Recipe : हेल्दी अन् टेस्टी… नाचणीच्या पिठापासून बनवा जाळीदार आणि स्पाँजी ढोकळा, सकाळच्या नाश्त्यासाठी परफेक्ट पर्याय

Ragi Dhokla Recipe : सकाळचा नाश्ता आपल्या आरोग्यासाठी चांगला मानला जातो. हा नाश्ता हेल्दी असेल तर आरोग्यालाही याचा फायदा मिळतो. चला जाणून घेऊया नाचणीच्या पिठापासून ढोकळा तयार करण्याची पद्धत.

• नाचणीचा ढोकळा खाल्ला आहे का?
• हेल्दी आणि टेस्टी असा सकाळचा नाश्ता.
• चला नोट करुया रेसिपी.

सकाळचा नाश्ता हा आपल्या आरोग्यासाठी फार फायद्याचा मानला जातो. म्हणूनच नाश्ता कधीही स्किप करु नये. सकाळचा नाश्ता आपल्याला दिवसभर उर्जावान ठेवण्यास मदत करत असतो. आरोग्याच्या समस्या पाहता अनेकजण आता हेल्दी आणि टेस्टी नाश्त्याकडे वळले आहेत. म्हणजेच नाश्ता पाैष्टिक तर असावा पण त्याची चवही अप्रतिम असावी. तुम्हीही हेल्दी आणि टेस्टी नाश्त्याच्या जर शोधात असाल तर ही रेसिपी तुमच्यासाठी कामाची ठरु शकते. वजन कमी करताना आपल्या डाएटमध्येही तुम्ही याचा समावेश करु शकता.

Ganeshotsav 2026: पारंपरिक मोदकाला द्या गुलाबी ट्विस्ट! लाडक्या गणपती बाप्पासाठी या पद्धतीने बनवा चविष्ट गुलकंद मोदक

आजच्या आपल्या रेसिपीचे नाव आहे नाचणीच्या पिठाचा ढोकळा. होय, तुम्ही बरोबर ऐकलंत. आजवर तुम्ही बेसनाच्या पिठाचा साॅफ्ट ढोकळा खाल्ला असेल पण याचेच हेल्दी व्हर्जन नाचणीच्या पिठाचा ढोकळा देखील सकाळच्या नाश्त्यासाठी चांगला पर्याय ठरु शकतो. हा ढोकळा फक्त पाैष्टिकच नाही तर याची चवीलाही छान लागतो. चला तर मग नाचणीच्या पिठाचा मऊ, जाळीदार ढोकळा कसा तयार करायचा ते स्टेप बाय स्टेप जाणून घेऊया.

साहित्य

• नाचणीचे पीठ ९० ग्रॅम
• रवा १२० ग्रॅम
• मीठ १ चमचा
• दही १ कप
• आले-मिरची पेस्ट १ चमचा
• पिठीसाखर १ मोठा चमचा
• तेल ३ मोठे चमचे
• इनो १.५ चमचा
• मोहरी अर्धा चमचा
• दोन हिरव्या मिरच्या
• तीळ १ चमचा
• कोथिंबीर

Food Recipe: संध्याकाळच्या वेळी भूक लागल्यास काय बनवावं सुचत नाही? १० मिनिटांमध्ये झटपट बनवा चमचमीत मसाला मॅगी

कृती

• नाचणीचा ढोकळा तयार करण्यासाठी सर्वप्रथम एका मोठ्या भांड्यात नाचणीचे पीठ, रवा आणि दही एकत्र करुन घ्या.
• आता यात दीड कप पानी टाकून मिश्रण छान ढवळून घ्या, यात गाठी होणार नाहीत याची काळजी घ्या.
• आता यात मीठ, आले-मिरची पेस्ट, पिठीसाखर आणि एक चमचा तेल घालून तयार बॅटर २० मिनिटे झाकून ठेवा.
• आता एका भांड्याला चारही बाजूने तेलाने ग्रीस करा.
• तयार नाचणीच्या पिठात इनो घाला आणि पुन्हा एकदा मिश्रण चांगलं ढवळा.
• आता तयार बॅटर तेलाने ग्रीस केलेल्या भांड्यात ओता.
• एका मोठ्या भांड्यात किंवा इडलीच्या साच्यात पाणी घालून गॅसवर ठेवा आणि पाणी उकळले की यात बॅटर टाकलेले भांडे ठेवा.
• वरुन झाकण लावा आणि २० ते २५ मिनिटे मध्यम आचेवर मिश्रणाला छान शिजू द्या.
• २० मिनिटांनी झाकण उघडून चाकू किंवा काटा चमच्याने साहाय्याने ढोकळा शिजला की नाही ते तपासा.
• चाकूला कच्चे पिठ लागले की समजून जा, ढोकळ्याला आणखी काही मिनिटे शिजण्याची गरज आहे. तथापि पिठ लागले नाही तर तुमचा ढोकळा योग्य रित्या शिजला आहे.
• ढोकळा शिजला की, गॅस बंद करा आणि थंड झाल्यावर ढोकळा एका प्लेटीत काढून घ्या.
• आता एका कढईत तेल गरम करुन यात मोहरी, कढीपत्ता, हिरव्या मिरच्या, तीळ घालून फोडणी द्या. एका
• मनिटांनंतर यात थोडं पाणी आणि साखर घाला आणि मग साखर वितळली की गॅस बंद करा.
• शेवटी तयार फोडणी प्लेटीत काढलेल्या ढोकळ्यावर घाला आणि याचे चाैकोनी तुकडे करा आणि नाचणीचा ढोकळा खाण्यासाठी सर्व्ह करा.