French Toast: फक्त काही मिनिटांत तयार होईल परफेक्ट फ्रेंच टोस्ट; जाणून घ्या सोपी रेसिपी

French Toast Recipe: नाश्त्यात काहतरी झटपट बनवायचे आहे तर घ्या काही मिनिटांत तयार होणारा फ्रेंच टोस्ट नक्की ट्राय करा, वाचा सोपी रेसिपी

सकाळचा नाश्त्यामध्ये काहीतरी टेस्टी आणि हेल्दी खायला सगळ्यांनाच आवडतं. रोजचे पोहे, उपमा किंवा सँडविच खाऊन कंटाळा आला असेल, तर यावेळी घरच्या घरी मऊ, लुसलुशीत आणि स्वादिष्ट फ्रेंच टोस्ट बनवून पाहा. ब्रेड, अंडी, दूध आणि काही सहज उपलब्ध साहित्य वापरून ही रेसिपी काही मिनिटांत तयार होते. लहान मुलांपासून मोठ्यांपर्यंत सर्वांनाच हा पदार्थ नक्की आवडेल. चला तर जाणून घेऊया फ्रेंच टोस्टची सोपी रेसिपी.

Hair Care Tips: कमकुवत केसांसाठी फायदेशीर ठरेल रोजमेरी ऑइल! जाणून घ्या वापरण्याची योग्य पद्धत जाणून घ्या

साहित्य

• ४ ब्रेड स्लाइस
• २ अंडी
• अर्धा कप दूध
• १ ते २ चमचे साखर
• अर्धा चमचा व्हॅनिला इसेन्स (ऐच्छिक)
• चिमूटभर दालचिनी पूड (ऐच्छिक)
• लोणी किंवा तूप
• मध, मेपल सिरप, फळांचे तुकडे किंवा पावडर शुगर

कृती

सर्वप्रथम एका भांड्यात अंडी फोडून चांगली फेटून घ्या. त्यामध्ये दूध, साखर, व्हॅनिला इसेन्स आणि दालचिनी पूड घालून पुन्हा एकजीव करा. आता प्रत्येक ब्रेड स्लाइस हे मिश्रण दोन्ही बाजूंनी हलक्या हाताने बुडवून घ्या. ब्रेड जास्त वेळ भिजवू नका, अन्यथा तो तुटू शकतो. यानंतर तवा गरम करून त्यावर थोडे लोणी किंवा तूप लावा. मिश्रणात भिजवलेला ब्रेड तव्यावर ठेवा आणि मंद ते मध्यम आचेवर दोन्ही बाजूंनी सोनेरी रंग येईपर्यंत भाजा. सर्व स्लाइस याच पद्धतीने तयार करा. तयार फ्रेंच टोस्टवर मध, मेपल सिरप किंवा पावडर शुगर डस्ट करा. त्यासोबत केळी, स्ट्रॉबेरी, सफरचंद किंवा इतर आवडत्या फळांचे तुकडे घालून सर्व्ह केल्यास चव अधिक खुलते. तुमच्या आवडीप्रमाणे ड्रायफ्रूट्स किंवा व्हीप्ड क्रीमचीही सजावट करू शकता.

परफेक्ट फ्रेंच टोस्टसाठी टिप्स

• किंचित जाड किंवा एक दिवस जुना ब्रेड वापरल्यास टोस्ट अधिक छान तयार होतो.
• ब्रेड मिश्रणात जास्त वेळ ठेवू नका.
• मंद आचेवर भाजल्यास टोस्ट आतून मऊ आणि बाहेरून खुसखुशीत होतो.
• गोड चवीसोबतच मीठ, मिरपूड आणि भाज्या घालून चटपटीत फ्रेंच टोस्टही तयार करता येतो.

High BP: फक्त मोठ्यांनाच नाही! लहान मुलांनाही होऊ शकतो हाय ब्लड प्रेशर, जाणून घ्या कारणे