सतत बसण्याने, कमी पाणी पिण्याने होते Acidity, घरगुती उपायांना मिळेल त्वरीत सुटका

कमी पाणी पिण्यानेही अ‍ॅसिडिटीची समस्या उद्भवू शकते. कमी पाणी पिल्याने देखील गॅस तयार होऊ शकतो, तसंच सतत बसण्यानेही अ‍ॅसिडिटीची समस्या वाढते. कसा कराल यावर उपाय जाणून घ्या

जर तुम्ही नियमितपणे तासनतास बसलात तर त्याचा तुमच्या कंबरेच्या हाडांवर निश्चितच परिणाम होतो. त्याचा तुमच्या आरोग्यावर परिणाम होऊ लागतो. सतत बसल्याने अ‍ॅसिडिटी होऊ शकते. कारण त्यामुळे पचनसंस्थेवर दबाव येतो आणि आम्ल निर्मिती वाढते. आज आम्ही तुम्हाला सांगणार आहोत की जर नियमितपणे अनेक तास बसून राहिल्याने तुमच्या पोटात आम्लता वाढत असेल तर काही गोष्टींचा अवलंब करून तुम्ही या समस्येपासून मुक्त होऊ शकता. यासाठी आयुर्वेदिक डॉक्टर माधव भागवत यांनी काही सोपे सल्ले दिले आहेत, त्याचे पालन करणे तुमच्यासाठी नक्कीच उपयुक्त ठरतील 

नियमित व्यायाम

नियमित व्यायामामुळे पचनसंस्था मजबूत होते आणि अ‍ॅसिडिटीची समस्या कमी होते. म्हणून, जर तुम्ही नियमितपणे व्यायाम केला तर ते तुमची पचनसंस्था मजबूत ठेवते. पोटात तयार होणाऱ्या आम्लापासूनही तुम्हाला आराम मिळतो. तुम्ही सतत बसून काम करत असाल तर सकाळी वा संध्याकाळी नियमित चालणे, पोहणे वा व्यायाम करणे योग्य ठरेल. अन्यथा अ‍ॅसिडिटीसह अन्य आजारांनाही निमंत्रण मिळते 

खाण्याच्या सवयी बदला

खाण्याच्या सवयी बदलल्याने अ‍ॅसिडिटीची समस्या कमी होऊ शकते. तुमच्या आहारात अधिक फायबर, फळे आणि भाज्यांचा समावेश करा आणि मसालेदार आणि तळलेले पदार्थ टाळा. यासोबतच, आणखी एक महत्त्वाची गोष्ट म्हणजे तुम्ही तळलेले पदार्थ खाणे कमी करावे. बऱ्याचदा, तळलेले अन्न खाल्ल्याने तुमच्या पोटात आम्लता वाढते. सध्या जंक फूड, प्रोसेस्ड फूड याचा वापर अधिक वाढला आहे. वेळीच तुम्ही आहारातून याचे सेवन कमी करावे 

पित्त, अ‍ॅसिडिटीपासून सुटका हवी आहे? मग आहारत करा ‘या’ पदार्थांचे सेवन,पित्त होईल कमी

पाण्याचे सेवन वाढवा

कमी पाणी पिण्यामुळेदेखील गॅस तयार होऊ शकतो. म्हणून, तुम्ही पिण्याचे पाणी वाढवा. पाणी पिण्यामुळे पचनसंस्था मजबूत होते आणि अ‍ॅसिडिटीची समस्या कमी होते. दिवसभरात कमीत कमी २ ते ३ लिटर पाणी प्यावे. यामुळे तुमचे आरोग्य सुधारते. पाण्याने पोटाला त्रास होत नाही आणि याशिवाय तुमची त्वचाही चांगली राहण्यास मदत मिळते 

तणाव कमी करा 

ताणामुळे अ‍ॅसिडिटीची समस्या वाढू शकते. ताण कमी करण्यासाठी योग, ध्यान आणि व्यायाम यासारख्या क्रियाकलापांचा सराव करा. कधीकधी जास्त ताणामुळे आम्लता वाढते. म्हणूनच तुम्ही तणावमुक्त राहणे महत्त्वाचे आहे. कारण जेव्हा तुम्ही तणावमुक्त राहता तेव्हा तुमची आम्लता नियंत्रणात राहते.

वेळेवर जेवणे महत्वाचे आहे

नियमित अंतराने अन्न खाल्ल्याने अ‍ॅसिडिटीची समस्या कमी होते. जर तुमच्या जेवणाची वेळ योग्य नसेल तर ते अ‍ॅसिडिटीचे एक मोठे कारण असू शकते. म्हणून, तुमच्या जेवणाच्या वेळा समायोजित करणे सर्वात महत्वाचे आहे. तुमच्या आरोग्यासाठी वेळेवर जेवण करणे महत्वाचे आहे. संध्याकाळी साधारण ७ ते ७.३० दरम्यान रोज जेवा आणि जेवणाच्या आणि झोपण्याच्या वेळेमध्ये किमान २-३ तासांचे अंतर ठेवा म्हणजे जेवण पचून अ‍ॅसिडिटीची समस्या उद्भवणार नाही

अ‍ॅसिडिटी, पित्तामुळे सतत ढेकर येतात? आराम मिळवण्यासाठी करा ‘या’ पांढऱ्या पाण्याचे सेवन, छातीमधील जळजळ होईल कमी

अल्कोहोल आणि कॅफीन टाळा

अल्कोहोल आणि कॅफिनमुळे अ‍ॅसिडिटीची समस्या वाढू शकते. या टाळण्याचा प्रयत्न करा. जर तुम्हाला अ‍ॅसिडिटीची समस्या असेल तर तुम्ही अँटासिड किंवा अ‍ॅसिड रिड्यूसर घेऊ शकता. पण लक्षात ठेवा की ही औषधे घेण्यापूर्वी तुम्ही तुमच्या डॉक्टरांचा सल्ला घ्यावा.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.