Food Recipe: भाजी- आमटी बनवण्याचा कंटाळा आला आहे? मग ५ मिनिटांमध्ये बनवा चविष्ट दही तडका, नोट करा रेसिपी

Food Recipe: जेवणानंतर वाटीभर दही खाण्याचा सल्ला कायमच दिला. पण नेहमीच साधं दही खाऊन कंटाळा आल्यास दह्याला या पद्धतीने फोडणी देऊन दही तडका बनवू शकता. चला तर जाणून घेऊया रेसिपी.

Food Recipe: दुपारच्या जेवणात नेहमी नेहमी काय बनवावे सुचत नाही. भाजी, आमटी, डाळ, कढी खाऊन कंटाळा आल्यानंतर काहींकाही नवीन पदार्थ खाण्याची सगळ्यांच खूप जास्त ईच्छा होते. अशावेळी तुम्ही दुुपारच्या जेवणासाठी दही तडका बनवू शकता. कामाच्या धावपळीमध्ये स्वयंपाक बनवण्यासाठी जास्त वेळ मिळत नाही. त्यामुळे सध्या दह्याला या पद्धतीने फोडणी देऊन जेवणात काहीतरी वेगळे बनवू शकता. दह्याची आंबटसर चव आणि लाल तिखट मसाल्यांची फोडणी देऊन बनवलेला पदार्थ भात, पोळी किंवा पराठ्यासोबत छान लागतो. रोजच्या जेवणात कायमचं तेच ठराविक पदार्थ बनवून खाण्याऐवजी दह्याला फोडणी द्यावी. उन्हाळ्यात किंवा गरम हवामानात दही अतिशय आवडीने खाल्ले जाते. कमीत कमी साहित्यात झटपट बनवलेला पदार्थ सगळ्याचं खूप जास्त आवडेल.(फोटो सौजन्य – pinterest)

Recipe : रात्रीच्या जेवणाचा बेत बनवा खास, नोट करा सोयाबीन-मशरुम बिर्याणी; चव अशी की कुटुंबातील सर्वच होतील खुश

साहित्य:

• दही
• कांदा
• कोथिंबीर
• टोमॅटो
• लाल तिखट
• हळद
• मीठ
• लसूण
• तेल
• लसूण
• कढीपत्ता
• हिरवी मिरची

संध्याकाळच्या स्नॅक्ससाठी परफेक्ट! १५ मिनिटांत घरच्या घरी बनवा Corn Chilli Cheese Toast; रेसिपी एकदा वाचाच

कृती:

• दही तडका बननण्यासाठी, सर्वप्रथम टोमॅटो, कांदा, कोथिंबीर बारीक चिरुन घ्या. हिरव्या मिरचीचे मध्यम आकारात तुकडे करा.
• कढईत चमचाभर तेल गरम करण्यासाठी ठेवा. तेल गरम झाल्यानंतर त्यात जिरे, बारीक कुटून घेतलेला लसूण घालून लालसर होईपर्यंत भाजा.
• त्यानंतर त्यात कढीपत्ता, हिरव्या मिरचीचे तुकडे, कांदा, टोमॅटो घालून मंद आचेवर शिजण्यासाठी ठेवा. खमंग परतून झाल्यानंतर त्यात चवीनुसार मीठ, हळद, लाल तिखट घालून मिक्स करा.
• वाटीमध्ये दही काढून त्यातील गुठळ्या मोडून घ्या आणि तयार केलेली फोडणी ओतून एकजीव करा.
• तयार आहे सोप्या पद्धतीमध्ये बनवलेला दही तडका. हा पदार्थ भातासोबत सुद्धा मस्त लागतो.