सकाळच्या नाश्त्यासाठी सोप्या पद्धतीमध्ये बनवा एवोकाडो पनीर सॅंडविच, नोट करून घ्या हेल्दी रेसिपी

आज आम्ही तुम्हाला सोप्या पद्धतीमध्ये एवोकाडो पनीर सॅंडविच बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. नोट करून घ्या रेसिपी.

सकाळच्या नाश्त्यात प्रत्येकालाच हेल्दी आणि चमचमीत पदार्थ खाण्यास हवे असतात. नाश्त्यात कायमच कांदापोहे, उपमा, शिरा, इडली, डोसा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. दिवसभर कायमच फ्रेश आणि आनंदी राहण्यासाठी दिवसाची सुरुवात सकाळच्या पौष्टिक नाश्त्याने करावी. म्हणूनच आज आम्ही तुम्हाला एवोकाडो पनीर सॅंडविच बनवण्याची सोपी रेसिपी सांगणार आहोत. हा पदार्थ सकाळच्या नाश्त्यासाठी किंवा लहान मुलांच्या डब्यासाठी अतिशय उत्तम आहे. एवोकाडो चवीचा अतिशय बेचव लागते. या फळाला स्वतःची अशी काहीच चव नसते. पण वाढलेले वजन कमी करताना एवोकाडो खाण्याचा सल्ला दिला. एवोकाडो खाल्यामुळे शरीराला ऊर्जा मिळते. चला तर जाणून घेऊया एवोकाडो पनीर सँडविच बनवण्याची सोपी रेसिपी.(फोटो सौजन्य – istock)

सोड्याचा वापर न करता दिवाळीनिमित्त घरी बनवा कुरकुरीत आलू भुजिया शेव, फराळ होईल आणखीनच चविष्ट

साहित्य:

• ब्रेड
• एवोकाडो
• पनीर
• लिंबाचा रस
• कांदा
• कोथिंबीर
• हिरवी मिरची
• मीठ
• काळीमिरी पावडर
• ऑलिव्ह ऑइल

दिवाळीनिमित्त फराळातील पदार्थ बनवताना साखरेऐवजी करा ‘या’ पदार्थाचा वापर, सोप्या पद्धतीमध्ये घरी बनवा लाडू

कृती:

• एवोकाडो पनीर सँडविच बनवण्यासाठी सर्वप्रथम, एवोकाडोच्या आतील बी काढून एवोकाडो सोलून बारीक तुकडे करून घ्या.
• त्यानंतर एवोकाडो चमच्याने मॅश करा. नंतर त्यात लिंबाचा रस, कोथिंबीर, हिरवी मिरची, मीठ आणि काळीमिरी पावडर घालून व्यवस्थित मिक्स करून घ्या.
• तयार केलेली एवोकाडो पेस्ट ब्रेडच्या स्लाइसवर एकसमान पसरवून घ्या. त्यानंतर त्यावर किसून घेतलेले पनीर घालून त्यावर ब्रेड स्लाइस ठेवा.
• गरम तव्यावर सँडविच ठेवून बाजूने बटर टाकून दोन्ही बाजूने कुरकुरीत करून घ्या. खरपूस भाजून झाल्यानंतर गॅस बंद करून सँडविच खाण्यासाठी सर्व्ह करा.
• तयार आहे सोप्या पद्धतीमध्ये एवोकाडो पनीर सँडविच. हा पदार्थ हिरवी चटणी किंवा सॉससोबत अतिशय सुंदर लागेल. नाश्त्यात आठवड्यातून एकदा किंवा दोनदा एवोकाडोचे सेवन करावे.