रविवार, 1 नोव्हेंबर 2026
Raj Thackeray : 'जब दीप जले आना'च्या सुरांनी रंगली दिवाळी संध्या; राज ठाकरे यांच्या हस्ते अशोक पत्कींचा सन्मान, सौजन्य : सोशल मीडिया
या संगीत मैफलीत सुप्रसिद्ध गायक नचिकेत देसाई, माधुरी करमरकर आणि केतकी भावे-जोशी यांनी लोकप्रिय हिंदी आणि मराठी गीते सादर केली. त्यांच्या सुरेल सादरीकरणाने उपस्थित रसिकांना मंत्रमुग्ध केले. जुन्या गाण्यांच्या आठवणींना उजाळा देणाऱ्या या संगीतप्रवासाचा रसिकांनी मनमुराद आनंद लुटला.
कार्यक्रमाचे उत्कृष्ट नियोजन, सुयोग्य व्यवस्था आणि एकूणच आयोजनाबद्दल उपस्थितांनी आयोजकांचे विशेष कौतुक केले. कार्यक्रमाचे सूत्रसंचालन मयुरेश साने यांनी केले.
या कार्यक्रमाचे विशेष आकर्षण म्हणजे ज्येष्ठ संगीतकार आणि संगीत दिग्दर्शक अशोक पत्की यांचा करण्यात आलेला विशेष सत्कार. शिवाजी पार्क जिमखान्याचे सदस्य असलेल्या पत्की यांचा महाराष्ट्र नवनिर्माण सेनेचे अध्यक्ष राज ठाकरे यांच्या हस्ते गौरव करण्यात आला.
मराठी चित्रपटसृष्टी, नाट्यसृष्टी, दूरचित्रवाणी आणि जाहिरात क्षेत्रातील संगीतासाठी अशोक पत्की यांनी दिलेल्या उल्लेखनीय योगदानाबद्दल त्यांचा सन्मान करण्यात आला.
या कार्यक्रमाला विविध क्षेत्रांतील मान्यवर उपस्थित होते. यामध्ये राज ठाकरे, माजी क्रिकेटपटू प्रवीण आमरे आणि लोकमतचे संपादक अतुल कुलकर्णी यांच्यासह शिवाजी पार्क जिमखान्याचे अनेक सदस्य सहभागी झाले होते. दरम्यान, शिवाजी पार्क जिमखान्याच्या वतीने दरवर्षी दिवाळीच्या आधी व दिवाळीच्या काळात विविध उपक्रम राबवले जातात. शिवाजी पार्क जिमखान्याचे अनेक मान्यवर मंडळी ही सदस्य देखील आहेत.
एसटीच्या NCMC कार्ड सवलतीच्या नावाखाली प्रवाशांची लूट; श्रीरंग बरगे यांचा संतप्त आरोप
Ans: शिवाजी पार्क जिमखान्यातर्फे (SPG) या विशेष संगीत मैफलीचे आयोजन करण्यात आले होते.
Ans: नचिकेत देसाई, माधुरी करमरकर आणि केतकी भावे-जोशी यांनी हिंदी आणि मराठी सदाबहार गीते सादर केली.
Ans: मराठी चित्रपट, नाटक, दूरचित्रवाणी आणि जाहिरात क्षेत्रातील संगीतासाठी दिलेल्या उल्लेखनीय योगदानाबद्दल त्यांचा गौरव करण्यात आला.
