शुक्रवार, 21 ऑगस्ट 2026
Health Tips: मेहंदीच्या हाताने जेवणं खरंच धोकादायक? (फोटो सौजन्य- सोशलमीडिया)
Eating After Applying Mehendi: श्रावण आला की सणांची चाहूल लागते आणि त्यासोबत हातावर मेंहदी काढण्याची लगबगही सुरु होते. लग्न असो, मंगळागौर असो किंवा एखादा खास कार्यक्रम मेंहदीशिवाय हा आनंद अपुरा वाटतो. पण मेंहदी काढल्यानंतर एक छोटासा प्रश्न अनेकांच्या मनात येतो. या हाताने जेवण केलं तर काही त्रास होतो का? Health Tips:
खरी आणि नैसर्गिक मेहंदी हिना या वनस्पतीच्या पानांपासून तयार केली जाते. साधारणपणे शुद्ध मेंहदीच्या त्वचेवर वापर केल्याने मोठा धोका निर्माण होत नाही. त्यामुळे केवळ हातावर नैसर्गिक मेहंदी आहे, म्हणून जेवन केल्याने आजार होतो, असं सरसकट म्हणता येणार नाही.
मात्र इथे एक महत्त्वाची गोष्ट आहे. बाजारात मिळणारी प्रत्येक मेहंदी नैसर्गिक असेलच असं नाही. मेहंदीचा रंग पटकन यावा आणि तो अधिक गडद दिसावा यासाठी काही उत्पादनांमध्ये रसायनांचा वापर केला जातो. त्यामुळे हातावर काय लावलं जात आहे, हे समजून घेणं महत्त्वाचं ठरतं.
मेहंदी जेवढी काळी रंगते तेव्हीच ती जास्त सुंदर वाटते. अश्यासाठी मुली अनेकवेळा बाजारातून काळी रंगणारी मेहंदी आणतात. मात्र या मेहंदीमध्ये PPD (Para-phenylenediamine) सारखी रसायने असतात. जे त्वचेवर तीव्र प्रतिक्रिया दिसू शकतात.
अनेकदा मेहंदी लावल्यानंतर खाज सुटणे, लाल चट्टे येणे, त्वचा जळजळणे, सूज येणे, उठणे अशी लक्षणे दिसतात. याकडे आपण दुर्लेक्ष करतात, मात्र आपण याकडजे दुर्लेक्ष करु नये. नेहमी कोणतीही एका प्रकारची मेहंदी वापरावी. अशा रासायनिक मेहंदीचा हाताने अन्नाशी वारंवार संपर्क होत असेल, तर स्वच्छतेचा प्रश्नही निर्माण होतो.
हातावर मेहंदी असताना जेवण केल्यामुळेच अन्नातून विषबाधा होते, असं नाही. अनेकदा समस्या हात स्वच्छ न धुतल्यामुळे निर्माण होते.
मेहंदी सुकत असताना तिच्यावर धूळ बसू शकते. त्यातच आपण दिवसभर अनेक वस्तूंना हात लावतो. मोबाईल, दरवाजाचे हँडल, पैसे, टेबल किंवा इतर वस्तूंवर असलेले जंतू हाताला लागू शकतात. हात व्यवस्थित न धुता जेवण केल्यास हे जंतू अन्नासोबत शरीरात जाऊ शकतात.
यामुळे पोटदुखी, उलटी, जुलाब किंवा पोट बिघडण्यासारखे त्रास होऊ शकतात. त्यामुळे ‘मेहंदी लावली म्हणून आजार झाला’ असा निष्कर्ष काढण्यापेक्षा हातांची स्वच्छता किती आहे, हे पाहणं गरजेचं आहे.
मेहंदी काढल्यानंतर लगेचच हाताने जेवण्याची घाई करू नका. मेहंदी पूर्णपणे सुकू द्या आणि हात स्वच्छ ठेवण्याचा प्रयत्न करा. जेवण्याआधी साबण आणि स्वच्छ पाण्याने हात धुणं हा सर्वात सोपा आणि महत्त्वाचा उपाय आहे.
बोटांच्या मधला भाग, नखांच्या आसपासची जागा आणि तळहात व्यवस्थित स्वच्छ करायला विसरू नका. मेहंदीचा रंग पूर्णपणे निघालेला नसेल तरी स्वच्छतेकडे दुर्लक्ष करू नये.
स्वयंपाक करताना मेहंदीचा ओला भाग अन्नाला लागू नये, याचीही काळजी घ्या. विशेषतः मेहंदी नुकतीच लावलेली असेल तर थेट अन्न हाताळण्याऐवजी शक्य असल्यास दुसऱ्या व्यक्तीची मदत घ्यावी.
मेहंदी लावल्यानंतर त्वचेवर सतत खाज, जळजळ, सूज, लालसरपणा किंवा फोड दिसत असतील, तर घरगुती उपाय करत बसण्यापेक्षा डॉक्टरांचा सल्ला घेणं योग्य ठरेल.
Stuffed Shimla Mirchi Recipe : भाजी खाऊन कंटाळा आला? घरी बनवा गावराण स्टाईन भरलेली शिमला मिरची
थोडक्यात सांगायचं तर, शुद्ध नैसर्गिक मेहंदी आणि स्वच्छ हात यामध्ये मोठी अडचण नसते. मात्र रसायनयुक्त मेहंदी, विशेषतः संशयास्पद ‘ब्लॅक मेहंदी’, वापरताना सावध राहणं गरजेचं आहे. सणाचा आनंद घेताना हातावरची मेहंदी सुंदर दिसणं महत्त्वाचं आहेच; पण तिच्यासोबत स्वच्छता आणि सुरक्षिततेची काळजी घेणं त्याहून महत्त्वाचं आहे.
