हिवाळ्यात सांधेदुखीचा त्रास जीवघेणा ठरतोय? घरगुती उपायांनी दूर करता येतील असह्य वेदना

Joint Pain Remedy : हिवाळ्यात सांधेदुखीचा त्रास सहन होण्यापलीकडचा ठरतो. वृद्धांमध्ये ही समस्या अधिक पाहायला मिळते. पण दुःखाला कवटाळत न बसता जीवनशैलीत काही महत्त्वाचे बदल करून तुम्ही यापासून आराम मिळवू शकता.

• हिवाळ्यात सांधेदुखीचा त्रास आणखीन वाढतो
• वृद्धांना हा त्रास अधिक जाणवून येतो
• काही घरगुती उपायांच्या मदतीने सांधेदुखीचा त्रास कमी करता येतो

हिवाळ्याचे दिवस आता सुरु झाले आहेत. थंडीची लाट आता हळूहळू पसरायला लागली आहे. थंडी वाढताच सर्दी-खोकल्यासह अर्थात सांधेदुखीचा त्रास सुरू होतो. हा त्रास तरुणांहून कित्येक पटींनी जास्त वृद्धांना जाणवू लागतो. उतारवयात सुरूवातीला हातपाय आखडल्यासारखे वाटू लागतात. हळूहळू त्रास वाढून गुडघे, कंबर, खांदे आणि जुन्या वेदना पुन्हा दुखू लागतात. काही वेळा या वेदना असह्य होतात ज्यामुळे कोणतेच काम करणे शक्य होत नाही, चालतानाही त्रास होतो. या दिवसात ज्येष्ठांनी आपल्या आरोग्याची विशेष काळजी घ्यायला हवी.

चेहऱ्यावरील पिंपल्सचे काळे डाग होतील कायमचे गायब! १५ दिवस नियमित त्वचेवर लावा ‘हा’ प्रभावी लेप, चेहरा दिसेल देखणा

वाढत्या वयासोबत हे आजार आल्यामुळे अनेकजण याकडे दुर्लक्ष करतात पण आम्ही तुम्हाला सांगतो की, काही सोपे घरगुती उपाय करून तुम्ही सांधेदुखीच्या त्रासापासून तुमची मुक्तता करू शकता. या असह्य वेदना कवटाळत बसण्याची गरज नाही तर फक्त आपल्या जीवनशैलीत काही महत्त्वाचे आणि आरोग्यदायी बदल करण्याची गरज आहे. चला सांधेदुखीचा त्रास दूर करण्यासाठी घरच्या घरी कोणते उपाय करता येतील ते जाणून घेऊया.

उबदार कपडे

थंडीत शरीर उबदार ठेवावे, कारण या दिवसात तापमान कमी होते. ज्यामुळे सांध्यांमध्ये कडकपणा वाढतो. तुम्हाला वारंवार सांधेदुखीचा त्रास होत असेल तर जाड थर असलेले कपडे घालावेत. फरशीवर थेट बसू नये. यासाठी ब्लॅकेट, रजाई घ्यावी. हीटिंग पेंडचा वापर करावा. मोजे, कानटोपी, स्वेटर घालावे.

व्यायाम करा

थंडीत आळस आल्याने बरेचजण व्यायाम करणे टाळतात. पण यामुळे वेदना आणखी वाढू शकतात. जेव्हा शरीराची हालचाल होते तेव्हा रक्तप्रवाह सुधारतो आणि सांध्यातील कडकपणा कमी होतो. त्यामुळे रोज सकाळी न चुकता हलके स्ट्रेचिंग आणि योगा करायला हवा.

सूर्यप्रकाश घ्या

सूर्यप्रकाश कमी असल्याने हिवाळ्यात ‘व्हिटॅमिन D कमतरता शरीरात निर्माण होते, जे सांधेदुखीला एक प्रमुख कारण ठरते. त्यामुळे शक्य असल्यास थोडा वेळ दररोज सौम्य सूर्यप्रकाशात बसा. व्हिटॅमिन डी कॅल्शियम शोषून घेण्यासाठी आणि हाडांचे आरोग्य सुधारण्यासाठी आवश्यक आहे, ज्यामुळे सांधेदुखी कमी होण्यास मदत मिळते.

Amruta Fadnavis वयाच्या 46 व्या वर्षीही अभिनेत्रींना फिटनेसच्या बाबतीत देत आहेत मात! ‘या’ प्रभावी पेयाचे सेवन ठेवेल फिट

बसण्याची स्थिती

साधेदुखी बसण्याच्या चुकीच्या स्थितीमुळे आणखीन वाढू शकते. त्यामुळे बसताना कुबड न काढता पाठ सरळ ठेवून बसावे, पाठीला आधार द्यावा. बसताना वारंवार स्थिती बदलणे आणि दर २० मिनिटांनी ब्रेक घेणे महत्त्वाचे आहे. क्रॉस-पाय घालून बसणे टाळावे, कारण त्यामुळे सांधेदुखी वाढू शकते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.