Food Recipe: संध्याकाळच्या भुकेसाठी परफेक्ट स्नॅक्स! सोप्या पद्धतीमध्ये घरी बनवा स्ट्रीट स्टाइल पराठा पिझ्झा, नोट करा रेसिपी

Food Recipe: आज आम्ही तुम्हाला गव्हाच्या पिठाचा वापर करून पराठा पिझ्झा बनवण्याची सोपी रेसिपी सांगणार आहोत. या पद्धतीमध्ये बनवलेला पिझ्झा चवीला अतिशय सुंदर लागतो आणि टेस्ट सुद्धा मस्त लागते.

Food Recipe:  लहान मुलांपासून ते अगदी मोठ्यांपर्यंत सगळ्यांचं पिझ्झा खायला खूप जास्त आवडतो. कुठेही बाहेर गेल्यानंतर पिझ्झा खाण्याचा लहान मुलं हट्ट करतात. पण नेहमीच मुलांना मैद्याचा पिझ्झा खायला देण्याऐवजी घरी बनवलेला पिझ्झा खाण्यास द्यावा. वारंवार मैद्याचे पदार्थ खाल्ल्यामुळे अपचनाच्या समस्या वाढतात आणि आरोग्य बिघडून जाते. त्यामुळे झटपट तुम्ही गव्हाच्या पिठाचा वापर करून पराठा पिझ्झा बनवू शकता. हा पिझ्झा घरातील प्रत्येकाला खूप जास्त आवडेल आणि चव सुद्धा मस्त लागेल. पिझ्झा बनवण्यासाठी तुम्ही तुमच्या आवडीनुसार भाज्यांचा वापर करू शकता. भाज्या खाण्याचा सगळेच खूप जास्त कंटाळा करतात. कॅफे किंवा हॉटेलमध्ये मिळणारी वेस्टर्न डिश तुम्ही घरीसुद्धा सोप्या पद्धतीमध्ये बनवू शकता. विकतचा पिझ्झा बेस वापरण्याऐवजी घरीच गव्हाच्या पिठाचा पिझ्झा बेस वापरावा. चला तर जाणून घेऊया रेसिपी.(फोटो सौजन्य – istock)

Navratri Fast: उपवासाच्या दिवशी सकाळच्या नाश्त्यात प्या टेस्टी राजगिऱ्याची स्मूदी, दिवसभर शरीरात टिकून राहील ऊर्जा

साहित्य:

• गव्हाचे मळून घेतलेले पीठ
• शिमला मिरची
• कांदा
• चीज
• मोजरेला चीज
• पिझ्झा सॉस
• मक्याचे दाणे
• ऑरेगॅनो
• चिली फ्लेक्स

Navratri 2026 : नवरात्रीच्या तिसऱ्या दिवशी देवी चंद्रघटाला अर्पण करा मखान्यांचा शीरा, व्रतासाठीची परफेक्ट रेसिपी

कृती:

• पराठा पिझ्झा बनवण्यासाठी सर्वप्रथम, ताटात गव्हाचं पीठ आणि चवीनुसार मीठ घालून मिक्स करा. त्यानंतर त्यात आवश्यकतेनुसार पाणी घालून पीठ मळून घ्या. पीठ मळून घेतल्यानंतर त्यावर झाकण ठेवा.
• त्यानंतर पिठाचा गोळा घेऊन छोट्या आकारात लाटून घ्या. त्यानंतर त्यावर चीज स्लाइस आणि मोजरेला चीज घालून पुन्हा एकदा गोळा तयार करा.
• तयार केलेला गोळा बंद करून हलकासा त्यावर दाब द्या. त्यानंतर सुके पीठ लावून पराठा लाटून घ्या. लाटून घेतलेल्या पराठ्यावर चमच्याने छोटे छोटे छिद्र करा. जेणेकरून पराठा फुगणार नाही.
• नॉन- स्टिक पॅनमध्ये मध्यम आचेवर पराठा भाजून झाल्यानंतर त्यावर पिझ्झा सॉस, मक्याचे दाणे, शिमला मिरची, कांदा, किसलेले मोजरेला चीज पसरवून त्यावर झाकण ठेवा आणि एक वाफ काढून घ्या.
• तयार केलेल्या पिझ्झावर चिली फ्लेक्स आणि ऑरेगॅनो टाकून मंद आचेवर भाजा. तयार आहे सोप्या पद्धतीमध्ये बनवलेला पराठा पिझ्झा.