फराह खानची फेव्हरेट डिश ‘यखनी पुलाव’ ची सोपी रेसिपी, खवय्यांच्या जिभेवर विरघळते याची चव

Yakhni Pulao Recipe : हिंदी सिनेश्रुष्टीतील फेमस दिग्दर्शक फराह खान यांच्या खाद्यप्रेमाबद्दल सर्वांनाच ठाऊक आहे. त्यांच्या आवडीच्या पदार्थाची रेसिपी आज आपण जाणून घेणार आहोत.

भारतीय खाद्यसंस्कृतीमध्ये बिर्याणी आणि पुलाव यांना एक वेगळंच स्थान आहे. जेवणाच्या टेबलावर बिर्याणी आली की सगळे खुश होतात, पण पुलावाची चव हीदेखील तितकीच खास आहे. बिर्याणी मसालेदार, जडसर आणि तेलकट असते, तर पुलाव थोडासा सौम्य, सुगंधी आणि हलका वाटतो. यामध्ये वापरले जाणारे मसाले, भात आणि मांस किंवा भाज्या एकत्र येऊन जी अप्रतिम चव निर्माण करतात, ती खवय्यांच्या जिभेवर कायमची ठसते.

गल्ली गल्लीत फेमस असा ‘जीनी डोसा’ घरी कसा तयार करायचा? याची मसालेदार अन् चिजी चव मन खुश करून टाकेल

यखनी पुलाव हा असाच एक खास प्रकार आहे, जो काश्मिरी पाककृतीतून आला आहे. “यखनी” म्हणजे सुगंधी मांसाचा रस्सा. यात मांसाला हळुवार शिजवून त्यातून तयार झालेल्या स्टॉकमध्ये भात शिजवला जातो. यामुळे भाताला अप्रतिम स्वाद आणि मांसाची खरी चव मिळते. यखनी पुलाव जास्त मसालेदार नसतो, पण त्याचा सुगंध आणि चव अतिशय श्रीमंती असते. फिल्म इंडस्ट्रीतल्या लोकांची खाद्यप्रेमी बाजू आपण नेहमीच ऐकतो. त्यात फराह खान या केवळ सिनेमॅकरच नाहीत तर उत्तम स्वयंपाक करणाऱ्या गृहिणी म्हणूनही प्रसिद्ध आहेत. त्यांच्या स्टाईलमध्ये बनवलेला यखनी पुलाव हा घरगुती साधेपणासोबत स्टारडमची चव आणतो. मसाल्यांचा बेत, मांसाचे योग्य शिजवणे आणि भाताची परफेक्ट टेक्स्चर ही या डिशची खासियत आहे. चला तर मग जाणून घेऊया यासाठी लागणारे साहित्य आणि कृती.

साहित्य

• बासमती तांदूळ – २ कप (अर्धा तास भिजवलेले)
• चिकन/मटण – ५०० ग्रॅम
• कांदा – २ (बारीक कापलेले)
• आलं-लसूण पेस्ट – २ टीस्पून
• हिरवी मिरची – ३ (चिरलेली)
• दही – ½ कप
• तमालपत्र – २
• दालचिनी – १ तुकडा
• वेलची – ३
• लवंग – ४
• मिरी – ५-६ दाणे
• कोथिंबीर आणि पुदिना – मूठभर (बारीक चिरलेले)
• मीठ – चवीनुसार
• तूप/तेल – ३ टेबलस्पून
• पाणी – अंदाजे ३-४ कप

दिवाळीनिमित्त घरी बनवा चविष्ट आणि कुरकुरीत मखाण्यांचा चिवडा, १५ मिनिटांमध्ये तयार होईल पदार्थ

कृती

• यासाठी सर्वप्रथम कुकरमध्ये तेल/तूप गरम करून त्यात तमालपत्र, दालचिनी, वेलची, लवंग, मिरी टाका. त्यात आलं-लसूण पेस्ट, कांदा आणि हिरवी मिरची घालून परता.
• त्यात चिकन/मटण टाकून हलके सोनेरी होईपर्यंत परतून घ्या.
• फेटलेले दही, मीठ आणि थोडे पाणी घालून झाकण लावून मांस मऊ होईपर्यंत शिजवा. यामुळे यखनी (स्टॉक) तयार होईल.
• दुसऱ्या भांड्यात तूप गरम करून त्यात भिजवलेला बासमती भात टाकून हलके परतून घ्या.
• भातावर तयार यखनी (मांसाचा रस्सा) घाला. आवश्यक असल्यास पाणी वाढवा.
• वरून चिरलेली पुदिना आणि कोथिंबीर शिंपडा. झाकण ठेवून मंद आचेवर शिजवा.
• भात मोकळा शिजल्यावर गरमागरम यखनी पुलाव रायता किंवा सॅलडसोबत सर्व्ह करा.
• मटण वापरत असाल तर थोडा वेळ जास्त शिजवावा लागेल.
• पुलाव खूप मसालेदार न करता सौम्य ठेवला की खरी यखनीची चव खुलते.
• दही नीट फेटून घ्यावे म्हणजे ते फाटत नाही.