मंगळवार, 20 ऑक्टोबर 2026
उद्धव ठाकरेंनी सांगितली परभणीच्या युवराजची कथा
उद्धव ठाकरे यांनी दसरा मेळाव्यात राज्यातील दुष्काळाच्या भयानक परिस्थितीची जाणीव करून दिली. यावेळी त्यांनी राज्य सरकारसह केंद्रावरही निशाणा धरला. तसेच राज्यातील भयानक परिस्थितीचे विश्लेषण करताना त्यांनी परभणीतील युवराज नामक मुलाची गोष्ट सांगितली. युवराजसोबत घडलेली घटना उद्धव ठाकरे यांनी सांगितली. त्यावेळी उद्धव ठाकरे यांचाही कंठ दाटून आल्याचं दिसले. (Uddhav Thackeray Dasara Melava)
उद्धव ठाकरेंनी युवराजची कथा सांगताचाच उपस्थितांचे डोळे पाणवल्याचे दिसून आले. राज्यातील दुष्काळाच्या परिस्थिती शेतकऱ्यांवर ओढवलेल्या संकटाची जाणीव यावेळी उपस्थितांना त्यांनी करून दिली.
आपल्या भाषणात उद्धव ठाकरे म्हणाले, “हा दुष्काळ मोठा असणार आहे. आपल्याकडे दुष्काळात तेरावा महिना अशी म्हण आहे. तसंच हे सरकार आहे. डबल इंजिनचं सरकार नुसतं घोषणा करतंय. गेल्यावर्षी अतिवृष्टीत सगळं वाहवून गेलं होत. तेव्हा मुख्यमंत्र्यांनी इतिहासातील सर्वात मोठं 31 हजार कोटींचं पॅकेज जाहीर केलं होत. ज्यांची जमीन खरडून गेलीये त्यांना साडेतीन लाख रुपये हेक्टरी जाहीर केले. ते किती जणांना मिळाले? पीकविमा किती जणांना मिळाला? आतासुद्धा जी 5 हजाराची मदत केली ते उपकार नाहीत? विम्यासाठी जे निकष लावले होते ते निकषच काढून टाकले जेणेकरून नुकसानभरपाई देण्याची गरजच पडणार नाही. कर्जमाफी जाहीर झाली पण कुणाला मिळाले काहीच माहित नाही? केंद्रीय पथक येऊन गेलं काय केलं कुणालाच माहीत नाही…”
ते पुढे म्हणाले, “शेतकऱ्यांची अवस्था एवढी वाईट आहे. परभणीत झरी नावाचं एक गाव आहे. त्या झरी गावामध्ये युवराज बुधवर म्हणून एक 14 वर्षाचा पोरगा होता. शाळेतही सहल होती म्हणून हा युवराज त्याच्या बाबाच्या पाठी लागला. बाबा शेतकरी.. त्यांनी सांगितलं आपलं सोयाबीन विकल्यावर पॆसे येतील त्यातून तुला कपडे घेऊन सहलीला पाठवू. पण त्या पोराने पाहिलं सोयाबीन सुकलं आहे. मग ते विकणार कसं? आणि पैसे येणार कुठून? म्हणून दुपारी घरी कोणी नसताना छताला साडीचा फास करून गळफास घेऊन आत्महत्या केली. नवीन कपडे बाप आपल्या मुलाला देऊ शकत नाही. कल्पना करा, जी साडी नेसल्यानंतर आई म्हणून जिला तो बिलगत होता, त्याच साडीचा गळफास केलेले आपल्या पोराला बघून त्या आईबापाच्या मनात काय झालं असेल. पण कोणी गेलं नाही त्याच्याकडे बघायला.” उद्धव ठाकरेंनी हि परिस्थिती सांगताच त्यांचाही कंठ दाटून आला. तसेच, उपस्थित लोकांचेही डोळे पाणवल्याचे दिसून आले.
“हा माझ्या महाराष्ट्रातील गरीब शेतकरी. इथले गरीब शेतकरी असे जगतात आणि त्यांची पोर अशी मरतात. त्या युवराजने कधी खेळण्यातलं हेलिकॉप्टरपण घेतलं नसेल पण आमच्याकडचं गरीब शेतकऱ्याचं पोर पंचतारांकित शेतात हेलिकॉप्टर उडवत जातं. काय थोतांड चाललंय?” असं म्हणत त्यांनी उपमुख्यमंत्री एकनाथ शिंदे यांच्यावर नाव न घेता टोला मारला.
Ans: ठाकरे गटाकडून यंदाचा मेळावा संविधानाच्या संरक्षणार्थ आहे.
Ans: उद्धव ठाकरे यांनी परभणी जिल्ह्यातील झरी गावातील युवराज बुधवर या 14 वर्षीय मुलाची कहाणी सांगितली.
Ans: त्यांनी शेतकऱ्यांना जाहीर झालेली नुकसानभरपाई, पीकविमा, पाच हजार रुपयांची मदत आणि कर्जमाफी प्रत्यक्ष किती शेतकऱ्यांपर्यंत पोहोचली, असे प्रश्न उपस्थित केले.
