Ganeshotsav 2026 : बाप्पाच्या आगमणासाठी अशाप्रकारे बनवा परफेक्ट ‘उकडीचे मोदक’

Ukdiche Modak Recipe : गणेशोत्सवात आवर्जून तयार केला जाणारा पदार्थ म्हणजे उकडीचे मोदक. तुम्हालाही घरी परफेक्ट रुचकर असे उकडीचे मोदक तयार करायचे असतील तर ही रेसिपी एकदा नक्की ट्राय करा.

(फोटो सौजन्य: Pinterest)

Follow Us:

Follow Us:

• लवकरच बाप्पाचे आगमन होणार नाही.
• मोदक हा गणपतीचा आवडीचा पदार्थ.
• चला उकडीच्या मोदकांची रेसिपी जाणून घेऊया.

रात्रीच्या उरलेल्या पोळ्यांपासून बनवा टेस्टी कुरकुरीत रोटी कटलेट; चव लागेल भारी! नोट करून घ्या रेसिपी

साहित्य

उकडीसाठी

• १ कप बारीक तांदळाचे पीठ
• १ कप पाणी
• १ चमचा तूप
• चिमूटभर मीठ

• १ कप ताजे किसलेले खोबरे
• ३/४ कप चिरलेला किंवा किसलेला गूळ
• १ चमचा तूप
  ½ चमचा वेलची पूड
• थोडी जायफळ पूड
• १ चमचा खसखस, आवडीनुसार

• कढईत तूप गरम करून त्यात किसलेले खोबरे आणि गूळ घाला. मंद आचेवर मिश्रण ढवळत राहा. गूळ वितळून मिश्रण थोडे घट्ट झाले की त्यात वेलची आणि जायफळ पूड घाला. सारण जास्त वेळ शिजवू नका, अन्यथा ते कोरडे होऊ शकते.
• एका भांड्यात एक कप पाणी घ्या. त्यात तूप आणि मीठ घालून पाणी उकळू द्या. पाण्याला चांगली उकळी आली की गॅस मंद करा.
• उकळत्या पाण्यात तांदळाचे पीठ एकदम घालून लगेच झाकण ठेवा. साधारण एक ते दोन मिनिटे झाकण ठेवून पीठ वाफवून घ्या. त्यानंतर चमच्याने मिश्रण व्यवस्थित एकजीव करा.
• उकड थोडी गरम असतानाच हाताला पाणी किंवा तूप लावून ती मऊसर मळून घ्या. उकडीत गुठळ्या राहणार नाहीत याची काळजी घ्या. उकड जितकी मऊ आणि लवचिक असेल, तितकी मोदकाची पारी चांगली तयार होते.
• उकडीचा छोटा गोळा घेऊन त्याला हाताच्या तळव्यावर गोलसर पसरवा. बोटांच्या मदतीने पारी शक्य तितकी पातळ करा. पारीच्या कडेवर बारीक घड्या पाडत मध्यभागी सारण भरा.
• सारण भरल्यानंतर पारीच्या सर्व घड्या एकत्र आणून मोदकाचे टोक बंद करा. मोदकाचा पारंपरिक शिखराचा आकार व्यवस्थित द्या. सर्व मोदक याच पद्धतीने तयार करून घ्या.
• मोदकपात्रात किंवा स्टीमरमध्ये पाणी गरम करा. चाळणीला किंवा मोदकाच्या पानाला थोडे तूप लावून त्यावर मोदक ठेवा. साधारण १० ते १५ मिनिटे मध्यम आचेवर वाफवून घ्या. मोदकाची उकड थोडी पारदर्शक आणि चमकदार दिसू लागली की मोदक तयार आहेत.

परफेक्ट मोदकासाठी महत्त्वाच्या टिप्स

• उकडीसाठी तांदळाचे पीठ बारीक आणि चांगल्या प्रतीचे वापरा.
• पाण्याचे प्रमाण योग्य ठेवणे अत्यंत महत्त्वाचे आहे.
• उकड पूर्णपणे थंड होण्याआधी मळल्यास ती अधिक मऊ होते.
• पारी जाड ठेवू नका; पातळ पारीमुळे मोदक अधिक नाजूक लागतो.
• सारणामध्ये गूळ जास्त शिजवू नका, त्यामुळे ते कडक होऊ शकते.
• मोदक वाफवताना पाण्याची वाफ सतत राहील याची काळजी घ्या.
• तयार मोदकावर थोडे तूप घालून गरमागरम नैवेद्य दाखवल्यास त्याची चव आणखी खुलते.

Web Title: Ganeshotsav 2026 festival special make traditional ukdiche modak at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com