सतत गोड पदार्थ खाण्याची क्रेव्हिंग होते? अतिसाखरेचे सेवन केल्यास चेहरा पडू शकतो काळा, दिसू लागतील सुरकुत्या

अतिप्रमाणात साखरेचे सेवन केल्यामुळे चेहऱ्यावर सुरकुत्या वाढण्यासोबतच त्वचा काळी सुद्धा पडते. त्यामुळे आहारात कमीत कमी प्रमाणात साखरेचे सेवन करावे.चला तर जाणून घेऊया अतिप्रमाणात साखर खाल्ल्यास शरीर आणि चेहऱ्यावर होणारे परिणाम.

प्रत्येकाला आपण नेहमीच सुंदर दिसावं असं वाटतं. होय ना? कमी वयात चेहऱ्यावर सुरकुत्या कोणालाच नको असतात. पण तुम्हाला माहित्ये का? त्वचेची चमक केवळ चेहऱ्यावर लावलेल्या उत्पादनांवरच नाही, तर आहारावरही अवलंबून असते. चुकीच्या आहारामुळे चेहऱ्याची चमक कमी होऊ शकते. विशेषतः साखरेचे अतिसेवन त्वचेसाठी अत्यंत हानिकारक आहे. याचा नक्की कसा परिणाम होतो हेच आज आपण व्हिडिओतून जाणून घेऊया.(फोटो सौजन्य – istock)

विकतच्या कंडिशनरची अजिबात भासणार नाही गरज! मऊसूत केसांसाठी घरीच तयार करा जास्वदींच्या फुलांचे नॅचरल कंडिशनर

लोक दररोज चहापासून कॉफीपर्यंत बऱ्याच पदार्थांमधून साखर पोटात जात असते. इतकंच काय सतत गोड खाण्याचे क्रेव्हिंगही अनेकांना होत असते. पण साखरेच्या सेवनाने डाग आणि सुरकुत्यांचा धोका वाढतो. गोड पदार्थ चविष्ट असतात, पण ते त्वचेसाठी अत्यंत हानिकारक आहेत. साखरेच्या अतिसेवनामुळे सूज, डाग आणि पुरळ येऊ शकते.

See more

 

साखरेच्या अतिसेवनाचे त्वचेवरील हानिकारक परिणाम जाणून घेऊया:

• जास्त साखर खाल्ल्याने रक्तातील साखरेची पातळी अचानक वाढू शकते. यामुळे सेबमचे (sebum) उत्पादन वाढते, ज्यामुळे पिंपल्स आणि मुरुमे येऊ शकतात.
• याशिवाय साखरेचा ग्लायसेमिक इंडेक्स (glycemic index) जास्त असतो, ज्यामुळे शरीरातील सूज वाढते.
• जेव्हा आपण जास्त साखर खातो, तेव्हा शरीरातील रक्तातील साखरेची पातळी लक्षणीयरीत्या वाढते. यामुळे इन्सुलिन रेझिस्टन्स (insulin resistance) निर्माण होतो. यामुळे त्वचेतील कोलेजन (collagen) कमी होते. यामुळे सुरकुत्या येतात.

साखर सेवनाचे त्वचेवरील परिणाम नक्की काय होतात?

• गाल आणि कपाळावर हलक्या सुरकुत्या
• हनुवटी आणि जबड्याजवळील त्वचा निघणे
• चेहऱ्यावर लालसरपणा आणि मुरुमे
• त्वचेवरील छिद्रे दिसू लागणे

आरोग्य सेवेसाठी पालिकेचा वैद्य AI चॅटबॉट! घराजवळच उपलब्ध असलेल्या रुग्णालयासह उपचाराची माहिती होणार उपलब्ध

अशावेळी त्वचेची काळजी कशी घ्यावी तेदेखील जाणून घेऊया:

तुम्हाला सतत जर गोड खाण्याचे क्रेव्हिंग असेल आणि त्यामुळे त्वचा खराब होत असेल तर तुमची त्वचा सुधारण्यासाठी, साखरेचे सेवन मर्यादित करा. जर तुम्हाला गोड खाण्याची आवड असेल, तर नैसर्गिक साखर किंवा स्वीटनर्स वापरा. ​​याव्यतिरिक्त, सकस आहार घ्या आणि भरपूर पाणी प्या. यामुळे चेहऱ्यावर सुरकुत्या येण्याचे प्रमाण कमी होईल. तुम्हीही सतत गोड खात असाल तर आताच याचं प्रमाण कमी करा.