहळू मोठी झाल्यानंतर स्तनांमध्ये तीव्र वेदना जाणवू लागतात. या वेदना काहीवेळा अतिशय तीव्र असू शकतात. त्यामुळे महिलांनी स्वतःच्या आरोग्याची खूप जास्त काळजी घ्यावी. आज आम्ही तुम्हाला ब्रेस्ट कॅन्सर झाल्यानंतर शरीरात कोणती लक्षणे दिसू लागतात? याबद्दल सविस्तर माहिती सांगणार आहोत. ही लक्षणे दिसू लागल्यास कोणत्याही क्षणाचा विलंब न करता तातडीने डॉक्टरांचा सल्ला घेऊन उपचार करावेत.
स्तनांमध्ये कॅन्सरची गाठ झाल्यानंतर सुरुवातीला ती अतिशय नाजूक असते, ज्याचा अजिबात शरीरावर परिणाम दिसून येत नाही. पण कालातंराने पेशी वाढल्यामुळे गाठ मोठी होत जाते आणि स्तनांमध्ये वेदना वाढतात. स्तनाच्या त्वचेवर सुरकुत्या किंवा स्तनांचा रंग लालसर, स्तन सुजल्यासारखे वाटल्यास तातडीने डॉक्टरांच्या सल्ल्याने उपचार करावेत. तसेच स्तनांमधील कोणतेही एक नेहमीपेक्षा जड झाल्यासारखे जाणवत असेल तर चाचणी करून घ्यावी. वारंवार त्वचेवरील खडबडीतपणा आणि खाज इत्यादी गोष्टींकडे अजिबात दुर्लक्ष करू नये.
स्तनांमध्ये कॅन्सरच्या गाठीची वाढ झाल्यानंतर स्त्राव निघण्याची शक्यता असते. शरीरात होणाऱ्या हार्मोनल बदलांचा परिणाम दोन्ही स्तनांवर दिसून येतो. पण कॅन्सरची गाठ वाढल्यानंतर कोणत्याही एका स्तनातून रक्तस्त्राव किंवा चिकट पाणी येण्याची शक्यता असते. स्तनांमधून रक्त आल्यास वेळीच डॉक्टरांच्या सल्ल्याने उपचार करावेत.
स्तनांचा कॅन्सर झाल्यानंतर काखेत वेदना होण्याची जास्त शक्यता असते. स्तनामध्ये गाठ येण्याच्या अगोदर कॉलरबोन किंवा काखेत गाठी येते. या वेदना सुरुवातीला अतिशय सामान्य असतात, पण कालातंराने वेदना खूप जास्त तीव्र होतात आणि स्तनांचे गंभीर नुकसान होते. याशिवाय कॅन्सर झाल्यानंतर झपाट्याने वजन कमी होणे, मासिक पाळीत जास्त रक्तस्त्राव, पोट फुगल्यासारखे वाटणे इत्यादी लक्षणे दिसू लागतात.
Ans: काखेत वेदना होण्यामागे स्नायूंचा ताण, इन्फेक्शन किंवा लिम्फ नोड्सची सूज अशी कारणे असू शकतात. काही वेळा हे गंभीर आजाराचे लक्षणही असू शकते.
Ans: जर काखेत सतत वेदना, सूज, गाठ किंवा इतर लक्षणे दिसत असतील तर त्वरित डॉक्टरांकडे जावे.
Ans: नाही, सर्वच वेळा ती गंभीर नसते. पण दीर्घकाळ टिकल्यास तपासणी करणे आवश्यक आहे.
.png "Videos"){kind=small}
